zayyoda

zayyoda @zayyoda

الطاهية الماهرة الفضية

أخيرا - رجيم ما يسبب الاكتئاب - و يخسس مووت - الدكتورة مها راداميس

علاج السمنة والنحافة

أخواتي الحوائيات
معي اليوم نظام ريجيم للدكتور مها راداميس - طبعا الكل يعرفها كويس اللي بتتطلع في برنامج البيت بيتك
الحقيقية أنا لي زميلة في العمل اتبعت هذا النظام و نزلت في شهرين حوالي 10 - 12 كجم
و ما شاء الله شكلها فعلا اتغير

أنا سألتها بتعملي ايه و يارت النظام بتاعك

فصورتلي مجموعة ورق عبارة عن قائمة بالتعليمات - و طرق طهي الطعام الموجودة في الريجيم - كذلك برامج أسبوعية (حوالي 9 أسابيع)

و سوف أضعها تحت أمركم لمن تحب التجربة معي و لنتابع و الله يا جماعة ما هو تسويق للدكتورة أو النظام بتاعها أو كده

الموضوع بجد لأن صحبتي أدام عينيا و شيفاها

و أنا عن نفسي إن شاء الله هجربه
197
214K

يلزم عليك تسجيل الدخول أولًا لكتابة تعليق.

تسجيل دخول

a_one164
a_one164
الحقينا به يا قمر
انا سمعتها على قناة عين كانت وصفت ريجيم لواحدة كانت نزل وزنها واصبح ثابت مش بينزل وصفت لها ريجيم كتبته وراها
وبالفعل طبقته كان اكثر من رائع وبالفعل نزلنى جدا
بس للاسف ما كملتش وبوظت الريجيم
يا ريت تكتبى لنا ريجماتها لانها بصراحة دكتورة ممتازة وتحسى ان ريجيماتها مافيهاش تجويع او اكتئاب
جزاكى الله خيرا ومستنينك بس يا ريت النهاردة علشان نبدء علطول
zayyoda
zayyoda
حالا هكون معكم

لكن اعذروني عشان النت عندي فيه مشكلة لو اتأخرت عليكم

تعليمات دائمة للريجيم
1- إتباع التعليمات مهم جدا للوصول إلى الهدف ثم تثبيت الوزن للحفاظ على ما فقد فهذا هام جدا جدا
2- مسموح 2 شاي و 1 قهوة و 1 نسكافيه فقط
3- مسموح في اليوم حجم فنجان القهوة لبن منزوع الدسم فقط
4- ممنوع استخدام الكاتشاب و المايونيز و السمن و الزيت و الزبدة
5- ممنوع تناول المخللات و الحوادق لأنها تساعد على تخزين الماء بالجسم
6- ممنوع تناول الجزر – البسلة – البنجر – البطاطس – القلقاس – إلا إذا كان مكتوب في البروجرام
7- ممنوع إضافة عيش بأنواعه – ممنوع العيش السن إلا إذا كان مكتوب
8- ممنوع الوجبة الواحدة و ممنوع الجمع بين الوجبات تماما
9- ممنوع الزبادي على المكرونة و كذلك ممنوع الجبن على المكرونة
hanona2
hanona2
الحقينا به يا قمر انا سمعتها على قناة عين كانت وصفت ريجيم لواحدة كانت نزل وزنها واصبح ثابت مش بينزل وصفت لها ريجيم كتبته وراها وبالفعل طبقته كان اكثر من رائع وبالفعل نزلنى جدا بس للاسف ما كملتش وبوظت الريجيم يا ريت تكتبى لنا ريجماتها لانها بصراحة دكتورة ممتازة وتحسى ان ريجيماتها مافيهاش تجويع او اكتئاب جزاكى الله خيرا ومستنينك بس يا ريت النهاردة علشان نبدء علطول
الحقينا به يا قمر انا سمعتها على قناة عين كانت وصفت ريجيم لواحدة كانت نزل وزنها واصبح ثابت مش...
الله يبارك فيكى الحقينا بيه
zayyoda
zayyoda
طريقة الطهي
1- ينزع الجلد أو الدهن قبل الطهي – يفضل الأكل مسلوق أو مشوي في الفرن
2- السناك مرة واحدة ثمرة فاكهة لو مكتوبة
3- الخضار المسموح به: كوسة – فاصوليا – سبانخ – بامية – خرشوف – بروكلي – كرنب
4- صنف واحد بين الوجبات خيار و خس فقط
5- لا بد من شرب 3 لتر ماء يوميا – 2 كوب قبل الأكل بنصف ساعة و 2 كوب بعد الأكل – يفضل كوب ماء دافئ مضاف لها عصرة ليمون
6- طبق السلطة: خيار – خس – بقدونس – نعناع – ملح – فلفل – خل – ليمون – ملعقة مسطردة – ملعقة خل تفاح – جرجير
7- مسموح الطماطم مطهية مع الخضار و مع المكرونة المسلوقة بدون سمن أو زيت أو زبدة
8- يتبل اللحم و السمك و الفراخ بعصير بصل – ملح – فلفل أسود – ليمون – خل – بهارات – توابل بدون إضافة زبادي
9- لا بد أن يكون الأكل ببطء شديد – مضغ الأكل جيدا
10- ممنوع الأكل أمام التليفزيون
11- ترك أدوات الطعام على المائدة لتعطي نفسط فرصة للمضغ و لكي تشعري بالشبع
12- أقصى استخدام للسكر الطبيعي 2 ملعقة في اليوم – للتحلية : دايت سويت أو بدائل للسكر
13- المشي نصف ساعة في ثاني أسبوع مع هز اليدين لتنشيط الدورة الدموية
14- لا بد من معالجة الإمساك فور حدوثه
zayyoda
zayyoda
وصفات الطعام (طريقة التحضير)

أولا - المكرونة
ملو مج قبل السلق و يضاف له صلصة طماطم فريش و عليها ملح و فلفل و توابل و بهارات و 1 ماجي خضراوات


ثانيا - وصفة الأرز
ملو كوب قبل السلق (كوب رز و يضاف كوب ماء و يضاف عند غليان الماء 1 ماجي خضراوات - بهارات - ملح - فلفل - كركم - كاري) و يمكن عمل محشي كوسى - بذنجان - كرنب - و يضاف نعناع و طماطم - ملح - فلفل - بهارات - توابل


ثالثا - وصفة الخضار
بروكلي - كوسا - فاصوليا - بذنجان - بامية - سبانخ - ملوخية - قرنبيط

أي نوع من الأنواع السابقة تطهي كالتالي: (ني في ني أو على البخار أو شوربة خضار - يضاف الطماطم و البصل و الثوم و البهارات و التوابل و ماجي خضروات) و يمكن أن تضع كل الخضراوات على بعضه و تقطع الطماطم ترنشاط و معها بصل أيضا و توضع في الفرن