فطيرة الرول الهندي
هذي جداً لذيذة وكل من ذاقها طلب طريقتها .. وحلاوتها إنها سهله وممكن تتخزن في الفريز


المقادير والطريقة
3 حبات متوسطة بطاطس مسلوقة ومهروسة (لازم تكون ناعمة )
يوضع عليها 3 ملاعق جبن سايل





في طاوة يحمس بصل مع زيت ثم دجاح مفروم ويبهر بكاري ( فيه كاري من شركة إسناد بارد ) وكركم وفلفل أسود وملح ولما ينضج يترك ليبرد ثم يوضع عليه كزبرة مفرومة

بعدين نجيب خبزة عربي ( مفرود ) وندهنها بخليط البطاطس ثم نفرش عليها خلطة الدجاج ثم نلفها بشكل رول ثم نغلفها بالقصدير وتوضع في الفريز لمدة نص ساعه حتى تتماشك بدون ماتجمد








نقطعها حلقات ثم نغمسها في دقيق ثم بيض ثم بقسماط ونرجعها للفريز




متى ماحبيتي طلعيها واقليها في الزيت

شاروما لحم تركية


هذي الوصفة أخذتها من مطعم والحمد لله عجبت الكل

تعبت من تنزيل الصور .. راح أنزل لكم بس البهار والباقي سهل الكل يعرفة

المقادير والطريقة :

كيلو لحم مقطع صغير مرررره
يوضع عليه ملعقة كبيرة من البهار ويترك لمدة ساعة




(البهار بعد ماتفتحينه حطيه في علبه في الفيزر لأن يخرب .. نكهته قرفة على مسمار على فلفل أسود هذي النكهه الطاغيه عليه لكن أتوقع معاه أشياء ثانيه )


يحمي زيت تقريبا نص فنجال ثم يوضع عليه اللحم ويشوح ولما يفتح لونة يوضع عليه بصل مقطع ويقلب إذا بدا البصل يذبل نضيف طماطم مقطع صغير ولما يذبل نضيف الملح نقلب بعدين نطفي النار ونظيف كزبرة طازجة مفرومه تعطي طعم خيالي

في خبز صاج أو عربي ندهن بخليط (طحينة وزبادي وخل وليمون ) ثم نضع اللحم والبطاطس المقلي والمخلل حسب الرغبة
وتقدرون تاكلوها مع خبز تميس عادي زي المقلقل >> احلفي





تعبت مرررره .. أكمل في وقت ثاني بإذن الله

ماشاء الله \\يعطيك العافيه

عدنا بحمد الله



بيتزا سريعة / عش البلبل


المقادير والطريقة
قواعد بيتزا جاهزة أو ممكن تسوينها أنتي بالبيت وومكن لو صار عندك زايد من عجينة تفردينها في صينية وتدخلينها الفرن من تحت تشقير بسيط جدا وبعد ماتبرد تغلفينها ف الفريزر ووقت ماتبغينها تطلعينها وعليها حشوتك وفي الفرن تكمل تحمير من تحت وتذوب الموزاريلا



جبن سايل ندهن به القرص
ثم كاتشاب نوعيه مافيها سكر أو صلصة البيتزا الجاهزة
زيتون وفلفل
وجبنة موزاريلا أنا ماكان عندي وقتها فحطيت قشقوان











عش البلبل تدهنين الوجه بلبنه ثم ترشين الموزاريلا مع التشيدر على الوجه وفي الفرن ولما تخرج تدهنينها بشيرة ثقيلة أو عسل

( صورة عش البلبل فقدتها مع زحمة الصور .. عذراً )

المطبق بعجينة السبرنق رول


على صاجة تيفال حارة توضع الحشوة ويطوى الجنب الأيمن والأيسر بالتساوي






الحشوات :
لحم أو دجاج مكشن مع بصل وكمون وفلفل أسود وملح وبصل أخضر وكراث وبقدونس وطماطم نحفرها ونقطعها (حتى ماتذوب السوايل على المطبق )




جبن تشيدر مع بيضة وملعقة سكر




جبن تشيدر مع فلفل أحمر بارد وباربيكا و(فلفل أحمر مجفف ومطحون فيه منها البارد والحار ) بيضة (بالصورة لسه ماحطيت البيض)