هاي ريتا

هاي ريتا @hay_ryta

عضوة جديدة

ابي افهم ايش اللي صاير بالضبط

تأخر الحمل

بسم الله الرحمن الرحيم
اخواتي الفاضلات انا حابه اوضح لكم حالتي بالتفصيل واللي تعرف ايش اللي فيني توضح لي
انا متزوجه من سنه وثلاثة اشهر تخيلوا الدوره طول هالفتره مانزلت علي الا اربع مرات فقط طبعا بدون حمل مع العلم ان دورتي تنزل سته ايام بالضبط وفي رمضان هذا نزلت بس يومين وطهرت على طول وهذي اول مره تصير معاي
غير كذا اني زرت كذا مستشفى وعملت كل شي من تحاليل شامله لكل الهرمونات واشاعه سونار داخليه واشاعه خارجيه عالبطن من برا وطلعت سليمه بس عندي هرمون الحليب 29 وشربت الدواء حق الهرمون ومع ذلك الدوره مانزلت علي ابدا سببتلي قلق والله خفت انه يكون فيني شي والدكاتره ما اكتشفوه مع العلم اني اذا جيت انام احس بشي زي الحجر مثل قبضة اليد اسفل البطن من جهة اليمين اذا كنت نايمه واتقلب في نومي احسها تتحرك وتعورني حيييل وماني عارفه ايش هذا الله يخليكم فهموني ايش اللي صاير بالضبط ليه اللخبطه وايش هذا اللي يتحرك داخلي
واسفه عالإطاله انتظركم بفارغ الصبر لاتحرموني من اي معلومه
19
12K

يلزم عليك تسجيل الدخول أولًا لكتابة تعليق.

تسجيل دخول

راويندا
راويندا
الله يشششششفيك ان شاء الله ويكتب لك الحمل
اشربي اعشاب وقت الدورة عشان تنزل يمكن معك سدد
او سوي حجامة لان اللى تحسينة احتمال الدورة متجمعه ولازم تنزل
سجى العسيري
سجى العسيري
الله يطمن بالك تبغين نصيحتي روحي لدكتوره ثانيه غير اللي تراجعين عندها وخليها تعيد لك الاشعه والتحلييل وشوفي وش تقول لك وكذالك استمري على رقية نفسك دئمااا وجربي الحجامه مررررررررررررره حلوه
بلنسبه للي تقولي انك تحسي بحاجه زي الحجره جهة اليمين تتحرك احتمال كيس دهني وعلاجه مرررررررره سهل
شمعة الإيمان
شمعة الإيمان
الله يطمن قلبك ويرزقك باللي تتمنيه
هاي ريتا
هاي ريتا
انا رحت للرياض مستشفى الفلاح عند دكتوره مغربيه وقالت سليمه
ورحت عند الدكتوره فاطمه مستوصف الهنوف وقالت سليمه
ورحت للدمام مستوصف الجزيره الدكتوره حنان وقالت سليمه
ورحت لابها عند دكتوره ناسيه اسمها وقالن سليمه
ورحت لدكتوره اعرفها هنديه وقالت سليمه حتى عملت فحص بيدها تضغط عالبطن قالت مافي اي شي
والله احترت
وجزاكم الله خير عالرد
هاي ريتا
هاي ريتا
الاخت اللي قالت احتمال كيس دهني ايش اعمل عشان اعرف اذا كان كيس دهني او لا
تكفين علميني والله صرت اذا بنام افكر في قوة المه اخاف انه يعورني واذا جيت اغير الجهه اللي كنت نايمه عليها امسك على بطني اول شي عشان يخف الالم