أزياء هندية بالشرقيه وين ألاقيها؟ لو سمحتوا بسرررعه

ساعدوني

السلام عليكم
أخواتي زواج وحده من قريباتي بعد فتره وأبي أشتري زي هندي يعني مثل الساري او اللي فيه بنطلون ومثل القميص الطويل ويكون حلو ومميز بصراحه أشوف على ناس كثير وأستحي أسألهم:11:
وانا ودي بزي هندي من زمااان ممكن تقولون لي وين اقدر ألاقي بالشرقيه؟ وطبعا ماتكون أسعارهم أكثر من 1000 او 1500

انا سمعت انه في أماكن بالدمام اللي تعرفها او اشترت من أي مكان تقولي

لاتطولون علي لوسمحتوا
ومشكورااات مقدما
13
34K

يلزم عليك تسجيل الدخول أولًا لكتابة تعليق.

تسجيل دخول

الهوليّــــه
الهوليّــــه
شوفي عزيزتي ..

بصراحه انا ما أعرف محلات تبيع أزياء هنديه جاهزه بالشرقيه..:27:

بس أعرف محل يبيع أقمشه هنديه حلوه ورخيصه..

اسم المحل ( الحرير الهندي ) بالدمام .. هو قريب للمركز الأخضر(سوبرماركت معروف) بس ما أدري ايش اسم الحي .. بس انتي اذا وصلتي لسوبرماركت الأخضر اسئلي عن المحل ..



مـرّه بثاني يوم من أيام العيد لبست ساري من هالمحل.. وطبعا الساري يجي عادة 6 أمتار تقريبا .. وكان حرير تركوازي وحاشيته بيج وذهبي..
وخيطت تنوره من قماش عادي تركوازي.. وشريت بلوزه ساده استرتش بنفس لون الحاشيه (بيج على ذهبي) والمهم ان البلوزه تكون من غير أبّـه .. واذا كان الكم طويل قصريه عند الخياط .. وبالنسبه لهالبلايز بتلاقينها مليانه عند محل (رادا ) .. والاساور والاكسسوارات الهنديه مليانه بسوق الحب وبالحياة بلازا .. ولا تنسين السلسلة اللي تنحط بفرقة الشعر والخرابيط الهنديه اللي تنحط على الوجه والخشم لا تنسينها بعد .. والنعالات الهندية مليانه بكل مكان ..

وقطعة قماش الساري لا تخيطينها ولا شي .. بس خلي أي خدامه هنديه موجوده عندكم بالعيله تعلمج طريقة لف الساري على الجسم .. أو خلي الخياط الهندي يعلمج وخليه يثبت الكسرات اللي تجي على جنب الخصر بخياطه خفيفه ..

وبالنسبة للاكسسوارات والنعالات اذا لقيتي فيها شي مو مناسب .. مثلا اذا لقيتي الفصوص او الشك اللي عليها مو مناسب لاتزعلين دامج تسمعين نصايح اختج الهوليه >>>>>>> تحب تمدح نفسها ..
بصراحه انا دايما اشتري مناكير رخيص مناسب لملابسي واصبغ فيها اي فص او اي شي مو مناسب باكسسواراتي او بنعالي ..

وبالنسبه للساري لا تقصين من قماشه .. يعني لا تقصرينه خير شر ..
وخلي الجزء اللي بينزل من ورا كتفج طويييييل .. يعني خلي الحاشيه تزحف للأرض شوي ..

وعلى فكره ترى هذا كله على بعضه ما كلفني غير 900 ريال تقريبا أو يمكن 800 بعد .. شفتي اشلون الهندي ما بيكلفج ولا شي ..

بس حبيت أوضح شي مهم .. ألا وهو :
7
7
7
7
بسم الله .. اشفيني انقلبت فصيحه ..:22:

نرجع لمحور حديثنا :
اذا رحتي للمحل لا تنصدمين من الأقمشه المعروضه .. ولا تنصدمين من تعامل الهنود اللي يبيعون بالمحل ..

انتي ماعليج منهم.. خليهم يطلعون اللي تبينه من تحت الأنقاض .. وخليهم يورونج الحاشيه .. لأنهم كسولين شوي ..

يعني الزبده .. بيرتفع عندج الضغط .. بس معليه استحملي اشوي ..:30: :mad:


المهم .. اتمنى تعجبج الفكره .. واي استفسار انا حاضره بس قبل الاختبارات ..

واخيرا ........... لا تنسيني من خالص الدعاء اذا استفدتي من هذرتي .. حتى اذا ما استفدتي ادعيلي بعد .. :07:




خداهافز
جوهرة السعودية
مشكوره أختي الهوليه ما قصرتي:26: وشرحك حلو فهمت عليكي
بحاول أروح للمحل اللي قلتي عليه مع اني ما اعرف محلات الدمام زين

وبطلب من باقي الخوات اللي تعرف محلات ثانيه سواء جاهزه ولا أقمشه تقولي
ام نورهان
ام نورهان
في محل في فؤاد سنتر وحده خبرتني عنه وباين من الفترينه الازياء الهنديه
جوهرة السعودية
مشكوره أختي أم نورهان .... بروح لفؤاد سنتر وبشوف المحل

بس وين باقي البنات ؟؟؟؟؟؟ :(

يعني معقوله بس 2 من العضوات اللي يعرفون!!!؟؟
ولا وحده من الباقيات اشترت زي هندي او فصلت؟؟؟؟؟

ياليت اللي تعرف تدلني جزاها الله خير حتى لو من البحرين تقولي

أنتظركم
عبيرالشرق
عبيرالشرق
مرحبا اختي توني اقرأ موضوعك
انا اعرف محلين الاول في فؤادسنتر فوق اسمه دار ساره
والثاني في الجمعه سيتي سنتر اسمه اسرار الهند
وأتمنى اني افدتك .