الاخت عمر عمري/ هل العسل مع السويداء يغني عن اكل حبت الثيروكسين فيما بعد؟؟؟؟؟
وجزاك الله خير ارجو الرد سريعا مشكووووووووره

لقيت بقوقل انه في وحده عندها خمول بالغده وزاد وزنها بشهر ونص 15 كيلو واستخدمت القسط الهندي البني ملعقه الصباح وملعقه بالليل واستفادة منه كثير وان شاءالله انسخ لكم تجربتها وبأذن الله تستفيدون

أختي أنا كنت مثلج .. وكنت آكل حبوب الغدة .. لا وكان عندي تكيس بعد وزيادة في هرمونات الذكورة .. تخيلي وزني زاد في شهر ونص 15 كيلوا .. حالتي النفسية استوت أرف .. وعالجت عمري بالقسط الهندي .. وهي أعشاب تحصلينها عند العطار أو إللي يبيعون الأعشاب .. وهي عشبة مذكورة في الطب النبوي وتقدرين اتسوين بحث عنها وبتتأكدين من كلامي ..

ما بتصدقين إذا قلت لج إن كل الأعراض إللي كتبيتها راحت .. وأزيدج من الشعر بيت .. من اسبوعين سويت سكان للمبايض وتحليل هرمونان .. التكيس راااااااااااااح بفضل الله تعالى .. والغدة تشتغل تمام التمام والإفراز طبيعي الحمد لله .. ويالسة أنزل من وزني وقدرت لين ألحين أنزل 10 كيلوا بفضل الله تعالى .. وهرمونات الذكورة خفت واااااااااايد .. يعني ألحين زايدة عندي أقل من درجة الحمد لله .. وقالت لي الدكتورة هذا طبيعي .. حتى الشعر الغليظ وايد خف .. صح أسوي ليزر .. بس قبل يوم كنت أسوي ليزر والهرمونات متلخبطة النتايج كانت وايد بطيئة .. ألحين كل أربع شهور أسوي مرة .. مع إن ويهي كان مثل الرياييل والله .. وكنت أستحي أراوي ويهي حد ..

اتعالجي بالقسط الهندي .. في منها نوعين .. بني وأبيض .. إنتي استخدمي البني لأن هي المذكورة في الطب النبوي والحديث الشريف.. وهي عبارة عن أعواد يوم بتاخذينها من العطار .. تطحنينها وتاخذين ملعقة صغيرة الصبح ووحدة في الليل ..واستمري عليها يومياً لمدة شهرين .. وعقب سيري سوي تحليل الغدة .. بتتذكرين كلامي .. وإذا شفتي نتيجة إن شاء الله .. أتمنى منج الدعااااء بالتيسير بس والتوفيق في حياتي ..

والله يواليج الصحة والعافية حبيبتي

اختج

--------------------------------------------------------------------------------

P u r e09 - 03 - 2007, 12:03
ونسيت أقولج إنها تنظم الدورة الشهرية إذا كانت متلخبطة عندي .. طبعاً بسبب التكيس وخربطة الهورمونات .. أنا الدورة كانت اتيني شهرين ما توقف .. ويوم توقف أتريا خمس شهور لين ما تنزل .. مع إني بنت موب متزوجة .. وهذا كله رااح بفضل الله تعالى .. والدورة عندي منتظمة مع إن بعدني مليانة .. بس شوفي كيف العلاج سبحان الله

ووحده من ربعي كانت نفسي .. واستخدمته والحمد لله هي بخير ونعمة ما شاء الله .. ووايد شكرتني لأنها اتخلصت من هالأعراض .. قلت لها هذا من الطب النبوي أنا ما اكتششفته بروحي

وصدق رسول الله إللي ما ينطق عن الهوى .. وإذا تبين بحطلج معلومات عن القسط الهندي

هو مفيد بعد للي عندهم زكام دايم ومشاكل في الجيوب الأنفية .. يعني تقدرين تحطين ربع ملعقة شاي في أقل من ربع فنجان (فنيال) واتيبين قطنة وتغمسينها في الخليط وعقب اتقطرين قطرتين ثلاث في كل فتحة خشم .. ويروح بعد يومين ثلاث تماااااااااماً .ز وهاي عن تجربة .. وأنا الحمد لله موول ما أستغنى عن القسط ..

--------------------------------------------------------------------------------

تاخذيه مع عسل وترا اخذته من عند العطار وانا باخذه مع الحليب وقالي العطار فوايده كثيييييره ومنها يعالج السحر والعين وربي يسهل للجمييييييييييع يااااااااااااارب

الله يشافي كل مريض
ايش هو القسط الهندي وكيف شكله ؟؟
هذا رابط تجمع لخمول الغده الدرقيه
http://forum.hawaaworld.com/showthread.php?t=508699

القسط الهندي عشبه تجي على شكل اعواد تخينه شوي تقريبا مثل تخن الاصابع تاخذي الغامق في مطحون انا اخذت المطحون مافيني اطحنه بالبيت وطعمه مررررررررررررررر حاولت اسفه بس ماقدرت اسف غير نص ملعقه والباقي مع الحليب كملته
بس للغده تاخذيها مع العسل