بنات تعالوا كلامي لكم ولمصلحتكم لأنكم بمكانة خواتي

السلام عليكم ورحمة الله وبركاته
يسعد اوقاتكم ربي ويجعلها عامره بالطاعات يارب
اليوم صبايا جابه أتكلم معاكم في موضوع مهم جداً لكل حواء وهو كيف تكوني سعيده وكيف تكسبي زوجك
لكن أنا جايه بكلام مختلف عن اللي سبقوني وأتوقع ان كلامي هو الصحيح بدليل انه راي حتى الخبراء والمستشارين النفسيين والاجتماعيين

ألطريقه انك اذا تبين زوجك يكون معك كريم اذا كوني كريمه مع نفسك
اذا تبينه يحترمك خلي احترامك لذاتك وتقديرك لذاتك مرتفع
اذا تبينه يمدحك اثني على نفسك وان الكثير يسألونك عن سر أنتقام ورشاقتك وريحة عطرك ونكهة طبخك وكثير يضربون فيك المثل بالسنع والجاذبيه طبعا بعيد عن الغرور يعني قوليها بلطافه واسلوب خفيف دم وأكيد انك كذا طبعا والا أسكتي لاتقولين شي عشان لايكذبك هههههههههههه :S_45:

وهكذا يعني لابغيتي شي اعطيه لنفسك اولا عشان هو بالتالي يعطيك اياه ومايستخسر فيك ويحس انك شي نفيس وراقي وكبير وتثيرين إعجابه ويصير بدون مايحس هو اللي يركض وراك ويدور راحتك :02:

بنات لاحظت ان الكل او الأغلبيه منكم في بحث مستميت عن كيف تكسب قلب زوجها وكثير مواضيع قريتها مفادها ان للوحده للأحزمة وتعطلت وكسحت وطلحت كل مالذ وطاب وكرفت لزوجها لدرجة البعض يقول حمميه واكليه وقلمي اظافره وبيحبك اكيد
هذا في الحقيقه مو كلام في صالحك بل هذا دمار لذاتك ويعكس خضووووع شديد جدا جدا يخلي زوجك ينفر منك ويحس انك ميته عليه وانك اهنتي نفسك عشانه وبالتالي يعاملك من هالمنظور يصير يهملك ويجرحك ويستكبر عليك واحيانا اسفه ع هالكلمه (يهيييينك ) والسبب انك انتي عاملتي نفسك كذا كيف تبغينه يحترمك وانتي مااحترمتي ذاتك اساسا وربي يابنات كل مادللتي نفسك ورفهتيها وكانت نظرتك لنفسك انك رقم 1 كل مافرضتي احترامك عليه واعجب فيك اكثر وصار يدور رضاك وخلاك فعلا رقم 1 وربببي يابنات الرجل يموووووت في تراب المراه الواثقه اللي تشوف نفسها شي كبير مااقول كوني أنانيه لألا طبعا لكن قدري نفسك ثم قدرين وكوني السهل الممتنع وعن تجربه وحتى اغلب البنات اللي كانوا يتفااانون لازواجهم فوق طاقتهم تلاقيه بالاخير غالبا يايتزوج عليها او يطلقها او ع الاقل يمل منها يحس انها تركض وراه ويصير عنده ردة فعل سلبيه اتجاه الاهتمام الزائد صدقوني يابنات في قاعده ذهبيه لو اتبعتيها مارح تندمين اولا استعيني بالله وخلي علاقتك فيه قويه وخلي هو الوحيد اللي له الطاعه والتفاني والخضوع مو احد ثاني ثانيا اهتمي باهمال واهملي باهتمام يعني ادي واجباتك بدون تقصير وكوني مهتمه بنفسك واحترميه لكن لاترهقين نفسك وتذلين نفسك وتكسرين نفسك له عشان بالمقابل يحبك وحطي ببالك انه بيعاملك ويقدرك نفس ماتعاملين نفسك وتقدرينها
ترى انا يابنات كتاباتي قليله لكن يشهد ربي اني همي وامنيتي يكونوا كل بنات جنسي سعيدات
وترى مابي منكم الا دعوه صادقه بظهر الغيب والله يسعد الجميع