%% عــنـوان و تـكـلـفـه عملية اطفال الانابيب و العلاج لدكتور: خلدون الشريف %%

تأخر الحمل

السلام عليكم

كيفكم يابنات يارب الكل بخير


انا جتني رسائل كثير عالخاص تسال عن الدكتور خلدون الشريف

بس احب اعتذر للي مارديت عليهم لاني مااقدر ارسل عالخاص لان مشاركاتي اقل من 50

فاحبيت انزله بموضوع عشان الكل يستفيد


عنوان الدكتور خلدون الشريف ,, المركز الاستشاري

عمان _ وادي صقرة _ شارع الكندي _ اشارة حدائق الملك عبدالله

وهذا موقعه عالنت
7
7
http://www.jordanivf.com/default.asp?lang=arb


اما عن سعر العمليه انا قلت قبل بموضوعي تقريبآ 6000

لكن رجعت وسالت زوجي قلت قلي بالظبط كم كلفت العمليه

قال العمليه لحالها بس كلفت 8800 ريال سعودي

طبعآ نجي للعلاج انا مثل ماقلت لكم كنت اخذ العلاج كل يوم بيومه

صراحه هـم خيروني قالو تبغين تاخذين العلاج كله معك او كل يوم بيومه

وانا صراحه اخترت اني اخذ العلاج من صيدليتهم كل يوم بيومه احسن لي

العلاج اول اسبوع كان يعطيني الطبيب جرعه كنت ادفع لهم يوميآ 150 ريال

بعدين زوود الجرعه لباقي الايام وصرت ادفع يوميآ 300 ريال

طبعآ لان مثل ماقلت لكم استجابتي كانت ضعيفه

انا اخذت العلاج لمده 24 يوم


يعني لو بضرب 150 ريال في 7 ايام يطلع المبلغ = 1050 ريال < قيمه علاجي في اول اسبوع

و17 يوم بضربها بـ 300 يطلع المبلغ= 5100 << قيمه علاجي باقي الايام

يعني كلفني العلاج 6150 ريال


و 8800 قيمه العمليه + 6150 قيمه العلاج = 14950 ريال ,, يعني اربع طعش الف وتسع ميه وخمسين ريال

هذا تكلفه العلاج والعمليه عند الدكتور خلدون الشريف



أما عن الطبيب صراحه قمة بالاخلاق ودائمآ مبتسم رغم الزحمه اللي عنده ويعطيك أمل في كل مره تدخلين عليه

واي سؤال تسألينه يرد عليك ويرجع يقولك في اي سؤال انا حاضر ( ماشاء الله عليه )

واللممرضات وربي اني حسيت انهن خوات لي من طيبتهن واخلاقهن

حتى اللي بالكونتر ( الاستقبال ) عسل ,,



والحين مابغى منكم الا دعوة صادقه ان ربي يرزقني بتؤام يااااااااارب
49
26K

يلزم عليك تسجيل الدخول أولًا لكتابة تعليق.

تسجيل دخول

بنت الظهرات
بنت الظهرات
الله يخلي لك جوري ويرزقك لها اخوان واخت يعني ولدين وبنت قولي امييييييييييييييييييييييييين ويرزقني ويررزق اخواتي المتاخرررررررررات وقولي لنا متى التحليل
naa4000وبس
naa4000وبس
ها بشرى متى التحليل الله يرزقك
واخيرا
واخيرا
الله يرزقك بالتؤام يارب

طيب ايش اسامي الأبر اللي أخذتيها ؟ وفي اي يوم من الدورة بدأتي ؟

وفي أي يوم من الدورة تم لك السحب ؟
frashh200
frashh200
والله المبلغ كبير ماادري يمكن علشان الابر اللي اخذتيها اكثر ولمدة 15 يوم
الله يرزقك الذريه الصالحه ويعوض تعبك
حرم المهندس زيكو
بالله عليكي أذا حملتي انك تبشيرنا الله يرزقك ياكريم بولدين تؤام بصحة وعافية وانا معكي