ماشاء الله ماشاء الله
اول شي بقولكم حكايتي باختصار
صارلي تقريبا سنة من بدت تظهر لي الحبوب
اول مابدت تظهر ويييييين؟ في منطقة معينة بين الاذن والخد فاهمين علي؟؟
حتى خواتي لاحظو علي وقالو لي استخدمي لك شي عالجيهم وانا بالصراحة ماكنت مهتمة كثير
وكنت قاصة شعري ويجي على ذي المنطقة مايبان خخخخخخ شفتو الغباء
المهم مرت فترة وبدت السالفة تأزمت ليه لان بدت الحكة مع هالحبوب طبعا الحبوب كانت صغيرة كانها حرار
ورحت الصيدلية وشريت كم مرهم واستخدمدتهم وكل شي بدون فايدة بالصراحة
ومرة كنت رايحة لوحده من اهلي قالت لي في شي ينشف الحبوب مرة زين وجابته وصورته ورحت شريت مثله
ونفس الشي مااثر ذاك التأثير عالحبوب
ومع الوقت الطويل خفيت وايش الي بقى الاثار البنية وهي الي عقدتني لاني بيضاء وهذي المنطقة صارت سودا لان الحبوب كانت كلها جنب بعض
المهم الشي الي قالت لي عنه قريبتي ومانفعني للحبوب هو السر
ايش الي صار؟؟؟
قمت استخدم اي شي قدامي اقول يمكن تروح الاثار
ولين جا الدور على هالسر
اقسم بالله العظيم اني قعدت يوم ثاني اطالع المرايا مستغربة لان خف الاثر بنسبة 50%
ماصدقت نفسي وليلة ثانية وثالثة لين تقريبا مر اسبوع ومابقى شي والله العظيم :)
والحمدلله وطبعا مااستغني بين فترة وفترة تظهر لي كم حبة
المهم ومن شهر تقريبا صار عندنا زواج والله ان صابتني عين
تخيلو جيت من زواج نمت قعدت الا مصيبة جتني حساسية شديدة في وجهي وحكة وخدي اليمين حبوب كبار يألمو طبعا مو اول مرة كل مرة اروح زواج يصيبني شي حتى زوجي يقول خلاص لاتروحين زواجات كل مرة لنا مشكلة الي حولي الظاهر عيونهم حارة :(
ومر كم يوم وصار عندي مسام مفتوحة حول الانف والله اني جلست ابكي من القهر
ورحت المستشفى وكانت تجربة فاشلة على طول قالت لي تقشير كريستالي بدون ماتفحص ماعجبتني ومارضيت وكتبت لي مستحضرات والمصيبة رحت شريتهم ب400 ريال واقرا التعليمات قبل لااستخدمهم الا الوصف غلط مو لحالتي وتقولي مثلا استخدميهم كل يوم ومكتوب مرتين في الاسبوع فقط
وعلى طول يوم ثاني من الصبح رحت صيدليتهم الفاشلة وبعد كلام كثير رجعوهم واخذت فلوسي
وتعقدت قلت مستحيل اروح مستشفى خلني ادخل النت واشوف
المهم ودخلت عالم حواء قسم البشرة وبديت حقل التجارب خخخخخخ
اول شي استخدمته من مدح البنات غذاء ملكة النحل وفعلا كان مفعوله رهيب ينشف الحبوب ويشد البشرة
بس لاحظت قامت كم شعرة بوجهي وبحثت ولقيته فعلا يطلع شعر وتركته
ومن خلاصة بحثي هذي سلة مشترياتي
وكل يوم استخدم شي شكل مرة من هالسلة مرة طبيعي فار تجارب صرت
حتى زوجي يقول خلك على مجنونك لايجيك الي اجن منه قصده لاتجربي هالاشياء كلها كيماويات هههههههه
بس من هالاشياء حبيت سيباميد للرؤوس السوداء حسيتهم خفو كثير مثلا الي كانت تبان سوداء غامقة صارت ماتبان الا لما تتقربي
نجي للمهم بعد قصتي الطويلة :42:
قلت خلني استخدم مستحضري العجيب لما تذكرته وحطيته عالحبوب الحمرا ومافاد قلت شكله بعد حاله حال غيره مع اني قبل استفدت منه
والشي الي حسيته فادني للحبوب الديلاسين تي المحلول
وخفيت الحمدلله بعد مرور هالشهر الطويل الي كأنه سنة
والبارحة عاد اطالع المرايا فيه اثر احمر خفييييف واثار الحبوب السوداء في خدي كانت متجمعة في منقطة معينة وسط الخد كأني فلونة ههههه
قلت خلني اشوف هالمستحضر لاني تذكرت اني استخدمته عالاثار البنيه وراحت يعني مو على الحبوب او الاثار الحمرا
وحطيته عالاثار ونمت والمفااااااااااااااجأة اليوم الصباااااااااااااااح
اقسم بالله العظيم ان الاثار خفت اقدر اقول بنسبة 50% وان شاء الله هالاسبوع اكمل لين تروح
طبعا الاثار البنية لان الحمرا مايأثر فيها
ويصفي المنطقة بشكل سحري
الي هووووووووووووووووووووووووو
هذا
nectarine skin care
مكتوب على جنب العلبة
مستحضر نكتارين لبقع الوجه له خواص مطهرة تساعد على التخلص من حب الشباب
وريحته تشبه النعناع لما تحطينه عمنطقة الاثار بتحسين بانتعاش كأنها تتفتح
طبعا شريته من نكتار :نكتار اثنين هذا الي يقولون عنه مو اصلي
حتى اول ماوصفته قريبتي واستخدمته ونفع قلت بكتب موضوع ولما بحثت عن صورته في النت ماشفتها وعرفت انه من نكتار التقليد على قولتهم وانسدت نفسي عنه مسكين خخخخخخخخخخ
بس بعد هالتجربة الثانية يبي له تقدير :42:
والله اني استنى اولادي بس يروحو المدرسة عشان اكتب لكم الموضوع
ان شاء الله الي فيها اثار بنية تستفيد منه زي مااستفدت
سعره ماتذكر كم بالضبط من زمان بس حوالي 25 ريال
طبعا يابنات كتبت الي صار بالضبط ي والي بتسألني ينفع معها او لا والله ماعندي فكرة
بس انا بشرتي دهنية وحساسة ونفع معي جربو منتو خسرانين اتوقعكم مثلي حقل تجارب صرتو خخخخ
قولو
ماشاء الله ماشاء الله
تعقدت من العين الله يكفيكم شرها
وابي منكم دعوة بظهر الغيب
الله يعطيك العافيه- ويحفظك من العين