إتعرفون شنو الفرق بين الشاي الأسيوي وبين الشاي الأفريقي ؟؟؟؟


على العموم أغلبنا يسمي الشاي (( شاي أسود )) وهو يندرج تحته شاي ليبتون وشاي الوزه وشاي إكسبريس وغيرهم كثير يعني الأنواع السيلانيه من الشاي ..والأسيويه كلها من هنديه وتايوانيه وصينيه وغيرها ..
وتعرفنا على الشاي الصيني الأبيض

بس فيه أنواع أفريقيه وموجوده غالبا في جميع السوبر ماركت تحت ماركات مختلفه ويحبونها إخواننا المصريين لسبب بسيط إنها غنيه وثقيله ولونها غامق جدا وأحمر قاني ..
والنوع الأفريقي من الشاي يسمى


(((( الشاي الأحمر ))))

وله طعم لذيذ ولونه أحمر قاني ومن تحطين الكيس في الكوب راح تشوفين بسرعه تغير لون الماي وصار لونه شاي غامق أحمر ..



وهذا احد أنواع الشاي الأفريقيه مصنوع في جنوب أفريقيا
وراح أحط لكم أنواع مختلفه متوفره عندنا بالخليج
وحاولوا تشوفون على علبه الشاهي الي عنكم هي صناعه وين ؟؟؟

سيلان ولا أفريقيا وغالبا الي متوفر عندنا بالخليج هو الصناعه الكينينه ..

هلا وغلا وحدة كووول

الموضوع عجبني كثير بس بغيت اسأل المنتجات هذي فين الاقيها في السعوديه؟؟

ومشكووورة:24: :24:

أكمل معاكم مشواري مع الشاي وجميع ما يخص تحضيره

الحين بحط لكم صور من مصافي الشاي

بعضنا يحب يسوي الشاي الورق بس الي يضايق فيه
إن ممكن يزعجنا واحنا نشرب الشاي فالحل هو في إستخدام
مصافي صغيره تجي على قد الكوب نحط فيها الشاي الورق
وبعد ما يستوي الشاي نشيلها من الكوب ونبدي نستمتع بشربنا
للشاي من دون مضايقه الأوراق المتطايره في الكوب

وهذي بعض الأشكال الظريفه المتوفره في جميع المحال والسوبر ماركت



وهذي على شكل قلب



وهذي على شكل شمس



وهذا النوع أشهرهم وهو موجود في إيكيا وعلى شكل ملعقه



وهذا النوع يجي مع ستاند علشان الحفظ

هذا النوع يصير مثل المصفاه الي تاخذ شكل الكوب وتجي غالبا مع الكوب لانها تكون على حجمه



وهذا النوع مصنوع من البامبو وغالبا يستخدم من قبل دول شرق آسيا لحد اللحين



أتمنى إنكم إستفدوا من معرفه أنواع مصافي الشاي وهي موجوده ومتوفره بأنواعها المختلفة وأشكالها الكثيره في أغلب أسواقنا العربية

:cook:

بعض الطرق لحفظ وعرض الشاهي

تقدرين تخلين لك مجموعه متنوعه من الأنواع الي تفضلينها من الشاي في علبه
توضع على طاولتك الي تعدين عليها الشاي وتتركين الإختيار لك ولأفراد العائله لأختيار الطعم المفضل لهم ..

ويمكن أن تمرر على ضيوفك إذا كانوا من أفراد الأسره القربين ..



أو بهذا الشكل



أو بهذي الصوره



أو علبه صغيره مثل هذه ممتازه لحفظها في الدوام وغيره