ماشاء الله تبارك الله
كان ياما كان
في قديم الزمان وسالف العصر والاوان
كانت امي الحبيبه الله يحفظها من كل شر ويخليها لنا تسوي لنا مسقعه عجيبه ورهيبه :cook:
وكنا نحشي سندوشات صامولي وناكلها مع الشاي :35:او ناكلها كمقبلات مع الرز الابيض يم يم
ويوم الاربعاء سوتها وتذكرتكم قلت لازم اعلم اخواتي بنات حواء عنها رحت صلحتها يوم الخميس وصورتها لكم
------احس اني كثرت الهذره اعذروني هذا من تاثير الثوم اللي فيها :hahaha:
المهم نجي للطريقه والمميزات
الطريقه قشري تقريبا 10 باذنجانات وقطعيها شرايح او طوليا واقليها على كم رد ولا تنسين تنشفيها من الزيت
بعد الانتهاء من القلي نجهز الخلطه اللي بنسقي فيها الباذنجان وهي عباره عن
ضعي في كاس الخلاط==ثوم من اربع لخمس حبات =نصف بصله متوسطه الحجم =فلفل حارحسب الرغبه=عصير ليمونه-خل من ثلاث لاربع ملاعق =ملح= فلفل=كمون =كزبره مطحونه -بهار مشكل-نصف بياله ماء=
وممكن نقلي البصله بعد تقطيعها جوانح ثم نطحنها مع الخلطه
نطحنها جيدا ثم نسقي بها الباذنجان بعد وضعه بعلبه بلاستيكيه ونحركها بشويش ونميل العلبه شوي على جنب وتترك كم ساعه حتى ينزل منها باقي الزيت اللي بالباذنجان
واذا فتحتي العلبه بتشمين رائحه ووواو مشهيه وبتلاقين الزيت متجمع على جنب حاولي تتخلصين منه معليش نسيت اصور هالمرحله
ثم حركيها وقدميها مع الخبز او الارز وبالعااافيه
من مميزاتها =
1-تحفظ في علبه بلاستيكيه بالثلاجه اسبوعين او ثلاثه ما يتغير طعمها ابد
2-ثاني يوم تكون الذ من اول يوم تصليح
3-سهله التحضير ومافيها غير باذنجان
دعواتكم للوالده الله يحفظها