حبيباتي ابشركم ولدت وتجربتي مع ابرة الظهر

السلام عليكم حبايبي
كيف حالكم جميعا
واشكر كل وحده ساعدتني واستفدت منها في هذا القسم اللي بافقده
احمد الله واشكره على نعمه وفضله علي
ابشركم ولدت وربي فرجها علي واسال الله لي ولكم التفريج والتسهيل
راح اذكر تجربتي البسيطه واللي احسها كانه حلم مر بسرعه
الله المستعان
طبعا انا حددتلي دكتورتي عمليتي وقالت لي اجيها الصباح من الساعه 6للمستشفى للاكمال الاجراءات
والدخول للعمليه
وقالت لي اصوم من الساعه 12
ومر هذيك الليله برعب وخوف وضيقه وكنت اقرا ايات السكينه
وربي فرجها علي ولله الحمد
دخلت للمستشفى وكانت عنايتهم ممتازه
وجاني دكتور التخدير وطلبت ابرة الظهر لاني جربت مرتين بنج كامل
فمن زود الحرص لايجيني شمم شربت يمكن ملعقه من المره
ودخلت العمليات وبسرعه جاني دكتور التخدير وركب الابره وماحسيت بالابره حسيت بابرة التخدير
وكانت مخيفه اكثر من انها مولمه
ولله الحمد
تمت الامور باقل من خمس دقايق ونومني على السرير
وخسيت بدخه وتطريش وقمت احاول استفرغ بس مافيني شي والسبب المره ماكنت صايمه صوم كامل تخيلو هالملعقه الصغيره تعذبني كل هالعذاب
وشوي اعطوني ابرة تطريش وارتحت نفسيا
وهديت وفي اقل من عشر دقايق شرفت بنوتي وشفتها
وشوي وحطوني في غرفة الافاقه
وجلست اقل من ساعه ثم رفعوني لغرفتي ونمت وارتحت وجلست ابرة الظهر يومين ونص في ظهري كل 6ساعات اخذ جرعه
احساس روعه واحساس رهييييب انصح كل وحده تجربها وبصراحه ماحسيت الا بحكه في جسمي بعد جرعة كل تخدير بس يعطوني ابره للحساسيه
والم الظهر تحسين بالم مثل الم الدوره
بس يروح مع الراحه والاسترخاء
انا انصح كل وحده متخوفه او ماخذه فكره غلط عنها
صدقووووووني هي روعه بكل ماتعنيه هذي الكلمه من معنى
اللهم لك الحمد والشكر
واسال الله ان يفرج على اخواتي الحبيبات
واللي تبي اي استفسار انا حاضره وتحت امركم