كلنا نحب شوكولاين وشوكولاتتهم والحلى المنزلي حقهم ويعتبر من افخم محلات الشوكولاتة في المدينة المنورة بس اي وحدة حابة تشتري منهم بقولها
انتبهي
اذا اشتريتي من عندهم تاكدي من طلبك قبل لاتطلعي من المحل
لانهم بيتبعو سياسة عدم الترجيع او التبديل
انا اشتريت منهم لولادة اختي
وطلبت منهم يعبو لي بعلب شوكلاتة مواليد بناتية وكررت عليه كم مرة بنااااتي وبس
وماطليت في العلب الا تاني يوم لمن جيت ارتبها في الصواني
وانفجعت لقيتو مشكل لي ولادي وبناتي
والمشكلة انو اللي كان معايا وقت ماشتريت منهم زوجي وزوجي سافر تاني يوم الضهر وانا ما فتحت العلب الا المغرب
ورجعت لهم مع السواق وتضاربت مع الكاشير وقام يقاوح ويقول لي انتي ليش مافتحتي العلب وانتي في المحل احنا مانرجع ولا نبدل
قلت له وانا ايش ابغى بالولادي وبعدين شوف الشوكولات لسة بتغليفها
طنشني ومسك الجوال وصار يكلم فيه وانا واقفة قدامه
حسبت عليهم وخرجت
حراااام يضيعو سمعتهم بشي تافه زي كدا
فانتي انتبهي نصيحة مني لوجه الله
دلوعة صلوحي @dloaa_slohy
محررة
يلزم عليك تسجيل الدخول أولًا لكتابة تعليق.
@MoOnY@
•
ماحب الا باتشي :)
جزاك الله خير على التنبيه
ترا هالسياسه ماشيه في اكثر من محل
حتى تغليف الهدايا ومحلات الحلويات الاخرى
ترا هالسياسه ماشيه في اكثر من محل
حتى تغليف الهدايا ومحلات الحلويات الاخرى
الصفحة الأخيرة