قصت ولادتي بحمودي بمستشفى سليمان الحبيب الزيان عند الدكتوره خالده العتيبي

السلام عليكم ياكروشات

شلونكم شلون الحمل والوحام
ابشكركم ولدت ولله الحمد والمنه وجبت حمودي حبيب قلبي
بقولكم قصه ولادتي
انا ولدت بتاريخ 8/22
يوم الخميس
الساعه5العصر
بمستشفى سليمان الحبيب بفرع الريان
الدكتوره خالده العتيبي
اسمعو قصتي من اول حملي لحد ماولدت


بسم الله الرحمن الرحيم

حملت وانا ماكنت ناويه وحاطه بالي الحمل لان كانت بنتي عمره6 شهور
يوم دريت بالحمل وهاك صياح ونفسيه زفت
اكتئبت وطفشت
المهم رضيت الحمدالله بعد اقناعات وجهد جهيد من رجلي واهلي
عاد بدا الوحام يلعب لعبته
نوم وترجيع الله يعزكم ونفسيه زي الزفت
توحمت علي رجلي وبنتي بس خناق انا وياه ماطيقهم اكره اشوفهم قدامي
بس الشكوا لله شسوي اهلي مو عندي عشان احط بناي عندهم
تحملتهم على قد ماقدر
بس مايعدي يوم الا انا وابو الشباب متهاوشين على اتفه الاسباب
وتوحمت بالاكل على ورق العنب والليمون والمخلل اموووت عليهم يوميآ اكلهم
لحد ماوصلت الشهر الخامس
وبعده تعبت من معدتي سببلي تقرحات
وكل فترت الحمل وانا نفسيتي زفت خوف وقلق
كنت اخاف دايم الموت بالي
حتى مرات اروح المستشفى اخر الليل لاني اكون حيل تعبانه واحس الموت فيني واجلس اصيح عند الدكتوره اللي بالطوارئ الله يصبر قلبه علي مادري شلون تحملنني هي وزوجي
طبعا رحت من بدايه حملي راجعت عند الدكتوره سلوى سودانيه بس مارتحت معه
ورحت بعده عند دكتوره مصباح جداويه ارتحت معه بس خذت اجازه بلا عوده وراحت وبعده حولت ع الدكتوره الامراتيه ماذكر اسمه بس ابد ابد ماهضمته لاني مره احدا زياراتي له كانت تسولف بالجوال حوالي ربع ساعه وسكرت وكل هذا واما عنده
وبعده كلمتني من طرف خشمه وطلعت وانا متنرفزه منه
وبعده رحت للاداره اقدم شكوا عليه وقالت انصحك روحي لدكتوره خالده العتيبي هي مديره الاستقبال قالت لي اروح لمه
وكانت تقول ان اكثر قريباتي اوديهم عند خالده
بالبدايه مارتحت مع خالده بسبت زحمه الناس عمده والصغط عليه
واستخرت وحسيت اني مرتاحه مع خالده وانا بس استمر معه
عاد احلى شي سويته اني اخترته ماخترت احد غيره
لانه سوت الشي اللي انا اليه

عاد جاء الشهر الثامن
وانا افرح قربت ولادتي وابدا اشتري اغراض النونو
واجهز له من الا
يوم جاء الاسبوع الثاني وانا بالثامن جتني طلوق ونزل معي موياء
وتعبت
يومين كاملات وانا معي طلوق
رحت وطلبت دكتوره خالده العتيبي كانت عنده عمليه رهي تاخرت وحولت على دكتوره ثانيه
انوقع اسمه شكيرا او شاكره من هالنوع
عاد دخلت عليه وانا اقوله سالفتي طلوق ومويا تنزل
سوت لي اشعه وتخطيط لطلق وقلب النونو
عاد طلع الرحم فاتح معي 2ونص والطلق زايد
يوم رحت لدكتوره كتبتلي ترقيد عشان خافت اني اولد
بس رفضت اترقد
لان بنتي ماحد عنده وزوجي مايعرف يسويله شي
طلعت على مسؤليتي
يوم جاء من بكرا رحت لدكتوره خالده الله يوفقها ويسعدها دنيا واخره
ريحتني شافتلي قالت اهم شي ارتاحي
لاتحركين ولاتركبين السياره ابد ولاتبذلين اي مجهود
عاد سويت نفس ماقالت وجلست
عاد كل يومين وانا مشرفه عند الدكتوره لزوم تطمن ع الجنين خص ان الرحم فاتح
يوم الاربعاء تاريخ8/21
رحت موعدي عند الدكتوره
واتكلم معه عن الولاده قالت توك مافي اي بوادر ولاده عندك والنونو ثابت مو مسوي فوضى بالرحم
واعطتني موعد ولادتي بتاريخ16 رمضان
انا فرحت اني بصوم نص رمضان
يوم رجعت لبيتي واكلم امي وسوالف معه
وسهرت ذاك اليوم ع التلفزيون بعد صلاه الفجر نمت
واحلى نومه نمته من حملت
احس اني خفيفه والنونو ثابت مايتحرك واحس بطني خفه مو طبيعيه
يوم جاء الظهر وانا اقوم مصحصحه
واغسل ثياب زوجي وثياب بنتي
وبعده حسيت بتعب ومغص بطني واجلس
وبعده رحت انام على السرير لاني مره طلوق ذبحتني
وخفت لان توي داخله التاسع صار لي 3ايام بس بالتاسع
واتحمل الالم شوي خف الوجع
واجلس اسولف بالواتس
شوي على الساعه 2ونص حسيت بظهري يوجعن بقوه كنه بينكسر
واجلس اصيح اخذت ربع ساعه وسمعت صوت طقه قويه كانت مرتين وراء بعض
بغيت انهبل من الخوف وبدت تنزل معي الموياء
واجلس اصيح وجا زوجي اخذ بنتي عنده وقمت اتسبح بموياء دافيه لاني سمعت انه تسهل الولاده
وبعده لبست وطلعت للمستشفى
طبعا شقتي بالدور الرابع وفيه اصنصير يوم ركبنا طلع خربان يتفح ويسكر يالله بالموت تسكر ونزل فينا بعد صياح تعب
يمكن 10دقايق وهو يلعب معنا
وطلعنا صادفنا شوي زحمه بالطريق
وتسلط علينا واحد يشرله زوجي يبيه يوخر عشان يتعداه وعيا لايوخر عند مع زوجي
انا هنا انهبلت خلااااااص ماعاد فيني اتحمل ولاده وطلق وهذا اللي عند لايوخر عن زوجي من اللي جنبه فاضي وهو شباب وهاك دعاوي غصب عني لاشعوريا جلست ادعي عليه
من الغبنه اللي فيني
المهم يوم وصلنا المستشفى نزلت عند قسم العياده منلخم زوجي مو عارف وين يوديني من الربكه
لحد ماجت الممرضه والسكيورتي يوصفون له قسم الطوارئ
بعده رجعت اركب السياره >>>ذاك اليوم كل شي شين صادفنا من ااربكه صار زوجي يسوي شغلات مدرب وش تبي

ونزلت بقسم الطوارى
استقبلوني استقبال حلو
وجلست عندهم نص ساعه
مع ان الرحم كان فاتح7بس مارضيو يطلعوني فوق لحد مايخلص زوجي اجراءات الدخول بعده يطلعوني فوق
بس طلعت انا قبل لايخلص زوجي الاحراءات
لاني بديت ادف وبداء النونو يدف عشان الطلعه
هناء خافن الممرضات وطلعني فوق
هذي حركتهم كانت مره سخيفه
انهم لطعوني نص ساعه عشان الاجراءات
المهم طلعت لغرفه الولاده وجلست اون من التعب واصارخ
ابي الدكتوره تجي تولدني
جت دكتوره الطوارئ قالت انا بولدك الدكتوره خالده ماهي جايتك انا هنا خلاص انهرت الرحم فتح 7ونص وهم توهم يقررون منو بيولدني
واجلس اصايح عليهم ورفضت ان دكتوره الطوارئ تولدني لاني دافعه فلوس ابي الدكتوره خالده
قالو طيب استني الحين تجيك
عاد من بيقول لنونو استنا لاتطلع
شوي بديت ادف واصارخ خلاص النونو بيطلع والدكتوره ماجت
شافتني الممرضه وهي تصيح علي لااااامادام ستوووووب نونو طلع لاتدفي لاتدفي وتجيني دكتوره الطوارى وقالت اذا تبين الدكتوره خالده تولدك لاتدفين
وانا احاول امسك نفسي مابغى ادف عشان ابي خالده تولدني

شوي جت الدكتوره خالده
وهي تصيح علي ليش توقفين دفي انتي صايدخ على راس النونو الحين يتعب
وانا ادف بقوه وادف ورابع او اخامس دفه طلع حمودي
وشرف حبيب قلبي على الدنيا
الساعه 5وشوي جاء حمودي
بس تعب مره لاني كنت صايده على راسه
ولانه توي داخله الشهر التاسع
صار لي 3ايام بس وهذا مو زين لانه ماكمل نموه
وصوته يالله ينسمع بالصياح مرررره صغير صوته

انصحكم تولدون عند الدكتوره خالده العتيبي
قمه بالتعامل وايده خفيفه
والخياطه مرررره حلوه
بس قولواه تخدركم بالخياطه انا نسيت اقوله تخدرني
وبعدين اصرو عليه انه هي اللي تولدكم
ولو تقدرون تاخذون رقمه عشان اذا جتكم الحاله تعطونه خبر
وبالنسبه لتعامل الممرضات بعد الولاده اخلاق وادب
مره حبوبات
مره بالليل بعد ماراحو الزوار نسيت اخذ فلوس من زوجي
وانا ماجبت بوكي معي
ذبحني الجوع وادق ع الكفتريا واطلب منهم يوم درو ان مامعي فلوس رفضو يجيبون لي حتى كنت اقولهم سجلوها دين واذا جاء الفجر اعطيكم الفلوس رفض

وانا اجلس اصيح من التعب والجوع الا دخلت الممرضه علي
وخافت سالتني وش فيني قلت له جوعانه الي اكل
الله يوفقها ذيك الممرضه
راحت وشرت لي اكل من حسابه واعطتني وجلست توكلني
بس تعاملهم مره راقي الممرضات
يوج جاء زوجي وانا اسدد ديني اللي علي ورفضت تاخذهم عاد تقول ان هذي مثل اختي عادي
يالله بالاقناع خذت الفلوس
وبس هذا قصه حملي ولادتي بحبيب قلبي حمودي

اي سواء او استفسار انا حاضره