*ملاذ*
*ملاذ*
الله يعطيكم العافيه يارب

فعلا القسم محتاج لتنظيم كثرت الأسئله المكرره واحيانا موضوع بدون هدف سواء للتشكي او لطلب المواساه والكل يعلم اننا كلنا نعاني من مشاكل واحباطات نفسيه لكن القسم ليس المكان المناسب ..

وايضا الاحظ ان بعض التاجرات يمرون هنا بردود لمجرد الرفع وذلك لترويج بضاعتهن اتمنى ان يكون هناك قرار حازم لكل تاجره تدخل القسم بأزاله توقيعها لما فيه من ثقل على المتصفح والبعض اتصاله ضعيف وتكتفي بوضع رابط لصفحتها الخاصه او رؤوس اقلام بتجارتها ...

وايضا اتمنى يكون فيه موضوع خاص بالممرخات والمعالجات يكون مرجع لأي واحده تحب تضيف او تستفسر عن اي واحده بدون فتح موضوع خاص لها ...


واخيرا اتمنى اكون ممن يمدون يد المساعده في خطه التنظيم واعلامي بماهو مطلوب مني
*ملاذ*
*ملاذ*
مكرر
**عاشقة الحياة**
لا يمكنك مشاهدة هذا التعليق لانتهاكه شروط الاستخدام.
اهلين اختي ام الاشبال

اقتراحك رائع بخصوص موضوع الاجهزه واي عضوه تستطيع عمل موضوع عن هاذي الاجهزه جزاها الله كل خير

راح تساعد اخواتها في معرفه اجهزه التبويض واشكالها وكيف استخدامها

اما موضوع حساب التبويض بصراحه ودي بعضوه تكون متفرغه وتستطيع فتح موضوع وتساعد اخواتها في القسم لحساب التبويض

يكون لها الاجر باذن الله

والله يجزاك خير يا ام الاشبال ويرزقك الذريه الصالحه يارب

الله يجزاكم خير يارب

القسم انتم مسؤلين عنه احنا نعمل الي علينا والي نقدر عليه بس انتم عضوات هذا القسم اتمنى تحافظو عليه

يعني ان شفتو موضوع سئ او مشاركه فيها اعلان او دعايه للممرخه لدكتور لدكتوره لطبيبة شعبيه لعلاج

اضغطو على وبلغو عن المشاركه او الموضوع ونحنو ان شالله نتصرف في الموضوع ساعدونا لنرتقي بقسمنا والله يعطيكم العافيه

اما بخصوص موضوع شامل للمرخات موجود الموضوع بس المشكله ان كل يوم تطلع لنا ممرخه جديده والموضوع يصير قديم ومحد يدخل له ويستفيد منه

لكن سوف ابحث عن الموضوع واثبته في بدايه الصفحه حتى يستفيدون منه العضوات

والله يجزاك خير ملاذ ويرزقك الذريه الصالحه يارب



بخصوص جمع المستفشيات بصراحه كذا افضل

القسم اصبح كله تجمعات للمستشفيات فوجدنا ان جمعها افضل لكم

وان شالله تتعودون على التجمع ويصير تجمع شامل ويفيد العضوات جميعهم

اما الدعايه فـ مثل ماقلت لااختنا ملاذ اتمنى تساعدونا في التبليغ عنهم ونحنو نتصرف باذن الله

اما مواضيع الاستفسار فـ اعتقد هذا هو قسمها ولاضير فيها ان شالله

الله يجزاك خير ويرزقك الذريه الصالحه يارب
النصوحه
النصوحه
السلام عليكم ورحمة الله..
يعطيكم العافيه وعساكم عالقوة والله لايحرمكم الأجر ..

لي وجهة نظر في موضوع التجمعات ودمجها وأعني بالتحديد دمج مستشفيات الرياض ..

اخواتي وحبيباتي المشرفات ..من الصعب جدا دمج مستشفيات الرياض بل من المستحيل وهذا لكثرتها ..اذا تذكرون تجمعنا لبنات الحبيب كان عددنا جدا كبير والتجمع نشط بشكل دائم وكذلك تجمع ذرية فمن الصعب دمجهم ..

اول شي راح يكون ضغط كبير على الموضوع وزحمة ردود ومنها الغث والسمين

ثاني شي: كثرة الردود تفقد التجمع فائدته يعني مو معقولة عشان اسأل عن طبيب اقرأ كل الردود والصفحات ؟

ثالث شي: لما يكون فيه تجمع لكل مستشفى يكون فيه نوع من الخصوصية وناخذ راحتنا اكثر بالأخذ والعطاء ونقدر نحصر الموضوع يعني زي موضوع الحبيب كان فيه قائمة بأسماء الأطباء وتجارب العضوات واستفدنا كلنا من القائمة كيف الحين انزل القائمة بتجمع مستشفيات الرياض والله ماتجي..؟

انا معكم ان قسم تأخر الحمل صار فيه مواضيع كثير مالها داعي ..بس بصراحه تجمعاتنا كانت مفيده للجميع ويمكن لو تلاحظون اغلب البنات بعد قفل التجمعات تايهين والمسأله مالها علاقة بالتعود انا ماهمني اتعود على الملف او المجموعه اللي معي أو لأ ..لأن كلنا قضيتنا وحده وهي تأخر الأنجاب ولكن انا اقصد اختصار للوقت ..
يعني مثلا لو شفتوا تجمع لطبيب معين في الحبيب مثلا اقولكم صح المفروض ندمج كل اطباء الحبيب في موضوع واحد بس مايصير نجمع كل مستشفيات الرياض بملف واحد صعب صعب جدا ..وانا اخص الرياض لأن بها خيارات عدة ومراكز ومستشفيات كثيرة ..من الممكن تطبيق الفكرة على مناطق اخرى غير الرياض لأن اغلب مناطق المملكة مايتجاوز فيها عدد المراكز المتخصصه عدد اصابع اليد الوحده

اتمنى اني قدرت اوصل الفكرة لكم ..
واشكركم لجهودكم الرائعة وتقبلوا كلامي بصدر رحب وفي الأول والأخير القرار لكم وانا والله لاأحب ان ادخل في مناوشات ونقاشات عقيمة ولا احب اتدخل في عمل اي منكم ولكن حزنت كثيرا على الجهد اللي بذلته في ملف الحبيب ليصل الى هذا المستوى وبالنهاية يتقفل حتى بدون سابق انذار هذا اللي زعلني ..

ولكم ودي واحترامي

اختكم /النصوحه
حلوة زماني
حلوة زماني
السلام عليكم ورحمة الله..
يعطيكم العافيه وعساكم عالقوة والله لايحرمكم الأجر ..

لي وجهة نظر في موضوع التجمعات ودمجها وأعني بالتحديد دمج مستشفيات الرياض ..

اخواتي وحبيباتي المشرفات ..من الصعب جدا دمج مستشفيات الرياض بل من المستحيل وهذا لكثرتها ..

ومستشفيات الرياض من كثرها ماشاء الله ماتنعد ع الاصابع ومثل ماقالو الاخوات لازم نعيد كم صفحه ندور الردود الخاصه فينا والله صعبه يأخواتي العزيزات
وربي يعطيكم العافيه
000000000000
من تجمع مستشفى التخصصي
وتحياتي للجميع