كنت أحمل طبيعي وبزيارتين طلعوافيني 4 بلاوي متلتلة، عندي أسئلة يا بنات تعالوا تفلسفوا

السلام عليكم بنات
أنا يا بنات هذا الشهر أول شهر أفكر فيه بالحمل
وأنا سبق جايبه بنت وحمل طبيعي بدون أي تدخلات طبية
طبعاً أنا أكره المستشفيات يوسوسون فيك ويطلعون فيك الأمراض اللي ممكن تجيك وتروح ما دريتي عنها
رحت لدكتورة وقلت لها تشيل اللولب وشالته وقالت لي عندك قرحة في الرحم تعالي أكويها
طبعاً أنا خرجت منها وبراسي ألف استفهام واستفهام
ولا رجعت لها لأن القرحة مب شرط تمنع الحمل

أنا طموحي مو أحمل وبس لا ! طموحي توأم :king:
رحت لدكتورة ثانيه وقلت أبي توأم راحت تابعت التبويض معاي وعطتني كلوميد و3 ابر مينوغون .. تدرون وش قالت بعد كل هذا!
قالت: عندك ضعف شديد في التبويض + بطانة الرحم خفيفة + تكيسات
وعساك تحملي بواحد

ههههههههه
طلعت وأنا أضحك باستغراب طبعاً
يا سبحان الله كل هالبلاوي فيني ومن أول شهر أرغب أحمل فيه

المهم أنا في اليوم 11 من الدورة قالت الدكتورة عندك بويضتين صغار وحده مقاسها 12 وأبعطيك إبره مره ثانية مدري كيف
بس أنا رفضت


بعد كل هالسواليف وأنا ما زلت توي ما جاء تبويضي باقي يومين السؤال اللي يطرح نفسه بمخي هو :

1- هل ممكن يكون في بويضات ناضجة والدكتورة ما قدرت تشوفها بالسونار ؟
2- هل لو أكلت عسل وشربت بردقوش ومرامية من هالحين بيساعد على التبويض الكويس يعني تبع توائم< مازال فيه أمل هههه؟
3- هل أكل الكلوميد للشهدرالثاني على التوالي بتكون الإستحابة أفضل ؟
4- هل ممكن يكون فيه تبويض والبويضات صغار ؟ لأن أحس فيني مغص خفيف ويقولون احتمال المغص موعد التبويض

عندي أسئلة كثيرة أحس إني دخلت عالم كبير مجهول .
طبعاً زيارة أطباء بعد هذه التجربة الله لا يحدني لها .
الحمدلله مافيه أفضل من الدعاء والعمل بالأسباب الشرعية مثل الرقية والعسل


على فكرة أنا أحس كل اللي صار لي رسالة من ربي إن الأطباء مو هم اللي يرزقوني بزينة الحياة الدنيا، لأني كنت رايحة وأنا بمنتهى الثقة إني هالشهر بيكون بكرشتي 2 أو 3 نونوات :icon8:، ********* وأنا راضية باللي صار لأنها فرصتي إني أقوي علاقتي بالله تعالى وأعلق نفسي فيه مو بالدكاترة والعلاجات .


يااااااارب إرزق كل من يتمنى الذرية الصالحة يا كريم