كيف تخلون بيتكم مرتب وعندكم اطفال كثير ومافي شغاله افيدي

الأسرة والمجتمع

السلام عليكم ورحمة الله وبركاته 
أخواتي خلونا نستفيد من بعض وانا بصراحه ودي استفيد منكم أكثر في حياتي وانا اذا عندي شي كويس راح أخبركم 
انا أم لأطفال فوق السته ماشاء الله وحامل وماعندي شغاله للأسف ومشكلتي ابي كل البيت كله كله مرتب ومثل الورده وريحته ديتول وعود عاد مدري هي مشكلة فعلا ولا طبيعي 
مثلا أحب اكوي كل شي حتى بجايم الأطفال وداخلياتهم علشان يوم افتح دروج الملابس ارتاح نفسيا من منظرهم وهم مرتبين فوق بعض مثل الكتب الللللللله هذا المنظر يسوي عندي مناظر الطبيعة في تركيا هههههه
ومثلا أحب ادخل الحمام اشم ريحته روعه ومرايته تلق لق وبلاطه ناشف ويلمع وكل شي فيه حلو 
ومثلا يوم أدخل المطبخ اشم ريحة الديتول والكلوركس والدروج مرتببببببه من جوا وتلمع والمجلا مثل المرايه يلق والثلاجه كويسه والدرج الي تحت المجلا عقدتي في الحياة أبيه مثل المبه لدرجه انظف أطرافه بعود الأسنان والسكين وأبي البلاط اشوف صورتي فيه ههههههههه الله لايبلانا من جد
وغرفتي عاد مايحتاج ابي ريحه ونضافه ووووو
وكل شي واكيد كلكم مثلي وأحسن بس كيف اسوي الي عندها أفكار وأشياء تفيد وتستفيد لأن الي عندها صغار مثلي مدري كيف تسوى بحيث الأطفال يكونو مرتبين في شكلهم والبيت يحوسونه مع أني اقول شيلوا العابكم واكافئهم واحيان اهددهم حتى لو تبون تقصون ورق قربوا سلة الزباله وقصوا قدامها الدروج واغراض البيت والاثاث ياويله الي يلعب فيهم بس والله يلعبون فيها واحيان اتغاظى عنهم لأنهم يطفشون احنا ماشاءالله كثير والشقه صغيره وين يودون طاقتهم وابوهم ماعنده وقت يخرجنا حدايق دايم لأنه يبني لنا بيت وسيع ومشغول مره مع العمال ومشاكلهم 
خلاص مدري وش اكتب بعد بس خلونا نفيد بعض علشان حتى ازواجنا يوم يدخلرن من برا يرتاحون والله زوجي يقول يوم أدخل واسم الديتول اني افرح ههههه مدري وش قصتنا مع ذا الديتول 
57
11K

يلزم عليك تسجيل الدخول أولًا لكتابة تعليق.

تسجيل دخول

هلا 2013
هلا 2013
الله يقومك بالسلامة

حتى مع وجود الشغالة بتكون هناك شغلات ماتنتبهين لها وتغثك انها مو دايم على كيفك

كلنا نفسنا بيوتنا تكون عشرة على عشرة وروائح العطور تعبي المكان
بس ترى الاطفال الصغار روح روحهم باللعب

يوم راح يسمعون كلامك وعشرة لا وهذي طبيعة الاطفال وحياتهم

بالنسبة لوضعك حامل وتعبانه فالافضل تريحين بالك وتاخذين شغالة بالساعة

واذكرك بقصة السيده فاطمة لما اثرت فيها الرحى وطلبت من رسول الله خادم

فَعَنْ عَلِيٌّ كرم الله وجهه :
((أَنَّ فَاطِمَةَ عَلَيْهِمَا السَّلَام, أَتَتْ النَّبِيَّ صَلَّى اللَّهُ عَلَيْهِ وَسَلَّمَ, تَشْكُو إِلَيْهِ مَا تَلْقَى فِي يَدِهَا مِنْ الرَّحَى, وَبَلَغَهَا أَنَّهُ جَاءَهُ رَقِيقٌ, فَلَمْ تُصَادِفْهُ, فَذَكَرَتْ ذَلِكَ لِعَائِشَةَ, فَلَمَّا جَاءَ, أَخْبَرَتْهُ عَائِشَةُ, قَالَ: فَجَاءَنَا, وَقَدْ أَخَذْنَا مَضَاجِعَنَا, فَذَهَبْنَا نَقُومُ, فَقَالَ: عَلَى مَكَانِكُمَا, فَجَاءَ فَقَعَدَ بَيْنِي وَبَيْنَهَا, حَتَّى وَجَدْتُ بَرْدَ قَدَمَيْهِ عَلَى بَطْنِي, فَقَالَ: أَلَا أَدُلُّكُمَا عَلَى خَيْرٍ مِمَّا سَأَلْتُمَا, إِذَا أَخَذْتُمَا مَضَاجِعَكُمَا, أَوْ أَوَيْتُمَا إِلَى فِرَاشِكُمَا؟ فَسَبِّحَا ثَلَاثًا وَثَلَاثِينَ, وَاحْمَدَا ثَلَاثًا وَثَلَاثِينَ, وَكَبِّرَا أَرْبَعًا وَثَلَاثِينَ, فَهُوَ خَيْرٌ لَكُمَا مِنْ خَادِمٍ))
أم الاميرة تالة
أم الاميرة تالة
الله يحفظهم لك
بصراحه موضوعك جاء بوقتة عندي طفلين ومرة محتاسة بينهم والبيت وزوجي واالتنظيف وماعندي شغاله عاد اليوم شوي  وابكي من الحوسة
ياليت البنات يفيدونا
أم الحلوين أنا
أم الحلوين أنا
ياحبي لك موضوعك على االجرح 
أنا مثلك اأم لأربع أطفال وتعالي شوفي اذا اافطرو البيت ككله يفطر وواذا تغدو حبات االرز بكل حدب وصوب وعندي االبنت االصغيره سنتين مره تحوس ووتحب تفتح ككل شي بس اأنا ساكنه بشقة صغيره مره اأقدر اسيطر على االوضع 
وحنا بشر لنا طاقه ووصحتنا لها علينا حق ماحب اأرهق نفسي ففوق طاقتها 

وماعندي وقت لللتنظيف االعميق زي ممايقولون يالله أقوم بواجباتي االيوميه 
والمفروض االرجال يستحي على دمه ويجيب خدامه اأو اأقل شي الأجهزه االمساعده مثل غسالة ملابس اتوماتيك ووغساله صحون االخ 
بس االحمد لله على ككل ححال
واذا صار عندي وقت فراغ أسوي تنظيف عميق للمطبخ والثلاجه  
ليتني طباخة
ليتني طباخة
ماشاء الله اللع يقويك
انا عندي طفلين
وبصراحه انظف بالشي اللي اقدر عليه
مرررع مااتعب نفسي
طيوفه الحلوه
طيوفه الحلوه
رفع