خطوبه البنت الصغيره قبل الكبيره

خطوبه البنت الصغيره قبل الكبيره

أصبحت هالظاهره منتشره بشكل كبير هالوقت

آآذا الناس أعجبتهم الصغيره تقدموا وطلبوها بالاسم ( نبي بنتكم فلانه )

بالرغم أن بقديم الزمان أو ماقبل 30 سنه كانت تعتبر عيب على الأب يزوج الصغيره قبل الكبيره لما فيه انتقاص للكبيره وكسر لنفسها ووووالخ

وكلنا ماننكر أنها أرزاق مقسومه منذ أن كنا في بطون أمهاتنا والرازق في السماء سبحانه

لكـــن !!

»»»» ندخل بالموقف

لو أنتي كنتي الكبيره وكلكم متقاربات بالجمال والتعليم والى آخره
وانخطبت أختك اللي أصغر منك

هل بتعارضين وتقولين ‏??لا !!
أو بتكبتينها بنفسك وتحسينك مكسوره من جوا وبنفس الوقت ماتقدرين تعارضين خوفا من أن يعتقدون انك متلهفه على الزواج !!
أو بتقتنعنين وتقولين عادي !!
أو أو أو الخ

ولو كنتي أنتي الصغيره وتقدملك واحد كفو

هل بتراعين وضعك أختك النفسي وتقولين ‏??لا !!
ولا بتقولين أرزاق ‏?ليه أفوته علي واختي إذا لها رزق بيجي وإذا ماكتب لها ربي هذا مكتوب !!
بتفكرين بكلام الناس على أختك ولا تشوفينه عادي !!
ممكن تراعين أختك وتقولين مستحيل اكسر نفسها واتزوج قبلها بس كمان ممكن تفوتين على نفسك زوج كفو ماتحلمين بواحد مثله !!
ماتخافين الناس يقولون ذي أنانيه مافكرت بَـ أختها وتزوجت !!

»»»» في كلا الحالتين شنو ردك !!

ملحوظــه ؛
بالوقت ذا أصبحوا الرجال الكف قليل
الأغلبيه أشباه رجال

*بتكونين قويه وتبتسمين لاختك التي تصغرك وتوافقينها على الزواج منه !!
*بتكونين قويه وتتمسكين بالرجل الكف وتقنعين أختك التي تكبرك بَـ انه قسمه ونصيب !!