هل ممكن تشترين التورته من حسابات الانستقرام وغيره ابدي رايك

اي سوقهم ماشي بإذن الله بس لا تحط راس مال من البداية..
خل تبتدي بالي متوفر عندها وتشوف الإقبال كيف وتعرف رغبات الزباين إيش بالضبط تالي تشتري فرن وكذا.
وتتفق مع مندوب أو شركة توصيل لتوصيل الطلبات.
والله يوفقها

انا عن نفسي ما احب اشتري اي شي سواء اكل او لبس عن طريق النت ،،، بس شوفي انا شفت حسابات في الانستقرام لبنات زي اختك متفقات مع الدانوب ،ويعني وحدة تطلب من الدانوب و هما يسوه للزبونةوبس يكتبو على الكيكة شعار الدانوب فهمتي ،، يعني اختك ممكن تتفق مع الدانوب ،،، تعرفي الكيكة اللي قلتي اشترتيها 350 ترى سعرها معقول بالنسبة للي اشوفه في الانستقرام غالي ،،، اصلا مقادير الكريمة و غيرها مرة غالية و مكلفة ، ربنا يوفق اختك ،،، خليها تجرب تصير مندوبة لشركات زي الدانوب و غيره ، احسن لها ،،،

الله يوفقها يارب ويرزقها من حيث لاتحتسب ..

ممكن تتفق مع صاحب محل حلويات بالبداية ,, يكون قريب من عندكم او بمنطقتكم شي محلي لكن يكون هالمحل نشيط .

تذوقهم من الكيك اللي معها ويتفقون معها مثلا عشر قوالب بالاسبوع احجام ونكهات منوعه حتى يشوفو اقبال الناس عليها .. وكل من طلبها يبلغوه انها صنع منزلي وممكن تنفذ لهم الشكل والنكهه اللي تعجبهم عشان يقولو لهم نبغى طلب خاص او زياده منها .

السعر 100 _ 150_ 200 كبداية لمشروعها او اللي هي تشوفه مناسب براحتها ,, والطلبات الخاصه حسب الحجم وكيفية الصنع .

هذا اللي اقدر افيدك به .. والله يكتب اللي فيه الخير .

رب يبارك بسعيها ويررزقها إن شاء االله أختي

هي تبدأ بأبسط التورتات إلي ما تكلف كثير وتسويها باللوازم إلي عندها أما السعر ما نقدر نقول لها كم هي إلي تقدر تقيم مثلا سوت تورته تشوف كم تكلفواعليها المقادير وشوي حق إستهلاك الكهرباء أو الغاز وتزيد عليها نسبة من الفائدة أي الربح هي الوحيدة إلي تقدر تقيمه على حسب تعبها والوقت إلي أخدته بالتحضير و بالتزيين والزينه بسيطه أو معقده وتقارن بالأسعار بالحلات و تجعل ربحها قليل بالأول والأسوام مغرية عشان تجدب الزبائن وتخبرهم أنها منقصه كثير بأسوامها وكل مره بالمال إلي تكسبه تشتري اللوازم إلي تسهل لها العمل مو تخصص رأس مال لا تشتري من الأرباح عشان إذا مانجح المشروع ما تكون خسرت شيء بالعكس ربحت اللوازم لنفسها .
المفروض أول من يشجعها أهلها إنت ليش تشتري تورته من المحلات كان طلبت منها هي وتعملي لها إشهاربين المعازيم لما تروحوا عزومه تسوي هي مو تشتروا من بره وكل من يشكرها تقول أنا أسوي للناس طلبيات إذا حبيتوا أنا حاضره.... تعمل كرت فيه إسمها ومهنتها ورقم الهاتف وتوزعهم عليهم عشان يتصلوا عليها ولما تسوي تورتات تصورها وتحطها بالمنتديات وتفتح مدونه خاصه بها وأتمنى العضوات هنا إلي يسكنوا قراب منكم يجربوها ولو حتى بطلبية تورته للويكند من باب تحميسها يله قولي أنتم وين تسكنوا موفقه إن شاء الله.

1- الأغراض أساسا غالية
ا2-للي بتشلي بها الكيكة سواء بلاستيك او كرتون او قصدير غالي
3-اذا زتي بالسعر بيقولون الناس غالية فيه ارخص منها
4- بالبداية لا تاخذي زياده على شغلك بس خلي التوصيل بعشرة ريال وتستفيدين منها الشيء الكثيرررر بإذن الله