آه نسيت اقولك ياريت تبقى تعملى موضوع تقوليلنا فيه كان اليوم عامل ازاى معاكِ
وقضيتيه إزاى وإيه الأصناف اللى عملتيها :) وبالتوفيق بإذن الله ياقمر
الصفحة الأخيرة
ولو الكبسة صعبة عليكِ ممكن تعملى صينية مكرونة بالبشاميل او خضار " كوسة + جزر + بطاطس " بالبشاميل او سبانخ بالبشاميل ( كلوا يمشى :) )
وتعملى جنب اى صنف منهم سمبوسك محشى إما باللحم المفروم او الجنبة مثلاً او اى شئ تحبيه
وصنف اللحم يكون اسكالوب بانيه ولو حابة ممكن كمان تعملى بجانب كل ده بطاطس محمرة
وبالنسبة للسلطات من رأيى اعملى سلطة بلدى " خيار + طماطم + بصل + خس + ملح + فلفل + كمية صغيرة خل " وتكون ديه السلطة الأساسية وتعملى جنبها سلطة طحينة او بابا غنوج ومثلاً سلطة زبادى لو تحبى
ونيجى بقى للحلو انا من رأى بلاش بليلة تستخدميها كحلو مش بتبقى ظريفة اوى لأنى عن نفسى بحب اتعشى بيها مش احلى بيها بعد الأكل!!
وعموماً هيا حسب الرغبة والذوق العام لكن ممكن اديكى أفكار ثانية, أنا شايفاكى مش حابة فكرة الكيك, عموماً مش مهم فى حاجات تانية كتير غير الكيك ممكن تعمليها يعنى ممكن مثلاً تعملى أم على لو صعبة اعملى مهلبية لو مش حابة :) اعملى بودنج شيكولا او فانيلا لكن ابعدى عن الجيلى من رأى الجيلى بيكون فى الصيف افضل لكن فى الشتاء مش بيكون مستحب اوى, و ممكن تعملى الاسهل والاطعم وهو الكريم كراميل - كل الناس بتحبه - !!
يارب اكون اديتك بعض الافكار واكون ساعدتك ولو بمجهود بسيط جداً , واتمنى لكِ بإذن الله قضاء يوم ممتع :)