السلام عليكم ورحمة الله وبركاته :
حبيت اقدم لكم كب كيك لذيييييييييييييييذوينفع للعيد لاناقة شكلة كميته يعني يسوي لك حوالي 60 حبة يعني يكفي الحمولة كلها خخخخخخخخخخ تفضلوا حبيباتي وكلعام وانتوا بخير مقدما ::
المقادير:
٣ اصابع زبده غير مملحه بحرارة الغرفه
٢ كوب سكر
٥ بيضات اكسترا لارج ... من وين اجيب لها اكسترا لارج .. فحطيت ٦ بيضات
١ و ١\٢ م . ص فانيليا
١ و ١\٢ م . ص روح اللوز ( انا ما كان عندي فما حطيت .. اللي عندها تحط واللي ما تبي كيفها )
٣ كوب طحين
١ م . ص بيكنج باودر
١\٢ م . ص بيكنغ صودا
١\٢ م . ص ملح خشن ( انا حطيت ملح عادي )
كوب حليب
٧ اونصه جوز هند محلي = كيس جوز الهند = ٢ كوب وثلثين ( وراح نحتاج كيس ثاني للتزيين )
وهذي صورته للي مايعرفة موجود بالتميمي
الطريقة :
سخني الفرن على حرارة ١٨٠ درجه ... صفي اوراق الكب الكيك بالقوالب
اول شي بالخلاط الكهربائي اخلطي الزبدة والسكر لمدة خمس دقايق لمن ينفش
قللي السرعه وضيفي البيض حبه حبه ولا نتسين تنزلين الاطراف بعد إضافه كل بيضه عشان تنخلط المقادير
اتضيفين الفانيليا وروح اللوز ا
انخلي الطحين والبيكنج باودر و البيكنج صودا والملح
اضيفي ثلث كميه الطحين إلى الخليط السابق
بعدين نص كمية الحليب
وبعدين الطحين وبعدين النص الاخير من الحليب وبعدين الثلث الاخير من الطحين
شيلي الخليط وحطي عليه حوز الهند وقلبي بلعقة الخشب
وزعي الخليط في قوالب الكب كيك واخبزيها لمده ٢٥ - ٣٥ دقيقه لين ما يصير الوجه بني او لين ما
تدخلين عود اسنان في الكيك ويطلع نظيف
خليه يبرد في الصينيه لمدة ربع ساعه وبعدين انقليه على الشبك وخليه يبرد بالكامل
وهذي صورته اول ماطلع من الفرن وقبل التزيين
على مايبرد الكيك سوي التالي :
حمصي كيس جوز هند على النر الى ان يشقر
وعملي الكريمة :
عبارة عن :
قطعة زبدة /عشر حبات كيري /كاس سكر بودرة ...
واخلطي لمن تحصلين على كريمة ..
وزعي الكريمة على الكب كيك ورشي عليه جوز الهند المحمص وعوووووووووووافي...بالنسبة لطعمه ولله يابنات هش ولذيذ كنه جاهز والكل حبة اتمنى تجربونه
