الله يسعدكم بنات ساعدوني بافكار ملكتي بعد اسبوع

الله يوفقك يارب وعلى البركه -
طبعا البيت يكون مبخر ومرتب -
الطاولات اللي تكون بين الحريم حطي عليهن شرشف اللي مخرم يلمع وصلحي فيونكات فيه بلون ساده واحد فاتح والثاني غامق الفيونكات او الشرشف -
وعلبه منديل مزينه بورد ومغلفه بلون الفستان فوق الطاولات وكاسات ومويه مغلفه علب كبيره اللي زي البيبسي
والكوشه الكرسي اللي تجلسين عليه صلحيه وحطي ورود - والطاوله لاتكون جنبك
وحطي ورد وشموع والشكولاته ومارشميلوا وفواحه الشكولاته وفراوله وكيوي وشوك وحلا وفطاير وورق عنب التقديم
وعند المغاسل مناديل معطر ولبان وعطورات ودهن عود على حسب ماعندكم
والزفه اذا جاو المعزم اهل زوجك واجلسوا شوي وقدمتوا العصير وشوي شغلوا الزفه ثمن انتي تجين وبعدين كملوا وقبل لا يشوفك قبل للحريم واحسن لك خليه يجي من بكرا لا يشوفك بنفس يوم الملكه اغلب اللي اعرف كذا اريح لك يعني راح تخلين الحريم وتجلسين انتي وزوجك بغرفه ثانيه وماراح تتكلمين ولا شي افضل بيوم ثاني وانتي افتحي قوقل فيه صور وافكار كثيره
وبالتوفيق

السلااام عليكم
حبيبتي والله حتا و حدة من اخواتتي ملكتها في البيت عائليه يعني
رحنا و هي نايممة <<< ع فكرة اليوم الثاني الملكة
و شرعنا الدرج بالتل و وورد من اللمكتبة و لصقناه ما اخذ الا يمنك 2 ساعتين بس
و كمان المكان الللي بيشوفها زوجها و يتصور معها فيها كنبه <<< عشان تتصور
وكمان شرعي الكاسات حقت العصير و صحن الكيكة وبس حبيبتي
هذا اللي سوينا بس و الكاسات لفيناها بالتل االلماع مثل الدرج و الصحن حق التقديم لفيناه بالتل
مثل الكاسات و حطي ورد ع الدرج و الكاسات و الصحن لونة احمر اذا لون الفستان ابيض او سكري
و المسكة جبنا مسكة عاديه جدا جدا <<< عشان الامكانيات ماكانت اوكي
و انا زيناها بالشرايط و التل
&&&&&&&&&&&&&&&&&&&&

بالنسبه للمغاسل
حطي بعد ما تطلعين من الغسالات طاوله و عليها تل و مناديل معطرة و لبان و حلامة ** صغار و بخور
&&&&&&&&&&&&&&

وصلا اللهم و بارك

اتمنا اني افدتك

ادعي لاختي بالذريه الصالحة

بجاوب على الي أعرف يوم ملكت أخوي زوجته إنزفت عند الحريم بعدين رقصوا أهلها واستانسوا بعدين طلعوا ودخلنا أخوي عليها وجا دورنا أهل المعرس رقصوا شوي عماتي وبعدين لبسها الشبكه وشربوا عصير ثم تركناهم مع بعض نص ساعه ثم دخلوا على البوفيه قبل الناس ثم جلس معها في غرفه ثانيه وبس...

عزيزاتي مشكوووووريييين كثير على ردودكم والله يجزاكم ألف خير،،
حبيباتي المشكلة الي اعاني منها ان بيتنا صغير وضيق واهل الخطيب ماشاءالله تبارك الله كثاااار وبجد محتاره ما ادري وش اسوي فيهم بس الله بيعين...
وافكاركم بالمررررررره اعجبتني وباطبق منها الي اقدر عليه واذا في أي نصائح زيادة رجاااااااء لا تبخلون علي،،والله يجعلها بميزان حسناتكم والله يفرج لكم همومكم ويعطيكم ويحقق كل الي تتمنوه يارب العالمين،،،
أختي (ناسيها) الله يحقق لأختك ما تتمنها والله يرزقها بالذرية الصالحة عاجلاً غير آجل يارب يارب يارب،،