سويسرا او ماليزيا او دبي محتارة

يعطيك العافيه

شوفي اسهل منها مافي احجزي الان وانصحك علي القطريه الاسعار احلي اطلعي علي فرانكفورت لانه اسعار السياره ارخص من سويسرا وقريبه من سويسرا والفيزا غالباً تاخذ خمسه عشر يوم بعدين الفيزا لكل دول اوربا مو سويسرا بس يعني تقدري تطلعي فرنسا وهولندااواي بلداوربي
والطلبات ياخذ ابلكيشن من موقع السفاره ويعبيه ولازم يكون حاجز بيوت ويقدر يحجز عن طريق بوكنق يعني حجز وهمي وصور لكم
وسفره ممتعه

سويسرا لها فيزا الشنغن وأظنها تشمل ١٦ دوله
بس اذا كنتي تحبي الاسواق والترفيه ترى سويسرا ماتصلح سويسرا مره هادئه وطبيعه وجوها رائع بس انا ماحبيتها كثر ماحبيت لندن وباريس
ماليزيا مارحت لها بس كثير يمدحونها بس زوجي مو راضي نسافر لها يقول جوها مايناسبني
اما دبي فانا أموت فيها ولازم سنويا اروح لها لكن بما انك مخيره بينها وبين سويسرا وماليزيا فاجعليها بالاخير
يعني انا ارشح ماليزيا مارحت بس من كلام الناس حبيتها
سويسرا ماناسبتني بس يمكن تناسب غيري
دبي رائعه بس فيه الافضل طبعا

لالالالا طبعا انا لو بروح سويسرا قصدي الاول والاخير الطبيعة والهدوء وكذلك زوجي يبي طبيعة لان اول مرة بنطلع لبرا ونشوف فكرة السفر لاوروبا شي مستحيل بس الحلو بالموضوع ان بنت عمي وزوجها وولدها ماشاءالله راحو سويسرا فقلت بسالكم اول وبعدين اهي ومن ناحية كل ماجبنا طاري السفر لبرا نقول اسهل شي ماليزيا او دبي لانها صارت زي شرب الموية من كثر ماراحوها بنات عيلتنا فقلت سهلة ومافي مشكلة بس جد الحلم الاكبر سويسرا لانها طبيعة بمعنى كلمة وان شاءالله مايمنعنا منها الا القدر

اجل تناسبك وبقووووووة بعد اجراءتها سهله جدا فقط فيزا الشنغن وجوازات باقي عليها 6 شهور وتأمين صحي وتوكلوا على الله
بس النصيحه التذاكر وحجوزات الفنادق من الحين افضل لضمان المقعد واقل سعر حنا 6 أشخاص لباريس حصلناها ب15000 ريال حجزناها قبل شهر والحين لقيتها نفسها ب24000 شوفي. الفرق
صح ممكن تطلعي بنفس الفيزا الى فرنسا او النمسا او ايطاليا او المانيا او هولندا او بلجيكا او اي دوله اخرى من دول الشنغن واذا مدة إقامتك طويله ممكن تطلعي لاحدى هالدول يومين وترجعين