تغيرت الدنيا و تغيرت الإحتياجات ..و رجالنا ما تغيروا !!

يسعدني اكون اول وحده ترد على موضوعك
وانا راح اجاوبك على سؤالك ,, انا اشوف بالعكس حتى الرجال تغيروا ,, اسلوب التعميم غلط
الحين الزوج صار يساعد زوجته في العيال واحيانا يشارك مشاركات بسيطه في ترتيب البيت
مثلا يشيل صحون الغدا او العشا ,, ويسمع لزوجته ويعطيها حنان ويسئلها عن رغباتها
وفيه رجال يدلعون حريمهم ويمشونهم ,, لاتظلمين الكــل ,, باختصار كل الجنسين تغيررر
وبالعكس لما نشوف شاب بعقليه الرجال القديمه الكل ينقده ويستغرب انه عايش بعقليه غبيه ومتحجره
الحين الشباب تغيروا وصاروا اكثر رومانسيه وبرضو البنات صاروا اقل صبر ههههههه
والانسان مو كامل لا بد من النقص والكمال لوجه الله الكريم
مافي بيت يخلو من المشاكل والهموم بس مو معنى كذا ان سبب المشاكل الرجال وعقليته القديمه
وابشرك فيه حريم عايشين ع العقليه القديمه ومو راضين يتطورون ويتغيرون ويعتبرون كل شي عيب
وبرضو فيه رجال كذلك عقليه متحجرررره
بس من وجهة نظري انا اشوف الكل تغير للأحسن وحرام ظلمتي الرجال وقلتي اغلبهم عقليه قديمه الا من رحم ربي
وهذا غلط

انا رايي انه بسبب اختلاق الاسر .. يعني مثلا نشوف شاب تربى على يد خدامه وامه ماعلمته السنع ولاتدري عنه وابوه كل يوم مسافر في بلد ولاهي في حياته االخاصه والولد ومايعرف يشيل مسؤوليات وحياته ترف واصدقاء وسهرات فقظ لا علم ولا خبرات في الحياه ويروح يتزوج له وحده ناقصه حنان وكان عندهم تفكك اسري وتبيه طوول اليوم يقعد معاها لا اصدقاء ولا سهرات بس اقعد من الصبح لليل تغزل فيني وامدح فيني وكله غيرانه حتى من نفسها تغير عليه. فيصير الطلاق او حياه غير سعيده لانه مافي توافق من الطرفين يعني اساس البيت هو الاسر اللي تربى فيها الزوجين من الاساس.. اصلا المجتمع كله يبي له اعاده تاهيل من جديد ..
تحياتي

والله انا ابوي متفهم واقدر اسولف معه يحترمني اذا جيت اتكلم
لكن شباااب اليوم مااايطيق اي كلمه من زوجته على طوووووووووول يقبع فيها لاتقولون وتنكرون والله انا شفت من اقربائي كذا مع زوجاتهم
بالعكس رجااال اول اكثر هدواه واحتراااام لزوجاتهم مادري لانه امكن مو زمن فتن او انه الاب والام ربوهم على حب حريم الاولاد مو كرههم زي في بعض الحمايل والعياذ بالله تلقينهم شااابين نار على الضعيفه وينتقدونها بالطااالع والنازل والام لاتدلعها ولا تمشيها وتفرح اذا صااار مايسمع الا هرجهها وكلامها

وعلى العموووم الشباااب الحين عصبين مااادري ضغوطااات الحياة او الاهل او الدوام او مااادري والله

السبب برأي الحريم نفسهم !
للاسف يفرقون بين تربية البنت والولد
ويعودون الولد على انه كلمته تمشي وهو اللي يتحكم
فلما يتزوج يطلع كل تربيته على حرمته
هذا هو الجواب باختصار للاسف الشديد :)

الانسان ابن البيئه
يعني حريم اول غصب كانت حياتهن كذا,,لأن هذي بيئتهم اللي عايشين فيها
والتغيير اللي صار احسه لصالح المرأة,,لأنها عرفت حقوقها,,,صحيح انو البعض للحين مو متقبل
بعض الحقوق,,ولو كانت من الشرع,,لكن مصيرهم يقتنعون
اما الرجال,,بالعكس اشوف التغيير طالهم حتى هم
فيه اللي التغيير كان للأحسن,,,وفيهم للأسف اللي ماأخذ من الحضاره الا السيء