فتاة المزاحمية :

السلام عليكم ورحمة الله أنا راح أقولكم موقف حصل لي عند أهل زوجي المهم في شهر رمضان كنا جالسين بعد صلاة التراويح مجتمعين نتقهوى الحريم في مجلس وخالي وعياله في مجلس المهم جلسنا نسولف وفجأة قالت زوجة أخو زوجي لبنتها خوذي أختك ووديها عند أبوك طبعا البنت عمرها سنة ونصف المهم جت بتوديها إلا أصوات الحريم مختلطة يقولون لاتودينها عندهم درج أنا خفت من درج وأنا كنت ناوية أرسل بنتي لأبوها المهم رحت للصالة وجلست أفكر في درج ليش يخافون منه وش سالفته المهم بعده قطعت تفكيري أخت زوجي وسألتني من الموجود في مجلس الرجاجيل قلت والله مدري بس أسمعهم يقولون واحد اسمه درج ماأعرفه واستغربت هي بعد المهم رجعت لمجلس الحريم وسألتني خالتي ماتدرين من عند العيال(عيالي)ابروح اسلم عليهم قلت إلا أدري عندهم واحد اسمه درج وأقولها بكل ثقة على بالي المهم اسغربوا كلهم وطيرو عيونهم فيني أنا انهبلت قالو وش اسمه مرة ثانية قلت درج قالوا من قايله لك قلت انتم سمعتكم تقولون لاتودين بنتك عندهم درج قاموا يضحكون وأنا مااسوعبت إلا بعدين وهم قصدهم(درج البيت)وقمت أضحك على نفسي من الفشيلة قدامهم حتى الصغار يضحكون .بالله عليكم وش رايكم في الموقف ؟

السلام عليكم ورحمة الله ...

صبغ وردي :

مرة كنا طالعين لمكان بعيد.. انا و زوجي و امه و اخته و ابوه..و في الطريق وقفنا عشان بترول و شرب و تكرمون الحمام.. نزل زوجي و راح يشتري اغراض لنا و ابو زوجي نزل وراه.. و انا كنت في السيارة و بعدين قلت لام زوجي و اخته لازم ادش تكرمون الحمام لاني ما اظن اقدر اصبر لحد ما نوصل و بالفعل نزلت و الحمام كان داخل السوبر ماركت اللي زوجي و عمي دخلوه عشان يشترون منه اغراض.. فشفت زوجي عند الكاشير و سالني اشتبين قلت له بادش الحمام على السريع قال لي ايه يله و دلني على المكان.. و رحت بسرعة عشان اخلص.. و لما فتحت الباب تمنيت الارض تنشق و تبلعني.. لاني دخلت على ابو زوجي.. و هو صرخ من الخرعة مسكين و انا على طول سكرت الباب و طرت بسرعة للسيارة و ريلي بعده عند الكاشير و يناديني خلصتي؟! و انا ماسكة بطني من الضحك و اركض للسيارة و لما دخلت استغربوا ام ريلي و اخته لاني خلصت بسرعة و بصراحة من الفشلة قلت لهم تراني دشيت على ابوكم.. واااااي و هما ماتوا من الضحك و انا دوروا علي.. و لما ركبنا كلنا السيارة طول الرحلة انا و عمي مو قادرين نطالع في عيون بعض.. و الله كان موقف لا ينسى..

مرة كنا طالعين لمكان بعيد.. انا و زوجي و امه و اخته و ابوه..و في الطريق وقفنا عشان بترول و شرب و...