رودآ ..
رودآ ..
المشكله في اختيارك للكريم للاسف هالكريمات التجاريه كلها زئبق وكرتزون وحمض سالسيلك بنسب عاليه صح يفتح ويقشر البشره بس بعدين يسبب تجعدها ويسبب مشاكل اخرى ..
عموما فيه علاج لحالتك وانا شخصيا اعرف وحده وجهها اندمررر دمار من خلطة الكريمات السبعه وش جاها مسكينه شعيرات دمويه وبقع حمرا وسوداء بوجهها .. تعالجت بس لسى الشعيرات والبقع بوجهها ..
الان انتي جلدك متاكسد ويبي لك شي اسمه تترميم وعلاج بمضادات اكسده وماراح تلقين نتيجه كثيره من الغذاء الداخلي فقط لازم داخلي وخارجي ونقي لك منتجات كويسه وراح اساعدك بحكم خبرتي بهالشيء
واحب اضيف انه مو بس هالكريمات تسبب تجعد اي كريم مقشرر يسبب هالمشكله اذا استخدم زياده عن المعقول يعني لكل شيء حد ..

الان زي ماقلت بالاضافه للغذاء يبي لك

كريمات مرممه للبشره اللي تسمى ربير او ريكفري متواجده بكثره في الصيدليات تبع المراكز الطبيه الجلديه ترمم الجلد وتساعده انه يشفي نفسه بنفسه ويعيد انتاج المواد اللي كانت متواجده وقل افرازها بالجلد بصوره سليمه وصحيحه
ويبي لك كريمات تحتوي ع مضادات اكسده وعلى راسها فيتامين سي وفيتامي k وفيتامين هـ عشان يساهم في تدمير الجذور الحره المسببه لك هالمشاكل في البشره وسبق ذكرتها في موضوعي الجديد ..
عموما الكريمات المرممه واللي تساعد في شفاء الجلد بعد الله
كريم اس بي ار ربير مكتوب عليه ربير
سيكالفيت من شركه افين
البانثينول
فيتامين سي + هـ + k
فيتامين ك يفيد اكثر اللي عندها شعيرات دمويه واضحه ..
استخدام غسولات طبيه ذات قوام ميلكي مثل سيتافيل او كيوفي ..
اذا تعاننين من احمرار يبي لك كريمات الانتي ريدنس ( مضادات الاحمرار)
ويبي لك بخاخ المياه الحراريه مثل يورياج او افين
واقي شمس افين - بايوديرما اي شركة طبيه لازم عامل وقائي لازم ..
واذا بشرتك ماهي متحسسه وحمرا يبي لك فيتامين سي سيروم + هالرونك اسيد سيروم ..
تستنخدمينه بالاضافه لكريم الترميم اس بي ار ..
يعني اثناء الاستخدام تخلطين براحة يدك 3 او 4 نقط من هالسيرومين مع نقطه بحجم البن من كريم الترميم وتخلطينه وتوزعينه ع الوجه والهالات تستمرين ع هالنظام 3 شهور وتعالي قابلين لو ماتغيرت بشرتك ورجعت بشره شابه نضره كانها بشرة بنت بالعشرينات ..
هالنظام هذا اعطيته قريبتي اللي وجهها اندمر بسبب خلطة الكريمات السبعه وانتظمت عليه 6 شهور ماشاء الله وشفتها بعيد الفطر ماشاءالله وجهها مرايه لاقوة الا بالله قالت لي لك الفضل بعد ربي ع هالمنتجات اللي دليتيني عليهاا ماشاء الله وجهها ماكنه عانى قبل رجع قطعه وحده خالي من البقع والشعيرات الدمويه ومشدود ماشاءالله وتحلف لي انه للان على هالكلريمات اللي دليتها عليها لانها فادتها جدا ..
احيان الاختيار الخاطيء للكريمات هو اللي يسبب لنا مشااكل بالبشره والا البشره لابد لها عنايه لان اجوائناا مرره تعدم البشره ولااعتراض على قدر ربي ..
ولاحظت انه كثير من البنات يستمرون ع كريمات التفتيح خوفا من ان النتيجه ترجع زي اول لاتركوه
وهذا اكبر غلط لان الجلد يبدا يترقق ويضمر وتتكون مشاكل بغنى عنها
لذا الطريقه الاسلم والصحيحه في استخدام هالكريمات بعد ماتلقى البنت نتيجه كويسه من كريم تفتيح ..
تبدا تقطعه تدريجيا بمعنى اول اسبوع يوم ورا يوم والاسبوع اللي بعده مرتين بالاسبوع واللي وراه مره بالاسبوع
وبقيه الايام تستخدم بما يسمى كريمات التثبيت وهي عباره عن كريم مرطب مناسب لنوع البشره يوضع قبله مضادات الاكسده وهي تشمل ( سيروم فيتامين سي+ هالرونيك اسيد+ سيروم الجلوتاثيون)
هالاشياء هذي ابدا ماتضر ابداا وتثبت نتيجة التفتيح وتساعد الجلد انه يبقى في اجمل حالاته من النضاره والصفااء ..
مستقبلا راح اذكر هالاشياء بموضوع لي وراح اعلمكم كيف تسوون كريم مثبت يحتوي ع مضادات الاكسده مو عن شيء الا لاني ابي لكم الخير ومابي احتفظ لهالمعلومه لنفسي ابي الكل يستفيد ويتقف ويعرف اللي يضره من اللي ينفعه لان هذي بشره ومو اي بشره بعد بشرة الوجه ..


ملاحظه ( كعلاج حاليا حاولي تعتمدين ع المنتجات الاورقانيك ( العضويه ) من فواكه وخضروات لانها تكون غير معامله كيميائيا وغير مضاف لها مواد حافظه والمواد الحافظه هذي هي اللي تضعف القيمه الغذائيه للماكولات باكملها )
والفواكه والخضروات حاولي تستهلكينها من تشترينها طازجه الى رابع او خامس يوم عشان تستفيدين من الفيتامينات اللي فيها .. وخذيها فرش غير مطبوخه زي الطماطم والبقدونس والبصل والثوم لان الطبخ يقلل من قيمتهاا ) < المعلومات هذي اخذتها من طبيبة تغذيه + كيميائيه قسم كيمياء حيويه .. يعني تطمني مو من مخي


طولت عليك الهرج بس ابي لك الفائده



بالتوفيق لك يارب
666 بدون اسم
666 بدون اسم
جزكي الله خيروبسالك عن الجلوسليد والليمون والزيوتهل مفيدههل استخدمتي زيت الزيتون يمكن يفيدك