ولادتي في مستشفى الهدا ولا احلى

السلام عليكم ورحمة الله وبركاته
كيفكم خواتي بنات حواء الحمدلله ولدت بعد ماعوشرت (يعني اخذت من العاشر عشر ايام تقريبا)بس الحمد لله في كل تاخيره خيره ..المهم كتبت انا موضوع قبل كذا عن تحجر الجنين لان في الفتره الاخيره كان تحجر موطبيعي وماقصرتو ا أفدتموني كثير جلست بعد ماكتبت الموضع خمس ايام وولدت الحمدلله
مالكم بالطويل كعادتي كل يوم اروح مجمع وامشي هذاك اليوم وانا امشي الا احسن بوجع قوي مو كا العاده وانا اجلس شوي وبعدين يروح وبس قلت في نفسي اكيد ولاده والله ومااعلم زوجي قلت يمكن زي كل يوم :(والله ونرجع البيت واخذ دش ونتعشى وانيم اعيالي واروح انام وعلى الفجر كذا الا احس بزي الطلق بس عادي مره اخف من الدوره واكذب نفسي وارجع انام وشوي ونفس الوجع وفي نفسي اقول يارب انها ولاده وارجع انام واقوم احسب اشوف اذا كان متواصل وفعلا كان كل عشرين دقيقه بس الم مايذكر بس شي بسيط والله اني ماكنت مصدقه المهم واجلس الين الساعه تسعه الصبح ومن الفرحه ماجاني نوم واقوم واخذ دش واتنقع في مويه دافيه مايله للحراره وبعدين قمت وقريت سوره مريم ويس والفتح واول البقره واخره وايه الكرسي والاذكار وادعيه تسهيل الولادهواخذ لي كاس ماء مع عسل وصحن رطب وكانت الساعه 11 وشوي الا ابوالشباب يسال ها في شي قلت لا خايفه يروح الطلقخخخخ...المهم على الساعه 1الظهر قال لي زوجي مدري احس انك اليوم غير وحلفني فيك شي قلت ايه الطلق مستمركل ربع ساعه تقريبا بس مره عادي مااحس وجع قال:arb: بس فرجت الحمدلله بتولدين المهم قلت لا تفرح يمكن زي كل يوم قال الله لا يعوق بشر والده اليوم يعني والده خخخخخالمهم واجلس على هالحال الين الساعه 5ونص وقام يقوى شي بسيط يعني برضو مايذكر قالزوجي يالله مشينا خليني اوديك المستشفى قلت لا بدري خله الين يقوى مسكين خايف اولد في السياره قال باقي اودي العيال والشغاله عند عمتهم وبيتها بعيد شوي قلت خله الساعه سبع نصلي المغرب ونروح قال جهزي العيال ويالله المهم الاخت مالها الا علمها :pهههههه واقوم اجهز العيال واجهزنفسي على مهل وشوي الا المغرب ياذن ونصلي واجمع العشاء قلت يمكن ماالحق اصلي المهم ونتوكل على الله ونودي العيال وتصادفنا زحمه على ماودينا العيال ونمسك طريق الهدا ونوصل المستشفى الساعه 9الا ربع المهم وتكشف علي وتقول الدكتوره اربع ونص ولاده وانا اقول الحمدلله بس مع هذا الوجع موقوي مستغربه المهم اكلم امي واقول لها قالت تقومي بالسلامه واقول لها مااحس بقوته زي عادتي في عيالي قالت عادي لانك طول التاسع وانتي تطلقين قلت ممكن!!!وشوي تقيس لي قالت 5ونص قالت بفك مويه الراس قلت شدي حيلك المهم وتفك المويه وعادي زي اول هو في وجع بس اتحمله عادي وانا قاعده طول ها المده وانا ادعي واستغفر وسوره مريم والبقره والرقيه والله يابنات مانزلت السماعات من اذني شغاله من الجوال وماطفيتها الين ولدت تعيد وتزيد في اذني بصوت عالي ودعاء الكرب مافكيته من لساني وعندي مويه قاريه فيها كل الي يخطر في بالك من ايات وادعيه تسهيل الولاده كل شوي اشرب منها المهم وشوي الاتقول على طلقك هذا بتولدين الفجر شوفي التحطيم الا جاني ّّ؟؟قالت بحط لك نسبت طلق بسيطه قلت حطي بس تعطيني ابر مهديه قالت طيب وتحط الطلق من هنا ويبدا الشغل المضبوط من هنا واقول ابغى زوجي والله ويدخلونه انا دخلته عشان يشوف الشغل المضبوط:22: والله يبدا الطلق قوي بس في ساعه وحده وتقول تسعه ونص يالله اذا تحسي بدف دفي المهم يجلسوني في وضعيت الولاده واجلس ادعي بصوت عالي كاني اذن في المستشفى طبعا ابو الشباب انواع التعجب والخوف وماسك يدي واذا جات الطلقه زي المدمنه ادور الاكسجين لدرجه انو زوجي صاريحطه ليه اذا جلست ادور عليه زي المجنونه:06:المهم ويطلعو زوجي واجلس ادف باقوى ماعندي وابدون صوت واجلس ادعي في خاطري لامي وابويه ان ربي يشفيهم وادعي لعيالي وشوي الا ووووووواااا طلع البيبي بس دفيت مرتين باقوى ماعندي لدرجه اسمع اللممرضات يقولو مره دفها ممتاز طبعا بالانجلش ...يعنني اعرف انجليزي :pالمهم ويجيني ذاك الولد الا يهبل يطيح الطير من السما :42:القرد في عين امه غزال خخخخخوالله وماني مصدقه طبعا كل هذا وانا مغمضه من ابر البنج الا في العضل والاكسجين وافتح عين وعين مغمضه ابغى اشوفه وهو على صدري والممرضه شوفي بوي بوي المهم واحمد الله وادعي ان الله يحفظه وهم ياخذونه ويبدا عاد الخياط بس والله ما حسيت بشي بس تطفشين من الوظعيه نفسها وخلاص هذي قصتي
طبعا ولادتي كلها في ساعتين وربع وصلت عندهم تسع وولدت 11وربع بس والله ثم الله انها ولاده سهله وسريعه حتى امي تو صكرت منها يوم حمي الطلق شوي واكلمها واقول ولدت وكان متفاجاه
وانا يا بنات طول التاسع وانا مداومه على الاذكار والادعيه وسوره مريم والفتح ويس واقرا قران كثير والدعا ءفي الصلاه والاهم حسن ظنك بالله انه بيسهل ولادتك وماتقولين احس انو ولادتي هذي بتكون صعبه
ولا تتاثري بكلام الاخوات هنا الا تقول موت وعذاب الولاده والله انها سهله بس استرخي واذكر الله حتى الكشف اقسم بالله ماحسيت فيه مع ان الدكتوره الا كشفت عليه قد كشفت عليه قبل كذا وجلست ابكي وانا في بدايه التاسع كان بيجيني ولاده بس يسرها الله وكان الرحم مفتوح 2سم يعني تقربي من الله قد ماتقدري والله اني كنت ابكي في الصلاه من كثر ما كنت ادعي انه يسهلها والحمد لله
طبعا انا مانزلت قصت ولادتي الا لاني قريت عن بنات يسالو عن الولاده في الطائف انا ولدت في الهدا والله خدمتهم تمام ويعطون مسكنات والممرضات عسل وكل وحده في غرفه بحمام لها خاص وممرضه جالسه على طاوله عند الباب كل ماتالمتي قامت شافتك وتسالك اذا تبغين شي ووقت ماتبغي زوجك يدخل يدخلوه لك عادي انا زوجي دخلته معاي الين جا يطلع الراس طلعوه من الغرفه حتى يقول لي خفت عليك اكيد ماطلعوني الا بيسون فيك شيء وهومايدري مسكين انا دخلته عشان يشوف كيف الولاده ههههه(( والله يالحريم مو هينات))

عشان يحن علي اكثر وحده طماعه مع انه مره حنون وطيب الله يحفظه لي ولعياله طبعا هذي خامس ولاده لي الثنتين الاخيره في الهدا والله انها اسهل ولاده ورب الكعبه مومبالغه تكفون اذكروا الله طبعا مافي شي مايتعب بس تعب محتمل عادي شوي والا ظناك بين يديك وتنسين كل شي

انا الحين كمات الاربعين وزياده يمكن اسبوع بس يابنات ابغى حل لخيوط الدم الا تنزل علي كل يوم قليله مره بس احس نفسي ما طهرت مع ان الخياط الحمدلله تمام سوت لي خياط داخلي وخارجي وطبت تمام اعطوني حل لهذي الخيوط الدم مع الافراز ؟؟؟؟:(والله يسهل على الجميع ولادتهم يارب ياكريم
طولت عليكم بس متحمسه مره اكتب لكم قصتي ولا ودي انسى اي شي عشان كذا اطلع من موضوع وادخل في الثاني ...واعذروني في اسلوبي لانه عادي جدا وبسيط بس ***** الله تستفيدوا مني لوشيء بسيط :26:استودعكن الله الذي لا تضيع ودائعه:27: