تكفون وجهوني أرشدوني كيف أتعامل مع صديقتي مضيقه صدري!!

والله لو انا منك اسفها وصراحة مالها دخل تسلم عليك فلانه ولا علانه

واعذريني على هذا الكلام انتي ملك نفسك وماهنت ملكها

طنشيها واذا هي تعزك صدق بتجي تعتذر لك

فلي عنها شوي
وبلاش تدلعيها بزياده
تراها واثقه انك مالك غناوي عنها
واذا صار بينكم زعل طنشيها ولاتحاسبينها عالحبه انتي سويتي وانتي قلتي اسكتي عنها شوي واذا حست ان قيمتها بدت تنزل بتشوفينها تطلب رضاش
وتراش غلطانه انش ما تكلمين البنات عشان زعلها
ترى هاي مهيب صداقه هاي تملك
كلامي يختي من من فراغ كلامي عن تجربه

أشكركم عالردود والتوجيه بس أختي ترانيم وضحي لي أكثر يعني ماكلمها؟؟؟؟؟؟؟؟؟؟؟؟؟؟؟؟

انتي خليك معاها عاديه لفتره من الزمن يمكن تحس وتتعدل
واذا ماغيرت معاملتها معك الله يغنيك عنها
الله يصلح حالكم ان شاء الله

لا يكون صديقة عندها مرض الاعجاب بالبنات >>>>> معليش حبيبتي كل شي وارد لا تزعلين يمكن هي معجبة فيك وتغار عليك ... بس بيني وبينك البنت اللي تغار على صديقتهها اما انها بنات بسلوك شاذ او بنات ماعندها ثقة بنفس فاتحتمي بوجه صديقاتها وتطلع شخصيتها على حساب صديقتها وتعقد صداقات وتقبل الاخرين .. من خلال الصديقة هذي .. ومعليش انا عشت مع الاشكال هذي وشوفتهم كثير بالذات نماذج اللي ماعنده الشخصية .وفعلا يغارون غيرة مو طبيعيية .... انا من راي انك تحطين النقاط على الحروف وتقولين لها ... معليش لين هنا وكافي .. احترمتك كثير وجاء الوقت اللي تحترمين فيه نفسك وتحترميني وتحترمين صداقاتنا مانتي اصغر عيالها تصارخ عليك قدام البنات ولا حتى قدام نفسها .. خليها تحترم نفسها وتحترمك بلا اسلوب همجي .. وين عايشة هي مو بنت !

قولي لها انا بسلم وبكلم وبسولف مع الكل العالم كله مالك شغل .... صداقتنا غير وعلاقتي بالمجتمع غير مانت امعه تمشين وراها ولا هي امك عشان تدورين راضاها خليها تحشم نفسها ... ترى عيب .. وفعلا كلمة عيب لها مقام مثل هذا.....
والحل انك تطنشينها كم من يوم وبالاخير قولي لها كم كلمة هذي ولا رتبي كلام من عندك والله يستر عليك بس لا تذلين عمرك عشان خويتك هذي ... ترى مايسوى عليك لا وتقطع علاقتك بالمجتمع يمكن تلقين لك صديقة احسن منها تحترمك وتحبك لهدف سامي .

سلام .