نفس حالة الاخت لى 21 يوم والده ولايدر صدرى ارجوكم ساعدونى

اقول لش عن تجربةاشربي مغلي الشمر يشبه حبة الحلوة وممتاز

طبيعي يكون لينه فااتح كانه شراب البيذان

لاتقارنينه بالصناعي

وانا ولدي لما كنت ارضعه ماكان يطلع ولاشي ولاشي ولاقطره وكانت السستر تقولي عادي مومعناته
انك ماشفتيه يعني مافيه حليب هو يطلعله وانتي ماتحسين

وترى اذا مافيه حليب تلاقينها ماترضع ولاتجلس ولاثانيه على سدرك
وكل ماخليتيها تمص اكثر كل مازادت كمية الحليب
واذا انتي جاده تبين ترضعينها طبيعي اقطعي الصناعي من هاللحظه لاتعطينها حتى لوتبكي تتعبين يوم
او يومين بس تشوفين الحليب زاد بطريقه رهيبه
وقبل كل رضعه اشربي كوبين حلبه تدر الحليب بشكل عجيب

السلام عليكم
اختى اشربي ينسون وكراوية وشمر انا بخلطهم مع بعض اضيف لهم مياه مغليه واغطي الكوب وبعد شوية اشربه مرتين في اليوم وكمان الحلاوة الطحينيه .. بصراحة فرق معايا كثير واحس الحليب احسن كثير من الأول ..

مشكووووورين جمييييييييييعا على نصايحم الذهبيه
انا اشرب حليب واشرب سوائل كثير
جربت الحلبه بس ما تحملت طعمها فبتعدت عنها
دكتوره انا بنتي كان وزنها 3و200 غرام الحين ماشاء الله زادت 3و600 غرام
بس اكيد مو مني ممن الحليب الصناعي انا اعطيها نان
دكتوره انا من ولدت ما طاف يوم ما عطيتها من صدري
بس هي ما تشبع وتظل تصيح وتمص باصابعها بعد كل رضعه ( يعني جوعانه)
وارد اعطيها من صدري الثاني والله يا دكتوره انها ما ترضى تدخل الحلمه بحلجها
وكانها تسوي وع وتعفس وجها ساعات اضحك من القهر بس شاسوي ؟؟
ارد واعطيها من الصناعي وتشربها بسرعه بسرعه من شده الجووع
ولما اشوفها يعورني قلبي اقول جوعانه وانا جابرتها على حليبي ؟
حتى زوجي يتضايق لما ارضعها من صدري يقول البنت ما تشبع ويروح هو يسوي لها صناعي
عشان تسرب لين تشبع ؟ انا لو بس الحليب يزيد بصدري مثل النسوان
ويتكتت لي برى جان والله ارمي الصناعي بالزباله
انا بجرب طريقة الاخت وبحط لي دلة حليب وبخلطه مع حلبه وبشرب منه قبل كل رضعه مره
وان شاء الله يدر الحليب مني ياااااااااارب ادعو لي انا بكر والله مابي بنتي تتعود على الصناعي
هي بكري وابيها تشرب من صدري عشان صحتها تصير زينه
جزاكم الله خيرا جميعا ياااااارب والي عندها حل در منها الحليب بسرعه تخبرني بتجربتها
وشكرا للجميع