خواطر امراه @khoatr_amrah
عضوة نشيطة
طريقتي المعتمده والمميزه في عمل الجريش وعمري ماراح اغير طريقتها
السلام عليكم ورحمه الله وبركاته
كيفكم حوائيات
انا جبت لكم طريقه لعمل الجريش اخذت طريقته من هنا مسويتها والدة العضو بس عن جد روعه ويشرف وكل من جربها مانسي طعمها
الجريش
اسلقي دجاجه كامله واتركيها تبرد
خذي ثلاث كاسات جريش وانقعيه لمدة ساعة كامله في مويه عاديه
حطي في قدر كبير علبه كبيره لبن الحجم العائلي يعني اكبر حجم وياليت يكون بحراره الغرفه واخلطي معاه مرقه الدجاج بعد ماسلقتي الدجاج فيه وحطي الجريش معاهم وحطيه على النار
وحركيه كل خمس دقائق او اقل من كذا علشان لايتكتل اللبن بس خليه على نار متوسطه
حطي اربع مكعبات ماجي وملعقة طعام كمون مطحون يعطي طعم رائع للجريش وحركيه وخلي عينك عليه
اخلي لحم الدجاج من العظم ونتفيه وبعد مرور ساعه ونصف على الجريش حطي لحم الدجاج المنتف وحركيه
خذي خمس حبات بصل حجم كبير مقطع شرائح وحمسيه على النار وقطعي عليه شرائح ثوم واضيفي عليه اي بهار مشكل عندك وكمون مطحون وملح وكم حبه فلفل حار وكركم وكاري
انا حمست هنا بصل بس وملحته وحطيت عليه ليمون اسود مطحون
وبعد مرور ساعتين ومع التحريك المستمر راح يستوي الجريش ويقدم مع التحميسه
وبها العافيه على قلوبكم يارب :smheart:
83
29K
يلزم عليك تسجيل الدخول أولًا لكتابة تعليق.
تعبانه مره
•
شكله رووووووعه ما شاء الله
تعبانه مره :شكله رووووووعه ما شاء اللهشكله رووووووعه ما شاء الله
شرفتيني بمرورك يالغاليه
شكله حلو بس طعمه احلى وبها العافيه على قلوبكم
شكله حلو بس طعمه احلى وبها العافيه على قلوبكم
الصفحة الأخيرة