صباحكم ومساكم ورد..
كثير من البنات ما عندهم برنامج الفوتوشوب على جهازهم
أو ما يعرفون كيف يستخدمونه
وكثير كمان يحبون لما ينزلوا صورهم تكون عليها الحقوق
وتكون مرتبة ومقصوصة
اليوم راح أعلمكم كيف تستخدمون البوربوينت لإجراء تعديلات بسيطة وسريعة على الصور
أتمنى يكون الدرس مفيد ويعود عليكم بالنفع
أولا لماذا البور بوينت؟
1- برنامج سهل وموجود في معظم الأجهزة مالم يكن كلها
2- الكل متعود عليها وواجهته بالنسبه لها واضحة
3- سهل سهل سهل في الاستخدام
العيوب:
اكيد الفوتوشوب امكانياته اكبر
والصور فيه تكون اصفى من بالبور بوينت
بس عالعموم البور بوينت في الاخير يفك ازمه
ماذا سنتعلم؟
في نهاية هالدرس حتكونين بإذن الله قادرة على : قص وتركيب صور بشكل بسيط
و إضافة كتابه عليها
بسم الله الرحمن الرحيم
الشرح راح يكون على power point 2007
و القائمة حتكون باللغة العربية
إذا كانت القائمة عندك باللغة الأنجليزية
اختاري ابدا---> كافة البرامج ---> microsoft office----> إعدادات microsoft office ----> إعدادت اللغة
وغيري اللغة إلى العربي
الان افتحي البوربوينت
حيكون فيه شريحة
وهي اللي راح نشتغل عليها
اي شي موجود فيها امسحيه
الان اضيفي صورة
إما انك تنسخينها من مكانها وتعملين لها لصق على شريحة البوربوينت
أو بإنك تضغطي على رمز الميكروسوفت من فوق وتختاري فتح ثم تختاري الصورة
وهذه الصورة اللي راح اشرح عليها
قص الصورة
الأن نوقف بالفارة على الصورة و نضغط عليها
راح يطلع لنا فوق في القائمة زر اسمه أدوات الصورة
وتحته تنسيق
نضغط عليه
الأن نضغط على زر اقتصاص (موجود في القائمة أقصى اليسار)
ونبدا نقص اطراف الصورة .. بأنك توقفي على العلانمات السوداء و تدفيها للداخل
و اذا تحبي ترجعي الصورة كما كانت اسحبيها للخارج
تغير اللون
نوقف على الصورة عشان يطلع زر أدوات الصورة
هالزر ما يطلع إلا إذا أنت واقفة على الصورة (يعني تكوني ضغطتِ عليها بزر الفأرة اليسار)
الان اخترت تنسيق
ثم الان غيرت لونها بالضغط على زر إعادة تلوين و اختيار احد الألوان
الزر موجود في القائمة اقصى اليمين
الحين كررت العملية على نفس الصورة
قصصتها إلى 3 أجزاء وكل جزء حطيت له لون
وبعدين ركبتها وقربتها جنب بعض
الحين ابغى اجمعهم بحيث يكونوا صورة وحده
نضغط ctrl + a حتى يحدد لي كل الأقسام
نضغط على أي جزء من الصور (لازم على الصور) بزر الفأرة اليمين
ونختار تجميع .. وبكذا تصير الأجزاء الثلاثة صورة واحدة
تغير حجم الصورة
اضغطي على الصورة بزر الفأرة اليمين
واختاري الحجم و الموضع
تقدري تغيري الطول و العرض
لاحظي الخيار تأمين نسبة الارتفاع للعرض
إذا أشرتِ عليه وغيرتِ مثلا في العرض
راح يغير لك هو الطول بما يناسب من نفسه تلقائي
حتي يبقى شكل الصورة مثل ما هو
يعني يسمح لك تعدلي واحد منهم فقط
اما الطول أو العرض
اما إذا غير مأشر عليه
تقدري تعدلي الطول و العرض
مثلا تغيري الصورة بدل ما هي عريضة تخليها طويلة
بتكبير الطول وتقليل العرض
الكتابة على الصورة
ممكن تكتبي عبارة معينة
أو ممكن تكتبي الحقوق مثل معرفك و المنتدى
اختاري من ادراج ---> مربع نص
وتكتبي اللي تحبين
أوقفي على مربع النص
راح يطلع لك فوق زر ادوات الرسم
وتحته تنسيق ممكن تغيري اللون و الخط و الحجم منه
الأن راح أضيف زيادة تأثيرات
راح احط للكلام حدود
ممكن تجربوا الخيارات الأخرى
نسيت اصور لكم النتيجة
راح تبان في الصور القادمة إن شاء الله
إضافة اشكال على الصورة
اضغطي إدارج ---> أشكال
و اختاري المستطيل و ارسميه فوق النص
بإنك تسحبينه فوق النص
وهذه النتيجة
ممكن اللون يكون عندك مختلف عن الكحلي بس عادي
الأن نغير لونه
بإنك تضغطي عليه بزر الفائرة اليمين
و تختاري تنسيق الشكل
غيرت لون التعبئة
وغيرت الشفافية قللتها
المستطيل فوق النص
فأبغى أودي المستطيل خلف النص
عشان يبان الكلام
أوقف على المستطيل
و اضغط بزر الفأرة اليمين
بعدين اختار إرسال الى الخلف
ملاحظة: لو كان عندك أشكال كثيرة فوق بعض
راح تحتاج تكرري الارسال إلى الخلف حتى توصلي للنتيجة اللي تحبينها
وهذه النتيجة
حفظ الصورة
راح نعمل تجميع بنفس الطريقة اللي شرحنها قبل
نضغط ctrl + a
ونضغط على الصورة بزر الفأرة اليمين ثم تجميع
بعدها نرجع نضغط على الصورة بزر الفأرة اليمين
ونختار حفظ الصورة
حتطلع نافذة فيها قائمة منسدلة
نختار الصيغة png
إزالة خلفية صورة (تكون شفافة)
هالطريقة ما تضبط مع كل الصور
لازم الصورة تكون خلفيتها بلون واحد
ما فيه تدرج
اخترت صورة جديدة خلفيتها بيضاء
الآن أوقف على الصورة
و اضغط عى زر ادوات الصورة و بعدين تنسيق
ومن القائمة في اقصى اليمين نختار إعادة تلوين
ثم تعين الون الشفاف
ونضغط على الخلفية
راح يختفي اللون الابيض الذي في الصورة
الازرق هذه خلفية البور بوينت
لاحظوا البالونات
حتى اللون الابيض اللي كان عليها راح
لذا هالطريقة ما تبط على كل الصور
وضع إطار على الصورة
نرجع للصورة التالية
نضغط على الصورة بزر الفأرة اليمين
ونختار تنسيق الشكل
حتى نحط إطار نختار لون الخط من القائمة على اليمين
حتطلع قائمة على اليسار نختار منها خط متصل
وممكن نغير لونه من الخيارات
كما في الصورة
ولتغير سمك الاطار
تختار نمط الخط
من القائمة التي باليمين
ونزيد أو نقلل العرض من اليسار
و النتيجة
فكرة لعمل توقيع سريع
افتحي جوجل و اكتبي في بحث الصور إطارات
اخترت الصورة الثانية
وكتبت عليها بنفس الطريقة اللي شرحنها وحفظتها
أتمنى ان أكون وفقت في الشرح و الطرح
و أي سؤال انا حاضرة
استودعتكن الرحمن
