Never broken
Never broken
المصروف الشهري الي يجيني اقسمه على بنود اساسيه ما تتغير كل شهر

مثل

مقاضي البيت (كل شهر) - رواتب الخدم - مصروف الاولاد اليومي -المصروف اليومي للمقاضي ( الحليب-الزبادي-الخبز)

طبعا هذي مصاريف ثابته ما تتغير

مقاضي البيت بالجملة (كل ثلاث شهور) و هذي اخصم لها مبلغ محدد شهريا عشان ما يوصل وقت الشرا الا و المبلغ متوفر لي يعني ما تختل الميزانية


الحين يجي دور المقاضي الموسمية

مثل


مقاضي رمضان

المدارس

الاعياد

كسوة الشتا

و هذه بعد مصاريف ثابته طريقتي اني اخصم مبلغ محدد شهريا عشان ما يجي موسم العيد او المدارس الا و المبلغ موجود يعني ما في مجال تختل الميزانية



الحين يجي بند المناسبات المتغيرة

مثلا

لوازم عرس او حفلة او هدية عروس

هنا اخطط من بدري يعني لو كان عندنا عرس مثلا باقي عليه ست شهور ابتدي اخصم شهريا مبلغ محدد عشان يجي وقت المناسبة و المبلغ عندي


الحين نجي لاهم بند و هو لوازمي انا

اوفر مبلغ محدد شهريا مثلا 500 ريال و اتركها تتجمع لحد الصيف يطلع لي مبلغ حلو ادلع فيه نفسي اجدد فيه لبسي و كل شي

احتياج
احتياج
رفع
حروف مبعثره S4j
حروف مبعثره S4j
راتب زوجي ٦٥٠٠
ومعطيني حرية التصرف فيه
١٧٠٠ ادخرها
١٠٠٠ مقاضي البيت
الايجار ١٣٠٠
٢٠٠٠ اقسمها في٤ظروف وكل ظرف احط فيه ٥٠٠ مصروف الاسبوع
ولمن ينتهي الاسبوع اي مبلغ يزيد من الخمس ميه يكون لي
٥٠٠ تكون له
أم مستجدة
أم مستجدة
حلو الموضوع ياليت الاخوات يفيدونا
بالنسبة مصروفات البيت ع زوجي بس مصروفي الشهري هو المشكلة عجزت اوفر او اخطط زين لصرفه
بنت نجد0022
بنت نجد0022
انا توي ساكنه بيت جديد وماعندي ولا شي بالمطبخ  ومانقدر ناخذ قرض علشان نأثث البيت الا بعد شهرين وعندي 5 اطفال  علشان كذا انا احسب مصروف البيت باليوم لان ماعندي ثلاجه ولا فرن ولا اقدر أأكل عيالي كل يوم معلبات وحسبت مصاريف باليوم 100 ريال كل شي اهم شي ما يتعدى الميه مع انه احيانا مع المنظفات والله يتعدى بس اخصمه من الايام اللي بعده 
ومشينها بس ان شاء الله لما نأثث حسوي زي اهله  

حنا اول كنا ساكنين عند اهله وكنا نشتري بالكراتين وتجلس من ثلاث شهور الي اربع شهور وناخذ الحاجات المهمه من بنده بالعروض 
والله قمة التوفير ارتحنا وباقي الراتب نشتري اللي نبي والباقي بالبنك علشان لاينصرف يقعد للاجازه