خلطةروعة مررررة تبيض وتصفي وتخليكي كانك من هوليوود

العناية بالبشرة

السلام عليكم ورحمة الله وبركاته


والله ما كتبت وصفة الكريمات دي الا من تجربة

اولا تعبت من لون وجهي ورقبتي الغير متوحد ابدا

فرحت عند دكاترة كتييييييييير :( ومافي فايدة


آخر شي مستوصف جنب بيتي قريب مني عشان اعمل جلسات تقشير لوجهي واشوف اش آخرتها مع دا الوجه :)

المهم الدكتورة كانت مرة عسل

اول شي اعطتني حبوب وكريم ادهنه على وجهي عشان حب الشباب اللي على وجهي

وبعد 3 شهور بدأت معايا حلسة تقشير كريستالي

واعطتني كريمات تفتيح ادهنها بعد التقشير

والله ماتوقعت انها كدا بيضت وجهي ياسلام خلته نضر ولون صافي لاقوة الا بالله وبشرة ناعمة وفاتحة جدا (اناماتوقعت كدا قلت يمكن عشان التقشير )

رجعت لها قلت لها تحت اباطي غامق ورقبتي

قالت لي ادهني من الخلطة :)والله النتيجة جنان

دحين بعد ما خلصت من علاج بشرتي معاها

بستعمل الخلطة لرقبتي والمناطق السوداء بجسمي اي مكان بدهنه بيها باستمرار بعد فترة بيبيض والحلو اني حتى بعد ما اتركها المكان ما بيرجع يسمر ولله الحمد

بستخدمها لجسمي

اتمنى ان اي وحده تشتكي من اسوداد في جسمها اي منطقة تستخدمها ما تكلفك الا 75 ريال


المكونات هي التالية :

كريم اكريتين 0.05 >>>>>وهادا مقشر احماض + معالجة الحبوب
كريم الكويدين 4%>>>>>>هادا كريم مبيض
وكريم اليكا >>>>>>>>>> هادا كريم منعم وانا استخدمه احيانا لوحده لنعومة يدي او اي منطقة خشنة بجسمي

تخلطيهم مع بعض وتحطيهم في قارورة كريم عازلة للضوء


وكل يوم بالليل قبل النوم فقط ادهني وراقبي نضارة بشرتك يوم بعد يوم

ولو عندك حب شباب بوجهك

ادهني كريم اكريتين على وجهك لوحده مع وجوب عدم التعرض للشمس ادهنيه ونص ساعة قومي اغسلي وجهك بالماء بس وارجعي نامي استمري اسبوع او اسبوعين وبعدين ابدأي الخلطة

على فكرة بالصباح لازم كريم حماية من الشمسحتى لو بس كنتي بتخشي المطبخ تطبخي ويفضل استخدام كريم spf 50 HISTAN


واي استفسار حاضرين

بس ابغا منكم طلب وحيد وبسيط

ياليت تدعولي ان ربي يرزقني بالزوج الصالح اللي يسعدني والوظيفة اللي احلم بيها :09:

تحياتي لكم
175
335K

يلزم عليك تسجيل الدخول أولًا لكتابة تعليق.

تسجيل دخول

ام ماسه
ام ماسه
الله يرزقك يارب بالزوج الحنون الرحوم ..
كريم أكرتين إستعملته يقشر الوجه بسرعه ..

مشكوره
بون جوفي
بون جوفي
طيب ياخوتي كريمات اللي خلطتهم مع بعض مالها اي تأثير على البشرة اناسمعت انها خطيرة
طروفة الحلوة
طروفة الحلوة
الله يرزقك الزوج الصالح اللي يسعدك و يعرف قدرك و يموت فيك
والوظيفه اللي تبينها ياااااااااااااارب
ٌRoro
ٌRoro
الله يرزقك الزوج الصالح اللي يسعدك و يعرف قدرك و يموت فيك والوظيفه اللي تبينها ياااااااااااااارب
الله يرزقك الزوج الصالح اللي يسعدك و يعرف قدرك و يموت فيك والوظيفه اللي تبينها...

ماشاء الله

الله يعطيكِ العافيه يالغلا

ويرزقك بالزوج الصالح والذريه اللي تملى عليكي البيت
المدلعه رباب
المدلعه رباب
الله يرزقك يارب بالزوج الحنون الرحوم ..