صباح \ مساء الخيرات والمسرات
هذا اول موضوع انزله بقسمكم مع اني احب الاشغال اليدويه لكن ما اسويها الا بفترات متباااعده
لكن اختي تعشق الاعمال اليدويه ولها اعمال كثيرره ودايم اقول لها ودي اصور اعمالك وانزلها لكن
الظروف ما تسمح اني اصور
وهذي المره هي صورت لي حلاوة العيد والعيديات اللي سوتها لنا وكانت فكرتها مبتكره ورااائعة
واعجبت الجميع لانها سوت جو حلوووو يوم العيد
هذي صورة السلة كاملة
وهذي من زاويه اخرى
وهذي الكروت من برا
وهنا من جوا
فكرة العيديات انها صممت كروت بورق A4 ملون ومقوى حطت جوا كل كرت بطاقة معايده طبعتها من الكمبيوتر والطرف الثاني حطت فيه العيديه ..
العيديه كانت من جميع الفئات النقديه عدا الـ 500 << ماتخارج ههههههههه
1 ريال / 2 ريالين / 5 ريال /10 ريال / 20 ريال / 50 ريال / 100 ريال / 200 ريال
ومن برا زينت الكروت بشرايط وورود ولصقت عليها شوكولاته
وحطتها بسله هي ملبستها بقماش ساتان وشرايط ولولو
ويوم العيد الصباح جابت الحلاوة لبيت اهلي وقت اجتماع العائلة وقدمت للجميع الحلاوه كل واحد يختار ولا يدري ايش راح تطلع له عيديه
بعض الاطفال طلع لهم 50 وكانوا فرحاانين فيها وبعض الكبار طلع لهم ريالين هههههههه
وانا شخصيا طلع لي 5 هههههههه بس والله كانت الفكره راااائعه وميزتها الترقب والمفاجأة والجوا الحلو والتعليقات الظريفه من الجميع
اتمنى الفكرة تكون اعجبتكم
واي سؤال امروا
:)