his lady

his lady @his_lady

عضوة فعالة

امتلاك منزل + قروض + عقارات

المنزل والديكور

السلام عليكم ..


أكيد فيه كثير يحلمون يمتلكون منزل او شقه او حتى ( عشه ) بس الاهم تكون ملك ! ❤️


حابه يكون هالموضوع تجمّع للي عنده خبره او معلومة ممكن تفيدنا .. عجبني موضوع هنا بس من عام ٢٠١١ والاسعار والقروض تغيرت ..


اتمنى من اي وحده ممكن تفيدنا كيف تملكت منزل او شقه او قدرت تجمع مبلغ حلو عشان تتملك ارض

+ العقاريات او الي عندها معلومة ممكن تفيدنا لا تبخل علينا ❤️ ..


+ ياليت الي شايفه عقار كويس سواءً ارض او بيت تذكره لنا ، والي تعاملت مع مكتب عقار كويس كمان تذكره لنا ❤️

+ اصحاب القروض العقارية ياليت تعلمونا كيف وضعكم المادي مع القرض وكيف استفدتي منه !



اتمنى القى تفاعل عشان الكل يستفيد .. ويارب عسانا بيوم نتملك بيوت ونرتاح ❤️❤️❤️
22
6K

يلزم عليك تسجيل الدخول أولًا لكتابة تعليق.

تسجيل دخول

his lady
his lady
ببدأ من نفسي ..



انا موظفة بمدرسة اهلية وزوجي موظف بقطاع خاص وللأسف ماقدرنا نتضامن عشان نتملك بيت .. و بعد مراجعات مع البنوك طلع زوجي مايقدر ياخذ اكثر من ٨٠٠ ألف والسبب عنده قرض ١٢٠ ألف ( قرض الزواج ) + موظف بقطاع خاص ..



من وضعه مثل وضعنا وقدر ( بعد قدرة الله ) يتملك بيت !؟
s.n.a.k.e
s.n.a.k.e
اختي اللي فوق تقدرين تمتلكين بيت بهالسعر مساحته 800 الف .. ومساحته 200 وفيه البركه... الحمدلله ولا اني اسكن بايجار وبيت مو ملكي...

فيه دبلكسات كثيره بهالسعر تلقينه بلبن.. كلها مساحات 200

صح المساحه صغيره لكن دورين.. وعلى حسب الدبلكس وتوزيعه.. فيه دبلكسات موزعه صح من ناحية الغرف والحمامات .. وفيه توزيع اي كلام..

وبتلقين دبلكس بنفس المساحه بسعر اقل .. دبلكسات لبن مساحه 200 تبدا اسعارها من 700الف
soosweet
soosweet
موضوع حلو وزوجي يدور فيلا للبيع بجده تكون حوالي المليون وتكون دورين طبعا اقساط
التاجره الصغيره
البيوت فيه في المؤنسية رخيصه وحلوه مره وب 800 الف
انا اقول اللي ما بعد اشترى يتحرك ويشتري لأن مافيه عقار ينزل مستحيل
وانا قبل سنتين اشتريت
كان علي قرض شخصي وكنت مو متخيله انهم يعطوني لكن رحت لبنك ساب
واعطوني قرض عقاري وجددت القرض الشخصي عشان اأثث البيت
والحمدلله مشى الحال ولا اني اسكن بإيجار وادفع سنين على الفاضي
دلع٢٠١٤
دلع٢٠١٤
المشكله القروض قليله والبيوت اسعارها نااار وتشتري البيت وتدفعي للبنك دبل القرض

وراح العمر والواحد يسدد القروض

الله يسسرها ويرزقنا وكل من يتمنى بيت ملك بخير وعافيه