كيفكم يا بنات ان شاء الله ان الجميع بصحه و عافيه :27: حبيت انزل موضوعي اليوم طبعا انا اول مره في حياتي اشارك في موضوع واذا لاحضتو اي لخبطه فاعذروني جميعا وتحملوني
انا متابعه لهذا المنتدى الاكثر من رائع منذ اربع سنوات واخيرا قررت اني اشارك فيه وارجو انكم تقبلوني اخت جديده لكم
ابدا مشاركتي كان عندي مرايه قديمه لتسريحتي القديمه انبلشت فيها :mad:
وبعدها قررت اني احولها مدخل
وبدأ العمل ...................
ملاحظه امانه يا بنات لا احد يلطش الصور تراها في ذمتكم لاني ما اعرف طريقة التوقيع على الصوره
اول شي جبت المرايه ونضفتها من الغبار اللي فيها
وبع ما انتهيت من التنظيف بدأت العمل جبت الجبس وعجنته مع المويه واخذت المرايه ورسمت عليها بمحدد الشفايف خخخخخخخخخخخ لاني لورسمت بالقم ما راح يوضح وبدات اشتغل بالجبس على المرايه
اخذت مجموعه من الخرز قطعتها نمن الستائر و مخدات زايه ومن فساتيني ولصقتها بالشكل اللي شفتوه
بعد كذا بدأت بعمل خطوط عشوائيه بشوكة الطعام على شكل الخطوط اللي في الخشب حتى ياخذ البرواز شكل الخشب على الجبس طبعا قبل ما ينشف ولازم يكون رطب شوي علشان يسهل الشغل
بعد كذا بخيت الجبس بالبخاخ الذهبي الا ان جف ورجعت بخيتها بالبخاخ البني من فوق الذهبي علشان تاخذ شكل تعتيقة الخشب
بعد ما نتهيت من المرايه رحت لمحل قص الزجاج وطلبت منه انه يقص لي رف و حددت طول الرف مع عرضه واخذت حمالة رفوف وما قصر زوجي:arb: ركب لي الرف وعلق المرايه وهذا الشكل النهائي وش رايكم من غير تحطيم ههههههه....؟
طبعا الطوب اللي على الجدار سويته بالجبس وان شاء الله في المره الجايه راح اعرض اعمالي على الجدران بالجبس