مصدووومه من ولدي ..

السلام عليكم
عندي بنتي عمرها شهر وشوي قريب تكمل شهرين ..مشكلتي مع ولدي الا اكبر منها ب ثلاث سنوات ..قبل لا اولد كان حلو مررره واغلب شي يسمع كلامنا لما اقوله شي لا يسويه يقولي طيب ماما واذا شي مابيه يسويه اقنعه يقتنع ..كان مايحط باله على اي شي في البيت من تحف واغراض كنت استغرب لما اسمع امهات يتشكون من اولادهم الا يكسرون ويخربون اقول معقول فيه اولاد كذا 😰لما اطلع واشوف طفل يبكي ويعصب ويصارخ استغرب 😓..كان ولدي غيير اشوفه حنون ومطيع ودمه خفيف..لما ولدت انصدمت منه ..ماتغيرت الا بالعكس زدت اهتمامي فيه ومن لما كنت حامل واشتري لبنتي اخليه يشاركني كنت اهيأه ان فيه بيبي بيجي واخليه يختار معاي واقوله لما تجي البنت عطها اياه واخليه يرتب معاي ملابسها ..لما ولدت وشافها حاولت بعد مابعده عنها واضحك معاه ولما ينتبه بصورها اصوره معاها ..انا عارفه فيه شي اسمه غيره لذالك هيأته رغم انه ماكنت الاحظ انه غيور عندي بنتين اكبر منه ..صرت اهتم فيه خايفه لا يحس بغيره واشتري له العاب واحلسه بحضني ..مع ذالك صار واحد ثاااني ..صار يخرب ويكسر الاجهزه مو مخلي شي ..الطاولات يرميهم على السيراميك ويكسر ويخرب ..ضار يتحجج انه يبي يروح الحمام كل شوي بس يعبني حتى لو مافيه شي يزززن ..ويفسخ ملابسه كللللهم واحاول معاه اقنعه اقوله حرام كذا عيب ..ماايفيد يظل يراكض من غير ملابسه التحتيه ..وبصعووبه يلبس وفوق هذا يقهرني ابي البسه يرمي نفسه على الارض ويحوس ..صار يطق وهذا ماكان كذا يطق اخته الاكبر منه ..ويشد شعرها بقووه وكثير من غير سبب ..واخته الصغيره الا عمرها شهر وشوي احسه يحبها لكنه يسوي تصرفات تقهر وامسك اعصابي كل شوي يبوسها بقووه ويلمس راسها واحيانا وهو يراكض يطقها على راسها ويرمي مخده عليها ومره رمى جزمه زين ماصار على وجهها مع اني اذا بسبحها مثلا اقوله تعال سبحها معاي ويمسك الرشاش على انه يساعدني وبعدين يرش بقوه عليها والا يسوي تصرفات مرره تقهر ..وانا احاول اسايسه واتعامل معاه بالطيب اراعي انه ممكن غيران يبي اهتمام لكني بديت اطفش ..ماقدر اخليها على سريرها اذا جالسه لانه يروح لها ويبي يشيلها ويسوي تصرفات غلط معاها لذالك اتعبببب طول اليوم وانا ماسكتها اغلب الوقت وكل شوي واراقب لا يأذيها .. صار يصارخ قدام الناس في المجمعات مثلا وهو ماكان يسوي هالحركات .. يعني متعبننني مررره وهذا بعد تعبانه مع الصغيره سهر ودايم تبكي وفوق هذا ولدي مررره متعب ..مو عارفه اسيطر عليه ولا عارفه شنو اسوي معاه ..اكلمه بالطيب مو ناافع معاه ابداااااا واوقات اعصب وامسك يده وانا معصبه بعد مافيه نتيجه .. تعبنا حتى زوجي صار مره يعصب ويتضايق اذا رجع البيت يقولي انا تعبان من العمل يرجع بعد يتعب من الاولاد لاسيما هذا .. شنو اسوي معاه ؟