بنتي غنووجتي
بنتي غنووجتي
يا زوجات الشماليين تعالوا بقولكم مشكلتي وقولوا لي الحل
أنا وزوجي دايم مشاكل مايشوفني شي , كل شي يدخل فيه حياتنا طويلة فيها ضرب وفيها طلعت لأهلي سنة واواوا
المهم الحين قررت اصبر عشان عيالي الله يخليهم لي ويقر عيني بصلاحهم , يبيني أحمل كل سنة , المهم الحين كانت عند هزومة لأهلي ورجلي أساسا راعي عزايم وذبايح دايم يعزم ويذبح , المهم قلت له عزيمتي الاسبوع الجاي قال من بيقوم فيها ( يعني من بيدفعها) قلت رجلي قال خيييييييييييييييييييييير قلت هذا انت كل اسبوع عزيمة وش فرقت ؟ المهم قب علي وقام يصرخ انت تتدخلين في فلوسي , قلت مالي دخل بفلوسك اعزم كل وقت بس مافيها شي اذا دفعت لي , طبعا هو حرف الموضوع على اني ادخل في فلوسه , وصرااااخ ياعالم وانقلعي لهلك واختاري انا والا الوظيفة وابضربك واواواو انواع التهديد وبعدها هجررررررني لنا الآن 10 ايام لا يكلمني ولا يآكل معي ولا يآكل من أكلي وحارمني من الطلعة , وكل يوم يعزم خويه وانا كل يوم أعزم أحد أغير جو بهالعطلة , ولا يرد على اتصالاتي او رسائلي وينام بغرفة وحدة , السؤال " أنا الآن ماودي أراضيه لأاني ماسويت شي غلط واللي سواه مايسوى هالتكبير وشرايكم هل طريقتي صح ام لا
دمعة اميرة
دمعة اميرة
بنات وش قصة البوصلة اللي عندها فكرة تقولي
لك القلب و الروح
ياحبيلكم يا بنات حواء..
ليش مصورين الشمالي الشرقي بأنه صعب و مشكلة؟؟
والله انه العكس .. بس لو فهمناه صح وعرفنا كيف نتعامل معاه صح ..
بأول زواجي كنت أنواااااع النكد .. بس الحين خلاص استوعبت الدرس :
* لو أصيح من هنا لبكرة أو أتزعل .. ماجااااااب خبري .. وفي الأخير أرضي عمري .. فليش وجع الدماغ من أصله وبلاش زعل من البداية .. (((لا للزعل .. لا للنكد .. لا للبكاء)))
* طلبت منه شي وقال لأ .. أقوله سم طال عمرك وسني يضحك وأقوم فورآ من عنده ... غالبآ ألقاه سوى اللي أبيه وهو يضحك ...أو يعوضني عنه بشي ثاني ((( لا للعناد )))
* روووووتيني ما يحب التغيير .. بالتدريج يمشي حاله (( لا للمفاجآت .. وعن الخساير))
* مايمدح .. ما يقول كلام حب .. مايعرف يعبر .. كانت هذي أشد الأشياء إيلامآ لي في بداية زواجي .. ((( الحل : إرضي بالقليل يجيب الله مطر .. فعلآ .. تقبليه مثل ماهو .. راح تتفاجأين بالنتيجة (( أكبر غلط إنك تطالبينه بهالأمور أو تحسسينه إنه مقصر فيها))
* ما يحب السفر .. (( للأسف مالقيت لها حل .. ومازلت أتمنى لو نسافر لو يومين .. إللي عندها حل تدلني عليه )) .. بس إني ما أحاول أعطي الموضوع أهمية كبيرة قدامه (مع إنه قاطع قلبي .. ودي أسافر )
* الشمالي الشرقي .. يقدر العائلة .. يهتم بشده بأطفاله .. كريييييم .. حنوووون .. يحترم المواعيد .. ما يخون .. بيتوتي .. ركزوا دائمآ على هالحسنات ... تعاملي معاه بطولة بال .. ولا تتعجلين النتائج .. حاولي تكوني دائمآ مبتسمة .. مرتاحة .. مرتبة .. بيتك منظم .. اهتمي بالعطور .. عطري بيتك ونفسك ولا تنسين شعرك ..انتبهي دائمآ لنبرة صوتك لا تعلا عنده .. عيشي حياتك .. لا تركزين عليه كثير .. أحيانآ تجاهلي كلامة إذا ما أعجبك وردي عليه بإبتسامة واثقة .. لا تسمحين له يحبطك أو يقلل من شأنك .. ورددي دائمآ بينك وبين نفسك (( هذا زوجي حبيبي .. أحسن واحد بالدنيا .. أحبك زي ما إنت ))
وبس .. مشي حياتك معاه بالهون .. وراح تلقينها تحلا يوم ورا يوم ... وراح يجي يوم تحمدين ربك إنك زوجة شمالي شرقي..
الملايين
الملايين
بنتي غنوجتي
الشمالي الشرقي عنيد
ويحب هو يدير الحياة ويحب هو يخطط
بس ما يسمح لشريكة حياته انها تخطط له او تدير دفة الحياة
الغلط هو باسلوبك لازم تتعلمين كيف تتعاملين معه
لو عرضتي عليه الموضوع على شكل مشكلة او طلبتي منه فكرة او قلتي ودي اسوي عزيمة بس اخاف انها تكون مكلفة
او قلتي له احس اني مستحية من فلان وفلان وودي اعزمهم بس مادري تتوقع يستاهل الموضوع عزيمة ولاتكفي هدية بسيطة
صدقيني ساعتها هو بيقترح العزيمة وبيفزع
بس هو يستفزه انك انتي اللي فكرتي وخططتي وقررتي
وطلبتي منه ينفذ
وهو رافض هالاسلوب
عشان كذا قبع عليك
ولانه مايبي ينفذ ورافض هالاسلوب قرر انه يهرب على شكل زعل
طبعا انتي ماغلطتي
بس هو يبي يفتك من الموضوع كله على بعضه ويفتك منك ويخليها على شكل زعل
عشان يرتاح من كل المشكلة

وعشان يأدبك ماتسوين ولاتفكرين تسوي شيء من دون شوره

وترى الزعل هذا لو راضيتيه بسرعة بيتكرر
لذلك حاولي انك تطلعين من موضوع الزعل بطريقة ثانية غير انك تراضينه
عشان ماياخذها عليك انه كل مابغى يفرض عليك شيء او يفتك من طلب من طلباتك قلبها زعله
الملايين
الملايين
لك القلب والروح اهنيك ماشاء الله الى الامام
اكتبي لنا مزيد من تجاربك مع ش ش(شمالي شرقي)