بائعة المسك
بائعة المسك
انا والده طفلي الثاني قيصري لانه مقعدي
ويوم الخميس رب العالمين كتب لي اني اولد طبيعي بفضل الله ومنته يارب لك الحمد ولك الفضل


انا جلست ارقي نفسي اسبوع بسورة البقرة يومياً وورد تسهيل الولاده وانفث بكوب ماء وامسح بطني وظهري وكل من المويه المقريه واشرب منها طول الوقت
كنت خايفه ماتجيني طلوق ويولدوني قيصري


جتني الطلوق الخميس اللي راح الفجر
ورحت لمستشفى خاص انا اخاف من الحكومي قاسيييين مع الوحده ومهملين وشينين نفس وانا وحده رااااااايحه فيها ابي شي نفسي اكثر من الجسدي ارجف رجف
عرفوا الخاص اني قيصري مسكوني وحطوني بالكشك وانا اقولهم لسسسسى بدري ودوني لغرفتي لحد مايشتد الطلق قالوا لا انتي حالتك تحتاج ملاحظه انتي قيصري وتبين طبيعي حالتك لتزم تكون تحت ممرضات ودكتورات عندك
وتروعت زوووود وقمت ارجف تكفون تراي رايحه فيها


ويكشفون علي الساعه 7 قالوا 4سم فاتح
شميت حلتيته بس ماشميتها الا دقايق ماخذت وقت بالشم لانهم اخذوني من غرفتي
وكل شوي يجون يكشفون ويوسعون واقولهم كم قالوا 5سم
ولحد الساعه 11 وهم يقولون 5سم اقول ليش
قالت راس الجنين مانزل بالحوض قلت كيف مراجعاتي بالحكومي يقولون لي بالحوض
قالت وعنق الرحم عندك قاسي استغربت من هالنقطه وش السبب بكري ماصار هالشي لعنق الرحم
واسمع الدكتوره المصريه تقولها عطيها ابره كذا وكذا بالانجليزي قالت الممرضه الهنديه تراه على مسؤوليتك لو طاحت وداخت قالت عطيها قالت لا ماقدر واشوف الممرضه متردده والدكتوره تضحك عليها يتكلمون انجليزي
عطوني الابره
وحسيت بدوخه بسيطه قلت احس بدوخه قالت ايوه من الابره بس حسيت براحه مادري منين ولا انا اتوهم بس جان شعور مريييييييح لدرجة انسدحت وامغض اريح وتسالني الممرضه تحسين بشي فيك شي اقول لا مرتاحه
وبعد نص ساعه جت الدكتوره قلتلها ابي اروح للحمام قالت ليش قلت مثانتي ممتليه قالت بمكن ذا الجنبن قلت لالالا ورحت وفضيت المثانه ويوم طلعت عشر دقايق صار الطلق شديد وفضيع وقربوا
والدكتوره موجوده بغرفتي حقت الكشك قالت شفتي يوم تبولتي نزل الجنين بالحوض وتجي تكشف الا نازل وتوسع الرحم 7 وقالت يالله ابدي دفي قلت ماقدر والالم صار جميع ولا يوقف كله بسررررررعه جوا ورى بعض عجزت اخذ نفس
نزل الجنين مع توسع الرحم والحمدلله ولدت طبيعي
وخلوني بالكشك ثلاث ساعات تحت الملاحظه وطلعوني لغرفتي
والحمدل لله رب العالمين اللي فرجها علي


خواتي يقولون قساوة عنق الرحم برد داخلك
انا ايه مهمله امشي حفيانه من شدة حرارة جسمي ماحب البس ثقيل بالحمل
وحتى كنت طالعه للبر يوم الاربعاء قالولي المشي بالبر يجيب الولاده خرافات
طلع البر ثلج بررررررد عجزت اتحمل البرد وشلت جزماتي ابجرب المشي على الرمل الا الارض ثالجه ولبس جزماتي ماتحملت البرد


حتى خواتي كانوا يحذروني من اهمالي بالتدفيه وقت الشهور الاخيره يكقالولي اذا دخلك برد ماينفتح رحمك ويقسى عنق الرحم وهذا اللي صار لي
ببكري لا فتح على طول بعد الحلتيته


لذا اختي تدهني بزيت زيتون دافي وحبة البركه كلك ومواطي رجولك والبسي شراب ثقال تغطي ببطانيه لحد ماتصبصبين عرق
ثلاث ايام ورى بعض سويها يارب يطلع البرد


انا والله مهمله ودخلني برد كم مره بشهري الثامن والتاسع
بالقامن دخلني وتمركز الوجع يسار بطني على رجلي عجزت امشي على بالي شد عظلي بس قعد فوق الساعه معيي يفك الوجع تدهنت بزيت زيتون مع كمون وحبة البركه مدقوقين مع بعض وحطيتهم بكمية كبيره زيت زيتون ودفيتهم على النار وشخلت الزيت ودهنت بطني وظهري بالزيت وهو شبهه حار ولتغطيت ببطانيه ساعه لحد ماعرفت الا تبداء غازات تتجنع وتطلع بكميات كبيره واختفى على طول الوجع اللي يسار بطني على طول اول ماطلعوا الغازات اختفى الالم
وبالتاسع مهمله نفسي صدري صرت احس بضيق ووجع بالقفص الصدري ووجع فيهثهب اخذ نفس عميق الم بظلوعي سويت نفس الطريقه بس هالمره دهنت نفسي كلي من تحت اذاني لاطراف اصابعي ولبست ثقيل وشراب وتغطيت ببطانبه ونمت قبل لاغمض انفك الابم عن صدري وختفى ونمت على طول


لذا سويها تدهني ثلاث مرات يوميا
Amleferbe
Amleferbe
جزاكم الله خير جميعا


ننتظر المزيد من التجارب
مدام الفهد
مدام الفهد
الله يكتب لك الولاده السهله الميسره الطبيعيه انه ولي ذلك والقادر عليه
تسبحي بموية دافيه تميل للحراره ودهني ظهرك وبطنك ورجليك بزيت زيتون حار مطحون فيه سبع حبات بركه واشربي دوافي وان شاءالله يكرمك ربي بولاده طبيعيه من حيث لاتحتسبين وتوكلي عليه سبحانه فمن توكل عليه كفا