اليوم بيت لكم طريقة كيكه بجهاز المعمول و مادري إذا احد نزل الطريقة من قبل او لا ، بس حبيت افيدكم و استخدمون الجهاز لأكثر من طريقه.
و هاي الجهاز المعمول حق ألي ماتعرفه
الطريقه :
سويت كيكه بيتي كروكر بالشوكلاته مثل ما مكتوب على العلبه و عادي تسوين أي كيكه تضبط معاج بس انه احب الجاهز و بعدين نشغل الجهاز و نخليه يسخن و بعدين نصب الكيك فيه تقربيا ثلث ارباع القالب و بدون ما ندهن قوالب الجهاز عادي ما يلصق
و نصك الجهاز و نخليه تقربيا من 2-3 دقائق على حسب نوع الجهاز
و إذا حبيتي تختبرين نضوج الكيك دخلي عود اسنان و إذا طلع كيك سائل يعني ليحين ما نضج مثل الصوره
اول مره سويت في الجهاز و ما كنت اعرف له عدل طلع من داخل مو ناضج و لانه نوع الجهاز ألي عندي وايد حرارته عاليه من داخل يطلع مو ناضج و من بره يصير لونه قامج
و لا تكثرون الكيك في القالب لانه بصير جذي
و لين بيرد الكيك نغطيه عشان ما يصير يابس و يتم طري مثل القطن:)
من داخل
اتمنى اعجبتكم الفكره
و دعواتكم لي الله ايسر اموري في الجامعه
ري يسر كل امووووورك في الجامعه يارب