اخباركم حبايبي بنات عالم حواء
اليوم راح اقدم لكم طريقه فطيره محشيه مرررره طعمها لذيذ ويجنن وكل من ذاقها طلب الطريقه واخواتي يموتو عليها وهذي سويتها لخواتي وقلت بنزلها لكم وان شاء الله تجربوها وتعجبكم بذن الله
المقادير
عجينه معجنات طعمها روعه وتذوب في الفم وتصلح لكل شي
مقاديرها
كوب ماء
فنجان قهوه حليب بودره
ملعقتين سكراو 3
ملعقه ونص خميره
ذره ملح
كاس شاي زيت
ملعقه بكينج بودر
3 ملاعق زبادي
دقيق حسب الحاجه
الطريقه
تخلطي جميع المكونات مع بعض زين ماعاد الدقيق رالبيكنج بودر
اذ انخلطو زين ضيفيهم علي الدقيق واعجنيهم زين حاولي تتطولي في العجن لن كل ماطولتي كل ماصار طعم المعجنات احلا
وتغطي عليهم وتخمريها نص ساعه لا تزودي عشان اذ طولت تصير فيها طعم الخميره مررره طالع ومو حلوه
الحشوه
جبن مثلثات وجبن بيضاء بيض مسلوق
وبطاطس مقلي مكعبات صغيره
نجي الحين لطريقه الفطيره
نفرد العجينه ونغطيها بجبن مثلثات
بعد كذا نضيف البيض والبطاطس المقلي والجبن البيضاء
بعدين نفر د العجينه ونغطي الحشوه ونلف الاطراف
وندهن الوجه بحليب ونرش بسمسم وندخلها الفرن ساخن نكون مشغلين عليه بفتره
ونخليها حتي ترتفع ويتحمر الوجه
وهذي الفطيره صارت جاهزه
مع كاس شاي يمي الطعم لا يقاوم
وبكذا خلصنا الفطيره وان شاء الله تعجبكم
استودعتكم الله
