ارهــــاب العملية القيصريـــة في عالم حواء وغبـــاء المجتمــع< اكتفى من الردود

الحمل والإنجاب

تنويه

(انا لا اشجع عالولادة القيصرية ومااقول انها افضل من الطبيعي)


اهلين بنات

اللي خلاني اكتب هالموضوع ولادة اختي القيصرية وفيه من هم على شاكلة اختي كثييير


اختي صغيره عمرها 18 سنة ولدت قيصري

اول ماولدت مبسووطة وقالت بس كذا الولادة نمت وقمت ولقيت بنتي جنبي

بدوا الزوار يجون وكل كلامهم ياحيااااتي قيصرييية ياحراااام ياعمريييي مسكييييينة خلاص ماراح تجيبين الا مدري كم وكله تاسي وترحم وكانه صاير مصيييبة عظيمة كانهم باترين رجلها او ايدها اتوقع اللي باترين رجولهم اهون على كلامهم

طبعا اختي صغيرة وماتدري وشو القيصري وشو الطبيعي طارت عيونها وماتدري وش السالفه وحست ان اللي صايرلها مصيبه وشي كبير وانها مسكينه
جلست تصييح وجاها كابة في نفاسها كله تبكي .. عشان ايش؟!! عشان قالولها ياحرام مسكينه (عاد اختي حساسة وتبي تكون مثالية بكل شي)
وجلست تدور في النت (عالم حواء مافي غيره) طبعا في المنتدى صاير ارهاب القيصرية

صراحة حزني مرره وضعها


مسكتها


قلت ليه انتي زعلانة؟ جرحك يعورك

قالت لا

قلت تعبتي في العملية

قالت لا


طيب ليه زعلانة

جلست تقولي خرابيط الحريم اللي جالسين يقولونلها واللي قرته في منتداي الفاضل


قلت لسالفة تحديد النسل كم راح تجيبين 10؟
اللي ولدوا طبيعي ماجابوا 10 وانتي تقدرين تجيبين الى 8 واكثر على حسب حالتك
فلا تقولين تحديد نسل ما تحديد نسل


وقتها كنت حامل واخذها لدكتورتي تسالها

والدكتورة ميتة عليها من الضحك..تقول انتي شايلة هم ومحزنة نفسك على ولاشي ..الولادة نوعين طبيعي وقيصري مثل اذا قلتلك العصير نوعين تفاح وبرتقال..تقول هنا عندكم في السعودية معتبرين القيصرية مصيبة يمكن لان القيصري اول تمر الوحدة بولادة متعسرة تجلس 3 ايام وكان الجرح في الطول ويتعب الوحدة وماتسويها الا انها متبهذله قبل ..اما اللحين تطور الطب وصار على خط البكيني والقيصرية تعتبر من اسهل وابسط العمليات ماتستغرق ثلث ساعة


قالت اخاف تتاثر صحتي من كثرة العمليات
قالت ابدا هم يفتحون نفس الجرح الاول


قالت اخاف رحمي والهرمونات تتاثر بعدين اذا كبرت ووصلت لسن الياس
قالت ابدا ماله دخل


قالت اخاف يصيرلي كرشة <=طبعا نقلا من كلام الحريم اللي جوها
قالت ماله اي علااااقة


سكتت (خلصت اسئلتها بس فيه شي جواها ماخلص)
قالت طيب ليه الناس يقولون ياحراااام؟احس اني انسانة فاشلة انوثتي ناقصه
هنا الدكتورة ماتت من الضحك
قالت اللي يقولون ياحرام محد يقولها الا عندكم في السعودية حتى انهم اثروا على الدكاترة اللي موجودين هنا
ولو انتي مجربة الطبيعي ماقلتي هالكلام بعدين الناس اللي ماتحمل مجردين من الانوثة!!! وتضحك عليها
قالت انتي مين مدخل الافكار الغريبة هذي في راسك
كثييير يجونا يبغون قيصري
وكلامك انك خايفة على جمالك وصحتك
اشهر المغنيات والممثلات يولدون قيصري
انجلينا جولي جنيفر لوبيز نانسي عجرم نوال الزغبي كلهم عمليه
وهم اكثر ناس يخافون على صحتهم وجمالهم

قالت تبينها من الاخر انتي زيك زي اللي والدة طبيعي بالضبط بس هي تحت مسمى طبيعي وانتي قيصري
وهي جرحها تحت وانتي فوق بسسسسس





ارتاااااااااحت اختي مررره وقالت لو حملت ثاني ابغى قيصري
حتى بعد كلامها صارت تهتم ببشرتها وشعرها وجسمها وانبسطت واول ماولدت ماسوت ولا شي مع انها مسويتلها جدول ايام حملها كانها تقول خلاص خربانه خربانه هههههههههههههههههه



اختي طالعه من الولادة مبسوطة مرره بس يوم جوها الناس اكتئبت

بصراحة بعذرها تخيلي كل اللي حولك يقولون التفاح شين التفاح سبب كذا ويسبب كذا التفاح اللي ياكله مدري شيصيرله وشافوا وحدة ماكله تفاح وقالوا ياحرام ياحياتي المسكينة هي تصدق انها ياحرااام ويضيق صدرها لان كل المجتمع اللي حولها يقولها انتي مسكينه وهم ماعندهم سالفه <== ابوك يالتشبيه.. تكفين لاعاد تشرحين هههههههه


لا بس من جد


وش هذا؟


وش هالتخلف اللي عندنا



مره كنت في مجلس ومجموعه يسولفون
قالت وحده:اييه .. فلانة ماتولد الاعمليات وتضحك وهم يضحكون!!!!!!!!!!!!!!!
باللهي فسرولي الجملة اللي فوق
هذا تفكير مجتمعنا
بعذر اختي اذا اكتئبت اذا كل اللي حولها كذا


فيه ناس كذا تفكيرهم
يحسون اللي تولد عملية ناقصة او فيها عيب خلقي مثلا ههههههههههههه
وينظرون لها نظرة ثانية خخ


وهي تصدق ومعنوياتها تتحطم


حتى اشوف مواضيع بعض البنات

بنات ولدت بعمليه اهئ اهئ

والثانية

مااولد الاعمليات :44:<== وحاطه هالفيس

والثالثة

:icon33::icon33: ادعولي اولد طبيعي ولدت مرتين قيصري :icon33::icon33:



ليه كل هالحزن والالم والكابة

عشان ايش؟


ولا اللي يبون طبيعي


ماودي احلف بس متاكدة انهم يبون طبيعي عشان الناس تقول فلانه ولدت طبيعي <= بنت خالتي اعترفتلي

طيب واذا الناس قالوا فلانة ولدت طبيعي وبعدين؟؟؟؟؟؟ (لايعني اني ضد الطبيعي)

بنات بليز لاتصيرون غبيااات

اذا صار المجتمع غبي لا تصيرون اغبى منه


من جد ابغى اسال لكل وحدة تبي طبيعي وهي تولد قيصري..ليه تبين طبيعي بصرااحة؟
مع اني احس الاغلب عشان السبب اللي قلته عشان الناس





وبالنسبة للجرح
جرح صغييير اسفل البطن عند منطقة العانة مثل هالصورة




ولحد يقول يشوه اختي استخدمت عسل عليه وماشا الله اختفى نهائي كانها ماسوت عمليه
وصراحة شكله حلو عند تشققات البطن من الحمل هههههه


فياللي ولدوا قيصري

اصحوا


اصحوا


اصحوا


انتم بنعمممه لاتخربونها على هم ماله وجود اصلا
ويكفي مميزاته لا طلق ولا دفع ولا خروج راس تنامين وتقومين مع شهادة ضمان انك تبقين بنت البنوت هههههههه






(ماابي ردود الطبيعي احسن من القيصري ....الخ لان هدف الموضوع واااضح)






270
185K

هذا الموضوع مغلق.

Najluna
Najluna
سلمت يمينك ،،، ياليت عندنا وعي كان ما وصلنا لهذا المستوى
ميهاف الرياض
ميهاف الرياض
والله ياقلبي انا مثلك استغرب الي تقول جايبه قيصري الله يعينها انا صدق ان ولاداتي طبيعيه
بس والله كثير اعرفهم مايجيبون الاقيصري ومرتاحات من الولاده الطبيعيه
وزي ماقلتي كله جرح بس الموقع يختلف وبالنسبه للبطن
ماشاء الله لاقوة الابالله حماتي قيصري وبعد كم شهر رجع بطنها لاصق بظهرها
يعني اهم شي الاهتمام والعنايه
عمتي عندها ستة اطفال كلهم قيصري
وثانيه اعرفها عندها ثمانيه وكلهم قيصري
بصراحه فيه بنات يكبرون الموضوع الله يهديهم مو كلهم بعضهم
وطمني اختك وقوليلها الي كاتبه ربي بيصير سواء قيصري ولا طبيعي
حلم الحراير
حلم الحراير
صادقه والله ههههههههههه ياحبي لك طالع كلامك من قلب طالع هةنتي علي عمليتين0
aomroena
aomroena
لا فوض فوك على هذه الموضوع الرائع
ولك التحية
الخيط الأسود
الخيط الأسود
كلامك حلو,,وانا معك
انا ولاداتي عمليات,,والحمدلله
معي طفلين والثالث بالطريق ان شاءالله,,ولو خيروني بين الطبيعي والقيصري
راح اطلب قيصريه,,احلى شي انام واصحى القى كل شي انتهى,,
يبقى لي جرح العمليه ,,كلها اسبوع بالكثير ,,ويصير كل شي تمام
غير انك تبقين بنت,,مايتغير فيك شي من ذيك الناحيه
طبعا العمليه ماكان باختياري,,عندي ضيق بالحوض
انا مانيب ضد الطبيعي,,بس اقول العمليه اريح بكثيييييييييير من الطبيعي وقت الولاده