جزاك الله خير كلامك عين العقل من وجهة نظري استخدم اشياء طبيعيه افضل واكره كلمة تبييض مافيه شي يخليك بيضاء هاذا خلقة رب العالمين ابحثي عن صفاوه ممكن شي يوخر البقع ممكن او يصفي لاكن يخليك بيضاء مستحيل اصلا ابسمراء مهما سوت ماراح تقدر تغير نفسها لان السمار والبياض هو ماخلقك ربي عليه والسمراء المفروض ترضى بسمارها الا السمار هو الملح كله الحين الاجنبيات يسوون تان في الشمس وكريمات التسمير وتسدح عند المسبح والبحر يبون يصيرون سمر وانا نهلك بشراتنا بحث وراء اليياض المزيف ونستخدم كريمات التبييض الي تعدم بشراتنا
بالنسبه للكريمات ممكن نستخدم كريم نهار وليل وممكن كريمات التغذيه الي تحتوي على فايتمن سي وممكن صابونه مخصصه للوجه والجسم ممكن حمام مغربي وصنفره عشان الجلد الميت الاهتمام فقط وليس البحث وراء البياض الي ممكن يسبب امراض وتصبغات وتصير الوحده تدور من مستشفى لمستشفى تدور علاج قال تعالى ولا تلقو بأيديكم الى التهلكه
اذا صاب الوحده لاقدر الله مرض خطير ماراح تنفعها هالكريمات خاصه ان بعضها تحتوي على الزنك وعلى الرصاص يعني بالنسبه لي مستحيل اغامر صحتي اهم وهاذا انا ماخليت علاج ولا مستشفى عشان الاكزيما والحساسيه ويدي من الاكزيما شبه مشوهه من عند الاصابع من فوق وحكه احيانا تصحيني من النوم اتمنى اني اتشافى لي ست طعشر سنه اعاني بس قلت عن المرض عشان تعرفون انكم في نعمه نعمة الصحه اما اللون والحمد الله راضيه وسعيده بلوني ومادام ربي خلقني حنطيه فالحمد الله لااعتراض على خلقة ربي

هلا والف الف مرحبا بالناس اللي تفهم
هلا والله باخواتي وبناتي ما اقول نورتم موضوعي
بل وزدتموه اثراءا وفائدة
امي مملكة كوني
ووحيدة في بيتنا
ايلان
شامبو هيربل
جزاكم الله الفردوس الاعلى من الجنان
كنت انوي الاسترسال قي الموضوع وجئتن انتن وما قصرتن
فلنضيف تقوى الله في حق انفسنا والايمان والرضا بما ارتضاه الله لنا
ثم هنالك خلطات طبيعيه اتمنى ان يتواصل ابداعكن وتكتبن تجاربكن في هذا الموضوع
احبكن في الله

جزاك الله خير على ذكر تجربتك والله فعلا الكرتزون مدمر للبشرة وكثيييير انعدمت بشرتهم اهتمي بالأكل الصحي خاصة الخصار ومضادات الأكسدة والكركم يصفي الكبد كمان زيت الزيتون مع الليمون ولا تيأسي بإذن الله ترجعين زي الأول واحسن

هلا بنات
اشلونكم عساكم بخير
مشكورة برسيج الدلع جزاك الله الفردوس الاعلى على الدعوه الحلوة
اليوم بجرب خلطة بياض البيض مع الكركم
بنتي تسويها وما احلى بشرتها
توني مجربتها
وبقول لكم على النتيجه
نسيت اقول لكم ايش استفدت من غلطة استعمال الكريمات
اهم شي استفدت منه
اني ما تركت بناتي يستعملون كريمات وخرابيط
والحمد لله التزمن نصيحتي
واحدة تخرجت واتجوزت ومحاقطه على بشرتها الطبيعيه
واختها تخرجت طبيبه وبشرتها بكر ما تسوي خرابيط والحمد لله

بارك الله فيك لذكر تجربتك ،،، وبارك الله لك في حياتك وذريتك .