هل ممنوع على المتزوجة إظهار سعادتها في حياتها .. نماذج من ردود بعض العضوات ..!!!

بسم الله الرحمن الرحيم

السلام عليكم ورحمة الله وبركاته

اسعد الله صباحكم / مساءكم
:)





مالي في المقدمات أبدا
لذلك ندخل في الموضوع على طول

هو سؤال لكن يتفرع منه عدة نقاط ..

في هذا القسم ( حياة أسرية سعيدة )

ليش ممنوع على المتزوجه ان تظهر سعادتها في حياتها .. ؟؟
لاحظوا قلت سعادتها .. مو حياتها الخاصة

لما وحده تفتح موضوع تكتب فيه حبها لزوجها وطريقة التعامل بينهم ..
إذا أظهرت حسناته .. إذا تكلمت عن رحلاتها وسفراتها .. إذا صورت بعض الهدايا منه لها او العكس ..

على طول نشاهد نفس الردود .. وأنا تعليقي على الردود أصلا

اول رد
حرام في بنات مو متزوجات او مطلقات او أرامل .. بتكسرين خاطرهم
!!!

ثاني رد
خافي على نفسك من العين .. فيه متزوجات مو مرتاحات مع أزواجهم
!!!
(( ما ادري هل العين ممكن تصيب .. الشخص من كتاباته )) هذي اللي أبي اعرفها ؟

ثالث رد
بدينا في تأليف الروايات .. أتحداك لو ما كان زوجك يضربك و يهينك وهذي كلها عقد
!!!

رابع رد
طيب وايش نسوي لك .. وبعدين
!!!


لكن لو فيه موضوع نكدي كله هموم وقضايا
خيانة او ضرب او طلاق
على طول نشوف الردود اللي تواسيها واللي تصبرها واللي تعطيها الحل

ليش ما قلتوا
فيه بنات مو متزوجات ممكن يتعقدون من الزواج ..!!
طيب هذي حياتك حنا ايش دخلنا ..!!
كل هذا كذب وتأليف ..!!

وإلا بس السعادة هي اللي ممنوع نكتبها في القسم
بالعكس لو كل وحدة تكتب عن حياتها السعيدة وكيف زوجها يعاملها وكيف تعامل زوجها ..
او كل وحدة تصور جزء من حفله لها او هدايا
او ايش تخطط لتغيير الروتين في حياتها .. او مرة زوجها فاجأها بشي وحبت تكتب عنه
انا اشوف هذي أكبر فائدة للبنات في القسم ..
من خلال هذي المواضيع الواحد يتشجع و يغير حياته ويسعد نفسه قبل كل شي

لكن انحرمنا من هذي المواضيع اللي تبعث التفاؤل في حياة الشخص :(
مع ان القسم فتح لهذة المواضيع ..