لكل من تقدم لها خاطب

السلام عليكم ورحمة الله وبركاته وبعد 




انا حبيت انزل هالموضوع كنصيحه لكل وحده تفكر تتزوج قبل ان تخطو خطوة الموافقه . 
لكل انسان ربي خلق له عقل باطن يستطيع المرء انه يعرف زوايا نفسه احيانا منه لما يفكر بينه وبين نفسه ذا ينفع لي البسه او لا مثلا ، فيدلك للشي اللي يناسبك بقدرة قادر ولكل شخص ذوق وبنا على ذلك فانه لكل شخص وجهت نظر وتختلف من شخص لشخص كما تختلف الالوان والالسن والعادات والتقاليد واشياء كثيره . فعلشان كذا حبيت اني انزل هالنصيحه كحوار مع العقل الباطن لكل بنت مقبله على الزواج هل هي حقا تريد الزواج لاجل الزواج او لا . 












طبعا حنا نعرف اننا في مجتمع محافظ ولله الحمد والمنه فنجد اغلب البنات يواجهون ضغوط نفسيه بسبب الفتن اللي ظهرت والتطور الغريب اللي دخل علينا ومناقض مو لعاداتنا وتقاليدنا بل يناقض قيمنا الدينيه واخلاقنا اللي امرنا بها الله سبحانه وتعالى ووضحها وشرحها لنا الرسول ،، يقول تركتكم على المحجة البيضاء ليلها كنهارها لا يزيغ عنها الا هالك ،، نسال الله السلامه والثبات . 
طبعا حنا نعرف اننا في اخر الزمان وفي اخر الزمان تظهر كثير من الفتن واللي ماسك على دينه كالماسك على الجمر ولنا في هذا وقفة جهاد للنفس ، من منا لا يحلم بانه يجاهد ، جهاد المراءة يختلف عن الرجل ، جهادها هو جهادها نفسها الامارة بالسوء ودفع نفسها عن المعاصي من الفتن والشهوات المحرمه وجهادها في بيت زوجها مع ابنائها وحتى ان كان مع زوجها ، هذا جهاد المراءة . 








الحمدلله اللي جعل جهادنا في امر يسير لان الله قال في كتابه عز وجل ،، لا يكلف الله نفسا الا وسعها ،، كل وحده منا تمر بظروف قد تراها قاسيه ولا تحتملها لكن لو فكرت قليلا بالامر من هالناحيه رح تكتشف انها قادرة على الصمود لان الله لا يكلف احد فوق طاقته فالله اعلم بما تتحمله فهو خالقها . فالدنيا لم تكون صافيه للانبياء حتى تصفى لنا فنسال الله الثبات ، دائما بعد كل صلاه ادعي لنفسك بالثبات . 




وتذكري اختي المسلمه بان الله ارحم الراحمين واكرم الاكرمين الجئي له بالضراء بالدعاء وبالسراء بالشكر والحمد ، ان وجدتي نفسك فاق بك الامر ولا تستطيعين تحمل مابك فتذكري ان مايزيد عليك هالامر الا الشيطان اعوذ بالله منه فالجئي لله عز وجل بالدعاء والتضرع له اشكي له امرك كله ابكي واخرجي كل مابداخلك له وارمي همكي عليه واتكلي عليه وقولي كل ما تشعرين بيومك من ضيق او مضايقه بعد الدعاء فوضت امري الى الله وتغاضي وتاكدي بان الله لا يخيب امل العبد ما دام العبد محسن الظن بالله سبحانه وتعالى . ،، وجاهدوا في الله حق جهاده هو اجتباكم وماجعل عليكم في الدين من حرج ،،




اختلف الابتلاء والمؤمن القوي احب الى الله من المؤمن الضعيف ، فتذكرن بان الله لا يظلم عبده . سواء ابتليتي بمجتمع منفتح وانتي تربيتي بمجتمع محافظ او ابتليتي بتاخر الزواج او ابتليتي بزوج متسلط او ابتليتي بوسواس قهري او ابتليتي بمرض او ابتليتي بالحرمان من الضنا او ابتليتي في اي امر فالله لا يضيع اجر الصابرين . 




اجعلوا في يومكم وقتا للقران فستجدون مايبري المكم ومايعدكم ربكم . اوصيكم بالقراءة بعد الفجر ،، ان قران الفجر كان مشهودا ،، وقت مميز للمتزوجه والعازبه والقراءة فيه مريحه . اسال الله ان يكتب لنا ولكم الثبات على الامر . 




استرسلت بامور حبيت اتكلم بها قبل الحوار مع العقل الباطن . اختي العزيزه . والله لم اكتب هالموضوع الا لاجلك ولحبي لمصلحتك . 




ان كنتي في مجتمع محافظ وتجدين من حولك او اصحابك من يسعون خلف الفتن فعليك الصمود




فكري اولا مع نفسك عندما يتقدم خاطب وقبل ان تفكري فيه هل هو مناسب او لا . 




هل انتي مستعده لخوض جانب من الحياة يحمل بين ثناياه مسؤليه كبيره . 
وهل موافقتك على خوض هالتجربه فقط من باب التحرر من رفض الاهل لارتداء ماحرم الله من بنطلون عباءة على الكتف لثمه قصير فتحة الضهر وضيق جدا و عبائة مزركشه وكشف الزينه باليدين واخراجهم من العبائة التحرر بالخروج للمطاعم مع الصديقات او الخروج للصديقات وزيارتهن . 
هل موافقتك بسبب غيره فقط وتريدين ان تدخلي في خوض هالتجربه 
هل موافقتك كان للانتقام من اخت او لشعورك بالنقص امامها فقط . 
هل موافقتك كانت لان صديقاتك تزوجن وانتي تاخرتي او تقليد لهن . 
هل موافقتك كانت نصيحة صديقة وانتي غير مستعده لحياة جديده . 
هل موافقتك لشعورك فقط كي تلبسي فستان ابيض وتجهزين وتسوين عرس وتشعرين شعور اي عروس فقط 
هل موافقتك قائمه على اقتناع تام من الداخل 
هل زواجك فقط لاجل السفر للخارج 
هل موافقتك فقط لان اللي حولك تزوج وانتي لا 








الزواج عادتا يحل بعض المشاكل عند بعض البنات لكن ماتفكر بطريقه عقلانيه لكيفية قيادة حياتها بعد زواجها ، الزواج ستر وتحصين للمرء سواء ذكر او انثى . الزواج سكن واحترام . الزواج كما لك من حق لغيرك حق . الزواج مسؤوليه وليست تسليه .




كوني اخيتي على قناعه تامه بان الزواج هو مسؤليه زوج واحترامه ضروري وحل المشاكل بطريقه لا تسبب فجوة بالاسره مع اهله تاكدي ان كنتي على قناعه تامه بانك تريدين تتزوجين ومستشعره بالمسؤليه رح تكونين قادره على قيادة الحياة الزوجيه من كل ناحيه ولديك القدره على حل المشاكل حتى مع الاهل وتجدين طرق لكسب اهله ولا تتسبب باحداث فجوه . والمشاكل لو دققتي تجدينها حتى مع خواتك يعني الامر طبيعي الاختلاف لكن لا نطيع الشيطان بقطع الارحام مع اهلك او اهل زوجك لانهم ارحام ابنائك فاتق الله في هذا الجانب . 
لانه مارح يتضرر بالاول والاخير سواك ان لم تفكري جيدا قبل الاقدام على هذه الخطوه . انتي من يخسر ، طولي بالك . 
كم فتاة وفتاة اخذت لقب مطلقه وهي مازالت في شهورها او سنواته الاولى والمولم مازالت صغيره وبالاخير تتزوج واحد مطلق او معه عيال . ليه تحط نفسها بهالموقف . فكري ثم فكري ثم فكري قبل الاقدام على الخطوه الخطره هذي . لانه لن يدفع الثمن سواك . ورح يتاثر الابناء ايضا .




لديك مسؤليه اكبر ايضا من زوجك وهي مسؤليه الابناء . هل انتي قادره على الصبر على تصرفات الصغير ومتابعته . هل قادره على غرس الدين وحب الله في الصغر لانها مسؤليه كبيره واغلب المتزوجات الحين الله يهديهن ماعندهن وقت الا للواتس اب والانستقرام و المكالمات المطوله ولا عندهم وقت تغرس حب الاسلام بابنها وهو صغير وتحفظة من ايات الله وتقص عليهم قصص الصحابه والانبياء وعلوم الرجال . قصصهن الحين عن ميكي وطقته والا تفتح سبيستون او ام بي سي 3 ويكفي تفتك من ازعاجه واكثر ماتهتم فيه فقط بالملابس لازم كشخه ولازم يكون نضيف لا احد يتكلم عليها ولا همها وش يسالها الله عنه يوم القيامه . مارح تنسال الا عن ابنائها ليس بامور لبسهم كشخه او لا او حرمتيهم من الاجهزه او لا او سفرتيهم او لا او فليتي لهم السفره اكل او لا او علمتيهم الاتكيت او لا والى اخره هو رح يسالها عن تربيتهم لان كل جيل يوم القيامه يقول للي قبلهم اعطهم ضعف من العذاب لانهم اظلونا وكل جيل يرمي على اللي قبله لحد مايوصل لك ولتقصيرك . هل امك ماربتك على هالامور وانتي صغيره اذا فشلت امك بهالشي فرح ترمين هالامر عليها وهي مصيبه والمصيبه الاكبر اذا صار التقصير من عندك انتي متخيله كم ذنب شلتي من الاجيال اللي جت منك  . 
لا تجعلين المجتمع بمساوئة السيئة والمحيطه فيك ياثر عليك في توجيههم او تربيتهم حتى لو اضطريتي تتعاملين معهم على اساس انهم كبار وتعلمينهم كل شي من امور دينهم وهم صغار لان الصغار يسالون عن كل شي . 




مسؤليه كبيره على عاتقك ، اختي المخطوبه بعد ماتجدين نفسك قادره على خوض هالتجربه بمعاركها الحياتيه فاستعيني بالله واتكلي عليه واقدمي على الموافقه ورؤية العريس . واذا رئيتي نفسك لستي قادره فلا تقبلي حتى لو كان فيه مميزات يقول من ترك شي لله عوضه الله خيرا منه . وعلى قدر نياتكم ترزقون . 
فيه بنات قالوا لهم اهلهم فرصه ولا تضيعينها ويمكن ماتجيك احسن منها فتقدم على الخطوه دون قناعه داخليه تامه ، فقط لانه فرصه لا تعوض فبالاخير لم تستطع قيادة حياتها بطريقه جيده وتتخبط وبالاخير محد بياكلها غيرها والناس اللي نصحوها بيلومونها انها ماعرفت وان الغلط منها حتى لو من وراها متجاهلين انها من نصيحتهم علشان كذا ارجع واقول فكري اخيتي بعمق . 








كثر الطلاق بالاونه الاخيره من هالاسباب ذي واحيانا يكون السبب ايضا فاللاسراف في المحفل والموسيقى والرموش اللي هن وصل لعن صاحبها اللي صارت الوحده تتهاون فيهم على اساس انها ليلة وتعدي والعري اللي يصير ، ينكتب الحين تحت بالبطاقات ممنوع اصطحاب الاطفال والجوالات والمغاتير لكن مانقول ممنوع لبس القصير والعاري . 
اذا اردتي التوفيق ابدئي حياتك بطلب رضى الله عز وجل بردع نفسك عن رغبتها بالحرام وقد تكون سبب بتوفيقك . 
















ادري ان مكان ازياء لكن احسه مكان مناسب للمقبلات على الزواج عذرا .