تجمع بنات الكـــويت ..دراريع ..مكياج ..ملافع ...بسسسرعه !!!

ساعدوني

حبيباتي عضوات عالم حوااااء

شلونكم كلكم وشخباركم

تجمع لكل عضوات عالم حواااء عموما وللعضوات الكويتيات خصوصاا

انا بودي من زماااان اعرض هالموضوع واذا لقا القبول منكم ان شاء الله بنكمل فيه ...>>>>>>>>>تبي تشجيع ترا:21:

اهو عباره عن عرض وتبادل خبرات لكل مواضيعنا احنا الحريم مثلااا

اللي عندها موديلات حلوه حلوو لدراريع بيت او مناسبات :27:

اسامي عناوين لمصممين سواءاا مصممين ازياء حفلات او دراريع ..

مكياج جديد او لون جديد اهي مكتشفته او شايفته حلو

اماكن لملافع حلوه عبايات ...اكسسوارات.....شحاطات صنادل جناط ,,,,,,,,,,

يعني بالعربي كلوووو من مجاميعووو

اذا شفت الردود مشجعه بعطيكم من ما في جعبتي وفي جعبتي الكثيير هههههههاي:23:

يا الله شجعوني :21:
89
65K

هذا الموضوع مغلق.

بنت الديره
بنت الديره
فكره حلوه يا اخت الشـــــوق
مع اني مو من الكويت لاكن حبيت الفكره عشان اذا نويت ازور الكويت اعرف وين اروح
بس ياريت تعلمونا اماكن لبيع ملابس السهره الجاهزه واحلى الاسواق عندكم :26:
الندااويه
الندااويه
يا بعد عمري والله يا الشوق ... فكرة روعة ... وإن شالله البنات ما يقصرون ...
أنا حاليًا والله ما في شي في بالي بس إن شالله متى ما لقيت لكم شغله تسوى راح أضيفها للموضوع ...
وبليز بنات اللي تعرف خياط زين تبلغني لأنه عندي أكثر من عرس بالفترة الجاية ... ودي بخياط مجربينه وشغل مرتب

وجان عندكم أرقام حريم يفصلون دراريع بعد يكون أحسن

<------------ ما تنعطى وجه :27:


وراجعتلكم إن شالله
الشـــــوق
الشـــــوق
يا هلا فيج بنت الديره

واذا بغيتي تزورينا بلغيني بعطيج ملخص لكل شي .....هههههههههههههاي بلاه من كثر الفراره

وحياج الله واذا اي شي عجبج موديلات دراريع مكياج اي شي ممكن تضيفينه لنا ترانا ما نصدق على الله:)


النداويه

يا هلا ومسهلا على الاقل احد عبرني هههههههههههاي


واذا بالنسبه للخياط عندي خياييط بس انتي حددي مستوي القرابه للشخص اللي بيتزوج والسعر اللي تبينه وابشري بطيبة الخاطر

والدراريع شكثرهم هالايام ....انتي من اي منطقه علشان اقدر اشوف الاقرب لج....

وحيااج الله
سحر الابتسامة
أنا كم مرة زرت الكويت ... فعلا بلد أسواقها حلوة ..

و هالمرة راح أزورها ان شاء الله .. و ياريت أعرف وين دراريع حلوة و سعرها مناسب يعني مو أكثر من 15 دينار .. و تكون ناعمة و بسيطة ...

:)
الشـــــوق
الشـــــوق
سماء الحريه

حياج الله زيارتج شرف لنا ... بس اتوقع انج تبين تشترين دراريع جاهزه

الدراريع اللي طلبيتها ...ممكن تلاقين اكثر من خيار معين بس بشكل رئيسي .... في الفروانيه مجمع الحمرا موول في دراريع حلوه وبحدود السعر اللي طلبتيه خصوصا السرداب ....

في مجمع النقره الشمالي بالسرداب وفي مجمع الايوب محل تاج العروس دراريعه حلوه خام امريكي وموديلات ناعمه وذربه .......

في مجمع العربيد فيه تجمع خياطين بشكل كبير يسوي لج القطعه بسرعه والخام منه وبسعر معقول بس انا ما احبه :(

لاني اذا خيطت عندهم بتنتشر الدراعه عن كل الخياطين والكل بيكون شايفها ..بس بالنسبه للي جايين زياره فرصه حلوه لهم خصوصا وانهم يقلدون دراريع غااليه لمصممين وباسعار معقوله........

ممكن بعد تلقين نظره على مجمع الاوقاف في الدراريع باسعار متفاوته وموديلات حلوه

هذا اللي حضرني حاليا واي شي انا بالخدمه