اعطيه الحنان والاهتمام

لايحطمونك البنات اللي يقولون هذا الواقع
لا والله باذن الواحد الاحد تقدرين تكونين لزوجك كل شيء بحياته
بحنانك و وعطفك ووقفتك معاه وتكونين له فعلا مو تمثيل الصدر الحنون
وتمدحين اهله قد ماتقدرين وتقربين منهم وتحسنين النيه وتهدينهم ودايما دايما كل ماطلعتي من عندهم امدحيهم وكل شيء حلو لو صغير سووه لك كبريه بعينه بيشوووووووف انك بنت ناس متربيه ويبين في عينها كل شيء بيحترمك كثيررررررر قسم بالله زوجي كتووووم ولايمكن يحاكي احد غيري انا ماشاء الله لاني اثبتله اني عاقل ومو اي شيء يطير فيني ومن مدحي ل اهله صار اذا غلط عليه احد فيهم تخيلي يشكي لي انا مع انهم ماشاء الله مايجي منهم قصور.......
وبعدين الاول والاخير والمنتصف اهم شيء ريحتك وملابسك الداخليه دايمااااا تكون نظيفه نظافه مامثله يعني لاتخلينه يجد منك ريح ابدا لافم ولالبس ولاغيره صدقيني كثيررررررر من الرجال يكره زوجته وطلقهاا بسبب مرات شم منها ريحه طير فيها............
بعدين لاتكذبين عليه مهما صار مهما صار فهمتي حبيبتي لاتقولين كذبه صغنونه ماتبين لااااااااا ابدا دايما خليك صريحه ووواضحه صدقيني يحترمك ويهابك ويخاف منك وبنفس الوقت يإمنك على كل شيء ويستحي يرد اي شيء تبينه.............
شيء ثاني فراشه سريركم دايما خليه مرتب ونظيف ومريح وخليه يتعود على فراشه مرفهه عشان مايقدر ينوم الا ببيته ويفقد الشيء هذا برا يعني دلليه .........
لسانك لسانك ثم لسانك خليه دايم حلووو وردودك لبقه وتشكريه كثير لو جاب اي شيء مثلا لو خبز بتقولين تافه صح ....!!!؟ اقولك لا لما يجيب الخبز كمثال علطول خوذي منه قولي الله يسلمك حبيبي يالبى قلبك تعبناك والله اني مشتهيته كنك تدري فديت هاليدين ومن هالحكي ...... بيتعود كذا عليك وبيتحمس يجيب لك عشان هالكلام الحلو يحرجه .. ....
ايضا امدحيه عند اهله اي شيء يسويه لك بالذات عند امه تعرفين الاميمه تفرح وتفخر بولدها دايما قولي فلان ماقصر كنه امه يالبى قلب من رباه صدق ياخاله مامثلك مثيل الام ترا تنهبل وهو يفرح بمدحك امه وتبدا الام بس تحشى براسه لاتقصر مع زوجتك والله انها بنت حلال وهو بيقدرك كثير ....وامه لوصارت لاسمح الله بينكم مشكله بسيطه وربي تلاقينها بصفك باذن الله لانها بتقول اجوديه ماتجي منها الزله وهو بيجي يراضيك يركض ...
قدري اخوانه خواته حريم اخوانه كل ابوهم لاتجيبين سيرتهم الا بالطيب حتى لو احد فيهم سبك ماراح يصدق بيقول بينه وبين روحه هالطيوبه ياكلون لحمها الضعيفه وهي تمدحهم .... ولو انتي كنتي العكس وسبيتهم صدقيني ماراح تاخذين الا الكره والنفور من زوجك ...
شيء ثاني بعض البنات تكون ماشاء الله انيقه دايما ومرتبه وميك اب وروائح لاكنها مكشره اللهم ياكافي ونفسها خايسه صدقيني هذا مايفيد ابداااا....... بعكس لو كنتي بعض الاحيان كاشخه وميك اب وباقي الايام نظيفه وبارڤان وشعرك مستشور اهم شيء وقلوس وماسكرا ياسلام والله الله بالنعومه لانها تطيح الرجل على وجهه ..
وشيء مهم تقدرين تمسكين زوجك فيه تخلينه يحتاجك الج ...(الظاهر فهمتيني) لاتستحين منه ابدا ترا اغلبية الرجال يفضل المراءه الجرئيه وقله منهم مايفضلها جرئيه ............والله الله بالكلمات العذبه الرومانسيه اللي تخليه يغمى عليه هههههههه ......
هذا فيض من غيض وانتي ابدعي في الباقي
اها ونسيت شيء ييتك دايما خليه مرتب وريحته حلوووه صدقيني بيفخرفيك اكره المراءه الكسوله وسبحان الله اذا كل شيء سويتيه بيومه تستانسين ولايتكوم عليك الشغل
والله يوفقك ويسعدك ياارب
اتمنى افدتك دعواتك يالغلا

الدعاء ودعاء الوالدين وسورة البقرة اخدها بركة

سيم سيم مشكله انا .. توي عروس .. وهو بديره وانا بديره .. وتقريبا قاعده تقل مكالماتنا .. وشكلها راح تصفي على صباح الخير ومسا الخير وتصبح على خير .. انا طفشت لانه بعيد وهو بعد اتوقع كذلك

الف مبررووك حبيبتي

اول شئ الدعاء والاستغفار

وشوفي كتاب البوصله الشخصيه او المواضيع تبعها مرره حلووه

الله يوفقك ويسعدك