وش اكثر المواضيع الي تسبب المشاكل بينك وبين زوجك؟

السلام عليكم ورحمة الله وبركاته
كيفكم يا عسولات والله حبيتكم وحبيت مواضيعكم
موضعي هو وش اكثر المواضيع الي دائما" تسبب مشاكل بينك وبين زوجك..
ياليت تقول كل وحده وش المشكله سوا مشكله وحده او ثنتين او اكثر
واذا هي عالجت هالمشكله وشلون تخلصت منها
او لسه تعاني منها نحاول نساعدها عشان تحل هالمشكله وتمحيها من حياتها
من اجل حياة هادئه و سعيده خاليه من المشاكل ...
طبعا الازواج يختلفون يبعضهم ينفع معه بعد الله والدعاء الاسلوب الزين والكلام المعسول وبعضهم ينفع معه اسلوب التفنن في الجماع صدق لاتستغربون بعضهم تقول اادلعه بالفراش ويتجاوب معي على قولت بعضهم تاخذ الي تبي وبعضهم
ماينفع معه الا الدعاء لانه خلاص اذونه متقفله مايبي يسمع لانصيحه ولا كلام حلو ...
طبعا كل وحده تحاول تعرف اي طريق تحل فيه المشكله وتناقشها مع زوجها ...
احيان نعرف الحل بس مانقدر نسويه مادري ليه او مانبغى نسويه لان بعض البنات تكابر او تقول كرامتي او تتغلى ما دري بالنسبه لي اكابر:biggrin:

ماادري موضوعي عجبكم او لا بس جاء في بالي وقلت نتشارك مشاكلنا مع بعض
خصوصا انو هالفتره امر بمشكله مع زوجي لنا اسبوع مانسولف زي العالم

عموما ببدا انا باكثر المشاكل بيني وبين زوجي
1.الماديه ..كان دايم بينا مشكله بسبب الماديه كل ما طلب شئ يقول ما اقد وين راح الراتب يقول انتي تصرفين ولاتدرين قلت انا ما اصرف وكل شهر على هالحاله وبعدين ناقشنا الموضوع بهدؤ وانحلت المشكله...
وشلون حليتها : قلت خلاص موب انا اصرف عطني مصروفي وخلاص عشان مانصرف كثير على قولتك وعشان اعرف اوازن اموري وطلباتي ووافق وانحلت المشكله بس ترجع احيان بس موب مثل اول
يمكن بعضكم عنده هالمشكله بس طريقة الحل غلط مثل تجبره على المصروف الشهريي اوشروط تخليه يرفض الخ...راح نناقش الموضوع اذا احد عنده هالمشكله...

2.مشكلة اللبس ..زوجي مايحب البس عاري او قصير اوعباية كتف او بنطلون وانا كنت عادي قبل الزواج كلها تنازلت عنها لله لاني راح ارضي ربي وهذي بعد انحلت..
شلون حليتها: لاني بكل بساطه فكرت في اخرتي واقتنعت ورضيت بما يرضي الله بس احيان الشيطان يلعب علي بالسفر بس زوجي يرفض البس العبايه على الكتف والبنطلون ارجع اقول تعوذي من الشيطان جاين نبسط موب نتطاق :arb: يعطيني هذيك النظره ويقول الظاهر انت عارفه رايي بالموضع و:biggrin: ابتسم ونطلع نتمشى نكمل سفرتنا...

3.الغيره ....الغيره مسببه لي مشاكل كبيره في حياتي واكثر شئ متعبتني ولا عرفت احلها ابدا ياليت تساعدوني من كانت تغار وصارت عادي تعطيني الحل دايم محسسني اني مريضه بالغيره وانو غيرتي موب في محلها مع اني اشوف انها بمحله يقول انتي تدورين المشاكل وانتي تفكيرك غلط يعني احس الغيره من اكبر المواضيع الي مسويه مشاكل كثيره بحياتي وانا متاكده انو اذا انحلت باذن الله بتنحل كميه كبيره من المشاكل بحياتي...

4. الاحترام والتقدير ... من كثرة المشاكل بيني وبين زوجي انعدم الاحترام والتقدير بينا وبصراحه اول مايحصل خلاف بينا كل واحد يقول للثاني كلام سئ او يتصرف بطريقه غير مقبوله بغرض انو يقهر الثاني وبرضو هذي من المشاكل الكبيره بحياتي وماني عارف وشلون يرجع التقدير والاحترام مره ثانيه بينا ادري انو شئ صعب بس باذن الله راح يرجع بمساعدتكم بعد الله ..

ويالت تشاركوني وتعطوني حلول اذا عنكم
وان شاءالله عجبكم موضوعي..