Pasta

Pasta @pasta

كبيرة محررات

:: العصيده بالصور من مطبخي ...عجيبه مع هالبرد ::

الحلويات الشرقية والغربية



حياكم الله اخواتي ...

الجو عندنا في قطر يهبل ماشاء الله مطر وخير ..وبرد
وحفل افتتاح دوره الالعاب الاسيويه اليوم في قطر ان شاء الله
يعني فرحه الله يديمها علينا ياارب
((اللهم اجعل هذا البلد آمنا مطمئناً سخاءا رخاءاً وسائر بلاد المسلمين)) اللهم امين


المهم .. للامانه الطريقه هي اساسا لحبيبتي الخفايا ..بس بتعديل مني
وتقليل المقادير .. وتناسب العائله الصغيره >>> مثلنا



المقادير ...
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق ...
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه

طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ....وتمتعي بالطعم الرهييييييييييييييييب ..


99
66K

يلزم عليك تسجيل الدخول أولًا لكتابة تعليق.

تسجيل دخول

ام هيااوي
ام هيااوي
ووواووو تهبل يابنت بلادي في هااي الجووووووو العجيب والله يعطيج الف عاافيه ..
ام فتون _5
ام فتون _5
ووواووو تهبل يابنت بلادي في هااي الجووووووو العجيب والله يعطيج الف عاافيه ..
ووواووو تهبل يابنت بلادي في هااي الجووووووو العجيب والله يعطيج الف عاافيه ..
وااااااااااااااااااااااو مشكوره اختي
عين الفجر
عين الفجر
باستا
ما شاء الله عليج شغل عدل
اتصدقين عاد ولا مرة سويت عصيدة هاي الشغل مخليته للوالدة الله يحفظها
بس بعد ها المنظر الحلو شكلي باجربها
تسلمين وما قصرتي يالشيخة
CLassic2004
CLassic2004
ماشاء الله عليج
امس اقول حق امي خاطري بعصيدة .. ان شاء الله باسويها اليوم بس بازيد لها بيض على الويه ..
يعطيج العافية
um hana2
um hana2
ماشاالله...


<<<<<<<<<<<<<<<< احنا عصيدتنا غير
مشكورة قلبي