الخيــزران
الخيــزران
اختي شخص لها الدكتور وقال هذا قولون
وبصراحة هي لها فترة كذا يوم ماراحت الكلية واحسها غير تعبانه ، وتنام ، وتشكي من بطنها وتقول احس بثقل سويت لها شوربه عادية قللت الملح فيها وحطيت وعصرت لها ليمون وحطيت اي شي من البهارات ، لكن تقول احس في زيت ... مع اني قليل بس حق الكشنه
المهم دايم تقول احس بدوخة ، واحس بثقل في بطني ، وبصراحة لما قريت كلامكم ... عرفت وش تقصد لاني خفت انها تبالغ او انها وسوست وعلى فكرة راحت لـ 3 اطباء ، والمشكلة يعطونها ادوية احسها قوية اختي نحفت وزنها ضعف وصايرة ماتاكل كثير ...

وغير كذا قعدت كم يوم معها امساك ، وشربت شاهي كثير على اساس يروح منها وراح ماشاء الله تبارك الله
بس بعدين ... كانه جاها سهال الله يكرمكم يمكن لانها كثرت من الشاهي ....

الحين وش تنصحونا نسوي لها ، لاني بصراحة ماكنت مقدرة الموضوع ، وعلى بالي تعب وارهاق وبيروح بس الحين قعدت ابحث في النت ولقيت كلامكم وحسيت فيها وعرفت المرض

طيب في كذا حاجة حسيتها متناقضة مثلا يقولون البيض لا / وبعدين يقولون عادي .... يعني بس البيض المسلوق
وبالنسبة للحم كيف .؟ وشي ثاني كيف تتكيف مع المرض بدون ماتجيها نوبات التعب هذي

يعني ياليت تعطوني معلومات عشان اعطيها خبر ، وغير كذا شكرا لكاتبة الموضوع على هالمعلومات المفيدة
جزاك الله خير ...
عصاقـــل مصاقـــل
السلام عليكم ورحمة الله وبركاته

أولاَ أسأل الله العظيم رب العرش العظيم أن يشفيكم وأمي وجميع مرضى المسلمين عاجل غير آجل يـــارب العالمين

ثانياَ أنا أعرف ناس فيهم قولون عصبي ويستخدمون ورق الزعتر ((يوجد عند العطار )) بس مو مطحون ويفوحونه ويشربونه يقولون إنهم لما يشربونه يحسونه إنه يطفي ألم القولون "
وفيه بعد البابونج يمدحوونه هو وورق الزعتر "
طبعاَ مع الإبتعاد عن الأشياء اللي تتعب القولون ((الحوامض والتوابل والأكل الثقيل والدهون ))

أنتم جربوا ورق الزعتر يمكن ينفع معكم وأسألكم بالله إذا نفعكم تدعون لي إن ربي يفرحني بتخرجي وسلامة أمي وأحبابي تكفووون هذا طلبي الوحيد""

واللي تجربه وينفع معها تقولنا عشان البنات كلهم يجربونه"
آنسة 99
آنسة 99
انا قبل لا يجيني القولون
لما بدأت معايه الأعراض سويت أشعة وقالوا اشتباه مرارة والتهاب معدة وقالوا الملاح في الكلى في الآخير طلع القولون العصبي
الحمدلله على كل حال بس الله يجعله أجر وفي موازين حسناتنا وربي تجيني أيام مغص مو طبيعي وإسهال قوي
وآخدله مسكن ميفا _وبيون 3 وأهم شي الرياضة والأكل
رقصة على خد القمر
والله انا بادخل في ثامن سنه مع القولون وتوني داخله في العشرين والحمدلله على كل حال
مابقيت ولا وصفه ولا دكتور و لا مناظير و لا نظام غذائي ولا تحاليل سواء هنا والا بالخارج الا جربته ! ماتتخيلون كيف ! كللللللللللللللللللللللللللللللللللل شي جرررربته بالاضافه الي الرقيه

ومع ذلك الاعراض قامت تزيد وقامت تطلع لي مضاعفات وامراض ثانيه


الله يشفيني ويشفي جميع مرضي المسلمين
زوجة حمتو
زوجة حمتو
انا كمان عندي قولون بس عاااد بعد الاكل اشرب شاي اخضر مع زنجبيل او ينسون مع بابونج
والله يريح من الانتفاخ