همــــسه في اذن كـــل عــــروووووس

تجهيز العروس



السلام عليكم ورحمة الله وبركاته



شلونكم ولهت عليكم وصدقوني امووووووووووت فيكم ..المهم انا عندي جم شغله حلوه وتفيد عرايسنا الحلوين الضايعين اللي مايدرون شطبخه طبعا انا مضى علي الدهر وصرت عتيجه بعد ماعيلت من جذي راح افيدكم واقولكم عن جم شغله يمكن بعضكم يعرفها وبعضكم لا اللي اهم مايدرون شطبخه مايعرفونها هههههههههه

بنات عرايس متزوجات ونفايس والبنوتات بعد استفيدو مو عيب تتعلمون ..

الحين اي بنت فالدنيا تعرفين اذا نظيفه او لا من ريحتها او بمعنى اصح نظافتها الشخصيه ..

نظافتج الشخصيه مو شنو عطرج وجم مره تبخبخين منه بالساعه

لا نظافتج ملابسج الداخليه وبالاخص بين الصدر والمنطقه الحساسه وتحت اباطج انا بتعمق ابي البنات يستوعبون..

الحين انتي عروس راح تهتمين وللاسف فيه عرايس ذابحهم الكسل ماتعرف شي اسمه بخور الا اذا بتروح حق زواره ولا عشا حبيبتي سمعي مني البخور بعد كل شور لازم تتبخرين بس طبعا قبل البخور
1- لوشن
2- ديودرنت
3- عطر خاص بالجسم+مخمريه للشعر
4- بودره حق جسمج وبودره حق المنطقه الحساسه
5- مسك الختام او العروس على كل صفطه بجسمج وعلى ثنيات المنطقه الحساسه ولامانع انج تمسحين سليبج باللي باجي باييدج
6- بخاخ فيم الخاص بالمنطقه الحساسه وهذا اهو موضوعنا

البخاخ هذا يابنات روووووعه وااايد زين ويفيدكم خاصة وقت لما بو الشباب يركب راسه فهمتوني صح اللي ماتفهم خل تقعد في بيت امها وايد احسن
الحين لمن تكونين طالعه او كنتي قاعده عند اهله تحت وانتي عروس خجوله وريلج مايغشمر شتسوين تستأذنين بكل ادب تروحين حق حمامج عزكم الله اذا مداج تمسحين المنطقه كلها من ورا وجدام بمناديل فيم فرش خير وبركه ماقدرتي البخاخ راح يفي بالغرض يخلي ريحتج نظافه من قلب والملمس حلوووو بس مو تبخبخين وايد ثلاث اربع بخات كافيين



7- نصيحتي لكم من اختكم اللي ماتبخل عليكم
بنات لا تشيلون هالمنطقه بشيره ابدا ابدا ابدا بس قبل العرس بيوم وبعدها انسي الشيره لانها ترهل وتطلع دمامل وحبوب والرياييل مايحبون هالشي

اشترو مكينة براون يحطون معاها راس حق الحلاقه هذا احسن من الامواس بعد وامان يعني ماتخافين تجرحين نفسج او شي حطي فبالج كل اربع ايام تسوين مره ترا الريال ماراح يكرهج او يطلقج لمن يكون الشعر ببداية طلعته لا عادي جدا ليش لانج اذا حاولتي تشيلين بموس والشعر توه حتى راسه مو طالع عدل راح تجرحين نفسج ويصير الملمس لووووووووووعه وخشن ((لاتأزمين عمرج الرياييل يدرون انه كل بنت منطقتها الحساسه فيها غابات واشجار واعشاب عادي يعني مو ازمه حتى اهم فيهم مثلكم عادي اوكيك بنات انا تعمقت بالموضوع وسوري سوري سوري لانه فيه بنات من كثر مايشكون ونفسيتهم تعبانه حتى نوم ماينامون قلت بريحهم شويه وراح تضحكون على نفسكم بعد العرس على طول وبتذكروني)))

لمن تطلعين مع ريلج طلعت سينما او عشا ولازم يكون بجنطتج مناديل فيم فرش قبل لاتطلعون من المجمع او المطعم مسحي المنطقه عدل وبدلي الفوطه اليوميه وطلعي طبعا المناديل والفوط اليوميه اثنين او ثلاث بجنطتج دايما
وماراح يكون فيج عرق او شي لانه انتي حاطه بودره على جسمج فلاتحاتين ليش اقولكم هالاشياء بنات اول شي راح يحس انه اللي جدامه انثى نظيفه ونعومه تخاف على نفسها من الجراثيم والامراض وبجذي راح اهو يستحي ويهتم بنظافته عدل ليش لانه يحاول يكون مثل مرته وهالشي عودي ريلج عليه دايما

قبل لاتنامون لازم اثنيناتكم تغسلون اسنانكم ويهكم مناطقكم الحساسه اذا اهو ماسوا هالشي اول يوم او ثاني يوم صدقيني بيستحي ويسويه ثالث يوم واذا ماحس قوليله حبيبتي نسيت لا تغسل اسنانك اذا تعبان انا اغسلهم حقك احطلك كرسي عند المغسله واغسلهم وانته قاعد انا اخاف عليك لازم احافظ على صحتك بس مو اول اسبوع هالحجي لا بعد العرس باسبوعين

صيري ذربه جدامه قد ماتقدرين ترا اذا طبعتي هالشي في راسه من اول شي خلاص بتصيرين طول عمرج جدامه جذي

مثلا :جنطتج شنو فيها

كريم حق اييدج ومعقم حق اييدج ومناديل معقمه تكون صغيره حق جنطه وعلوج ومناديل عاديه وهالاشياء ماعرفت اشيلها الا لمن تزوجت اساسا انا قبل لا اتزوج جنطة حق موبايلي وبطاقة البنغ بس ليش لانه المصروف ينحط فالبنغ وكل ما قللت صرف زاد مصروفي الشهر اللي بعده خخخخخخخخخخخخ ايام المراهقه عجيبه
وبعد ماتاكلون اي شي طلعي المعقم اذا الشي دسم وحطي باييد حبيبج ومسحي اييده بالمنديل العادي واذا كلا حلو او شبس بس اخذي المنديل الثاني المعقم ومسحي اييده عاملي ريلج كأنه طفل يعاملج كأنج طفله

بنات هذا نصيحتي حقكم والله يوفقكم ويرزقكم بالذريه الصالحه ان شاءالله

29
10K

يلزم عليك تسجيل الدخول أولًا لكتابة تعليق.

تسجيل دخول

رفيعة ذوق!
رفيعة ذوق!
نصائح من ذهب

تسلم اناملك ع النصايح كفيتي ووفيتي
زهرة العاطفه
زهرة العاطفه
يعطيك العافيه
بس ماذكرتي اسم البخاخ لاهنتي
شفته بفرح
شفته بفرح
نصائح من ذهب تسلم اناملك ع النصايح كفيتي ووفيتي
نصائح من ذهب تسلم اناملك ع النصايح كفيتي ووفيتي
افكار حلوة يجزاك الله خير
بس سالفة امسح إيده بالمنديل >> الصراحة قوية مو كل رجال يرضاها :)
زوهريه
زوهريه
لا عادي امسح يده وفمه بعد
هو بيكون جزء مني , اهتم به مثل نفسي
بس اللي مافهمته واقراه كثير الفوط اليوميه لازم هالفوط ؟؟؟
يكفي جمال الروح
يكفي جمال الروح
مشكوووووووووووورة ياقلبي