السلام عليكم ورحمة الله أنا راح أقولكم موقف حصل لي عند أهل زوجي المهم في شهر رمضان كنا جالسين بعد صلاة التراويح مجتمعين نتقهوى الحريم في مجلس وخالي وعياله في مجلس المهم جلسنا نسولف وفجأة قالت زوجة أخو زوجي لبنتها خوذي أختك ووديها عند أبوك طبعا البنت عمرها سنة ونصف المهم جت بتوديها إلا أصوات الحريم مختلطة يقولون لاتودينها عندهم درج أنا خفت من درج وأنا كنت ناوية أرسل بنتي لأبوها المهم رحت للصالة وجلست أفكر في درج ليش يخافون منه وش سالفته المهم بعده قطعت تفكيري أخت زوجي وسألتني من الموجود في مجلس الرجاجيل قلت والله مدري بس أسمعهم يقولون واحد اسمه درج ماأعرفه واستغربت هي بعد المهم رجعت لمجلس الحريم وسألتني خالتي ماتدرين من عند العيال(عيالي)ابروح اسلم عليهم قلت إلا أدري عندهم واحد اسمه درج وأقولها بكل ثقة على بالي المهم اسغربوا كلهم وطيرو عيونهم فيني أنا انهبلت قالو وش اسمه مرة ثانية قلت درج قالوا من قايله لك قلت انتم سمعتكم تقولون لاتودين بنتك عندهم درج قاموا يضحكون وأنا مااسوعبت إلا بعدين وهم قصدهم(درج البيت)وقمت أضحك على نفسي من الفشيلة قدامهم حتى الصغار يضحكون .بالله عليكم وش رايكم في الموقف ؟
السلام عليكم ورحمة الله ...
مواقف روووعه الله يسعدكم ان شاءالله